فاطمه- الصبح خابرت قسور الو
هلو فاطمه صباح الخير
هلو قسور نايم
اي والله بيش ساعه اووو ب9
اي
ردتي شي
باوع اا باجر عيد ميلاد سما
اعرف وصيت كيكه من البارحه واشتريتلها سوار
شنو رايك نسويلها مفاجاه
ها
اي
شون يعني
يعني تنهدت يعني نتزوج بدون منكوللها من تنفخ الشموع نكولها تزوجنا
ممم ماشي هاهي بس عدي شرط
شرطيش
ااا شغل ماكو عذريني
اصلا بطلت صار سبوعين مكرسه كل وكتي لسما وجهال حيدر يم رند مداشوفهم
كلش زين هاذ هو اجي عليج هسه نعقد كلتي لاهلج
كلت لعلي وامي مستغربين وممقتنعين علي يكولي شنو الغير رايج
اي وشكلتيلهم
مكلتله شي باوع هالموضوع سري ماريد احد يعرف بي هاي بنيه تنكسر
اي ماشي حتى اهلي مكتلهم
عاشت ايدك خاله درت راح نزجع
اي بس متدري سنه وحده
اي لتكوللها تنهدت هي بعدين ندبر سالفه مشاكل هاي تتدبر
ماشي يله جايج هسه بس ابدل
انتضرك صعدت بدلت لبست جبه صماكي مكياج خفيف وبقيت بالطرمه كلهم نايمين بس اني كاعده سمعت صوت محرك السياره طلعت للباب فتحتها
- باوعتلها نزعت مناضري الشمسيه بقيت صافن عليها مكياج وحركات ابتسمت لا اراديا واني المقرر اثكل واسوي روحي ممهتم ذبت قبل العقد تقدمت صعدت بالصدر اني جامد بمكاني طلعت وكلشي منحجي وصلنا المحكمه عقدنا تذكرت من تطلكنا من عيونها غركانا دمع وترجف واني من اختنكت اني الضيعتها شتسوي حقها
- شريط ذكرياتي كله انعاد بس اني هسه قويه اقوى من كبل الحمد لله سما راح تطيب ومتصير حالتها اقوى باذن الله راح اسوي المستحيل لخاطرها باوع بعيني وكالها زوجتكي نفسي رجف كلبي من سمعتها كملنا وطلعنا صعدت للسياره اندار عليه ---
- متريكه
- لا مااشتهي درت وجهي عالشباك شفته مد ايده عالمسجل علاه شويه رجعت درت وجهي عالشباك طمني بس خل ارتاح طمني كول صبري راح طمني بس عبد الله رويشد كلمات الاغنيه تحاجينا انسى الزعل انسى اللي راح انسى الالم انسى الجراح مدرت وجهي عليه وكف يم مطعم مدرت وجهي مسحت دموعي لمحته من الجامه الاماميه تقرب فتح بابي --
- يله نزلي همست
- نزلت باوعتله وين
- نتريك بينما يفتح السيد
- ماشي طبينا للمطعم تريكنا كوه اكلت دك تلفوني سما الو
- ها حبيبتي
- ماما وينج
- هسه اجي كلبي
- اضوج اتريك وحدي ذبيت اللكمه من ايدي باوعتله هسه اجيب بابا ونتريك سوه
- بابا وياج
- اي حبيبي ويايه دمعت عيني باوعت لقسور اخذ الفون من ايدي سماوي بابا
- هلو بابا دسووون
- والله باجر عيد ميلاد اميرتي وناوي اسويلها مفاجاه
- ههههه عرفت
- شتريدين تتريكين بابا
- اااا بكيفك تعرف شحب
- باوعت لفاطمه تردين كيمر وكاهي
- يس يس
- هسه اجيبلج بعيني تنهدت سديته باوعت لفاطمه انتي كلشي مااكلتي كومي فتح هسه نعقد وناخذ الكاهي ونروح نتريك ببيتكم
- كيفك شلت جنطتي وطلعنا للسيد نفس الحاله عقدنا المهر جان مفتاح الجنان بكتاب الله وصلنا للبيت طب قسور وتريكنا سوه
- قسور- فرحتي متنوصف بس خايف من الايام الجايه سالفه وياي نفس البيت ومحرمه عليه حتموتني كملنا ريوك ترهصت من امها وعلي نهى كامت هسه حتاخذها دمعت عينها
- وشبيج انتي وعرك
- ااضوج وحدي برطمت شون حكدر وحدي فاطمه
- حبيبتي انتي ام البيت هسه ديربالج على امي وعلي
- علي- قسور تره لحد هسه منقتنع برجعتها المفاجاه دير بالك عليها هلمره اذا خسرتها لو يجي شيخكم مارجعها
- اي علي ماشي تنهدت باوعت لسما تضحك
- شنو افتهمني
- اي ههههه
- هاي هديه عيد ميلادج
- ههههه احلىً هديه حضنتني بستها من راسها صعدت فاطمه جابت الجنط تباوع عالبيت مدمعه عينها اخذت الجنط منها وديتها السياره واخذتهم وطلعنا بعد ماودعت امها صعدت للسياره هادئه سكتنا لحد موصلنا للبيت صعدت الجنط طبت من الباب الجبيره سلمت على امي هلهلتلها وطشت جكليت حضنتها رند جانت جوه وي الجهال ضلت شويه وصعدت اني وسما بس نضحك مكيفين من صعدت سكتنا باوعت لسما حالتها مو طبيعيه معقوله درب لا يابه طفله وين تعرف هالسوالف صعدت فوك وكامت ترتب بالغراض اني بس صافن مااعرف شسوي اخر شي جبت وصله مسحت الاخشاب ضلت صافنه عليه ها
- دتسوي عكدت حاجبي
- داساعدج ضام الضحكه كوه عكدت حاجبي شسوي لعد
- روح لشغلك
- لا اليوم عطله
- خليت ايدي على راسي احس نفسي رجعت خطوه ليوره باوعت لقسور لخاطر سما اسوي المستحيل المجنت اتصور اني راح ارجع وهسه رجعت بس موقتا ---شافني اباوعله بعتب نصه راسه عاف كلشي ونزل نزعت حجابي رجعت الهدوم ونضفت كلشي جكايره وكلاصاته المسطره طبت رند اباوع ركبته واج عاي شنو فضيحه
- فاطمه همزين جيتي
- شكو
- خايفه برطمت
- شبيج شكو
- مولين باجر تجي وحيدر اكيد يبات يمها
- لعد شون رنوده حبيبتي
- لج اموت والله
- اني اجي انام يمج
- صدك متعوفيني
- وداعت سما ماعوفج ولج انتي معفتيني شون اعوفج
- لليل طب جايب بيده عشه والمسواك وكيكه سما كامت تكمز من شافتها يباوع من جوه ليجوه علىً شعري يمكن لان طولان ها فاطمه حنرجع انتي هنا علمود سما كصينا الكيكه وتمنت جانت طايره من الفرح وي امنيتها تمنيتلها العافيه طكينا صوره وبوستنا اني وابوها لبسها ابوها سوارها
سما- بالا شو مبست ماما
قسور- نصيت راسي
فاطمه- ليش يبوسني مو عيد ميلادي
- شمدريني اشوف عمو محمد يبوس عمه سلمى وانتو من جننا هنا مو من ترجع من الشغل تبوسك
- قسور- باوعتلها بمكر حيوانه تعرف شدتسوي سما موخاليه وروح ابويه اذا مشت علىً فاطمه تره متتسرسح عليه
- يله بابا بوس ماما
- فاطمه/ نصيت راسي شلت هم تقرب مني باسني من راسي ووخر بسرعه باوعتله مستغربه توقعت حيستغل الموقف اخذنا الغراض للمطبخ وفات هو للحمام يسبح تعشينا سرير سما بالهول طلع باوعلي
- شبيج
- اا هذا ميكفيني اني وياها
- اي تردين تنامين هناك بالغرفه
- لااا
- لعد
- تجيب سرير نهى
- ممم خو انام بالكع وانتي نامي عالجربايه
- لا
- كيفج هسه اصعده عادي بس خل يناموت اخجل من امي تنهدت
- بقيت اباوعله ينشف المس من شعره جنت اني انشفه باوعلي افتح نضرتي تصينا ثنينا راح للغرفه وبقيت بالغرفه مال سما وسما جانت جوه شوي واندكت الباب منو
- اني اني ياهله والله وركعتنه بهلهوله ادري رحت سفره هي ملاعين كلمن يرجع مرته طوني مجال اجي
- يابه اذا سفراتج اذا مو شهرين معتبين حمد الله عسلامتج حبيبتي
- شكرا نورتي بيتج
- شفتي رند
- لا همست اريد اطب اسلم استحي
- تعاي ويايه لازم نكسر الحاجز دكيت باب غرفه رند فتحها حيدر لج هااا هلي جتي ماما
- رند- فزيت من مكاني تقربت باسته من خده هلو حيدر عبالك اني من ابوس رعد وهو بوسها عادي باوعلي خايف عليه ركضت على جهالها حضنت هدى باوعتلي
- مولين- نورتي بيتج ضحكتلها بس تباوع وتنصي همست شكرا هدى بيدي كامت تبجي تريدها استغربت مني متوقعه هالشي اني
- رند- فرفحت هدى واني اتكطع تقربت استحي اخذها تباوعلي ومنيله بجسمها عليه وهي تحضن وتبوس بيها
- مولين- يله يله روحي طبعا يابه اذا لكت بوره حنان شتسوي بيه بعد
- رند- نصيت راسي مااعرف شحجي بس اريد ابجي رند بس فاطمه يمي حتى حيدر ردته يطلع
- مولين- يله عيني اخذو راحتكم شو حمودي فد شمه هاي شووون ميحبوني جهالي والله حبجي
- حيدر- يكبرون ويكومون ميستغربون منج
- اي انشاء الله يله باي باوعت عليها وطلعت غرت علىً حيدر كلش بس اني الردتها ارجع واكول مستقبلي اهم شوي ونزل حيدر جنت ميته تعب سفر وطريق ودراسه ردت بس انام منصدكه نطونا عطله باجر لل11 توني اغفه دخل حيدر للغرفه ها شو جيت يله بيت بيت
- ادري بيج ضجتي الله يقدرني وماقصر وياكم ثنينكم
- ماضم عليك غرت بس من اصفن اني طموحي اكبر من اكون ربت بيت بس واني مثقفه واعرف اليريد شي يضحي بشي
- صح تنهدت تمددت نمت يمها تقربت حضنتني ونامت
- رند- راد ينزل باوعلي حبيبي لتضوجين بس تطلع اصعدلج انتي حبيبتي دمعت عيني اريد اصرخ لتروح بقه يباوعلي نزل وسد الباب ضليت ابجي واشهك طبت فاطمه حضنتها وابجي بحركه
- لج امي لتسوين بروحج هيج
- حموت فاطمه معقوله الاحساس الحسيته وياه حيحسه وياها هم
- مستحيل شفتي شسوه علمودج
- حيدر- غفت مولين واني بالي يمها تملخت اذا بجت اموت اموت اذا نزلت دمعه منها دك فون مولين المستشفى كمزت -- ها شكو
- خابروني
- ليش
- لازم اروح
- لج بابا ب5
- حاله طارئه ولكينا العضو المتبرعً صار 3شهور ننتضره بينما نفحص بينما تحليل الانسجه مبقاله شي الولد
- كافي كربتي كلبي خرب يومج بس طلعت صعدت ركض دكيت الباب اعرف فاطمه يمها فتحتها على كيفي شالت راسها رند عيونها وارمه من البجي ركضت عليه حضنتها والله مسويت شي وياها
- حموت والله حموت موكتلك ماريد ماريد
- وداعتج مسويت شي وياها بس طلعت جيتج تقربت ابوسها ابتعدت فاطمه هنا تره
- دكعديها اليوم اموتج
- فاطمه كومي نامي بشقتج
- اي كمت بحجابي نايمه باوعت لحيدر ابتسمت نصيت راسي هو هم خجل طبيت لشقتي واسمع ضحكها وضحكته الله ليفرقكم يارب طبيت شفت قسور كاعد ديكلب بالفون باوعت عليه بله فانيلا بطرك الشورت من طبيت ذب الجهاز --- ها منمتي
- ووانت ليش منايم
- مكدرت انام تنهدت
- باوعتله بطرف عيني ادري جان ديحجي بالفون شسويله كلبي مل من الغيره بقه يباوع بعيني كاعد وممدد رجله كاتف ايده علو صدره وخزرته ودتني لدنيتنا القديمه --- صعد حيدر
- اي
- هممم وهسه
- شنو
- حتنامين
- تنهدت اذا تريد كمل مكالمتك حنام اي
- مجنت احجي بالتلفون ممكمل حجايتي ووصلت رساله محمد جنت احاجي
- مبين هزيت راسي
- لا والله وي محمد تعاي هاج شوفي
- لا ماريد شعليه اني
- الا تشوفين كمت من فراشي تقربت منها شوفتلها الشاشه دز رساله لخ ها صدكتي قرت الرساله التلفون بوجهه مشفت شدز وجهه تغير عكدت حاجبها درت التلفون داز -- شبيك يول ابقه اعلم بيك روح اهجم عليها -- خرب حضي اي والله تره ديصنف
- شعليه منه طبيت للهول ومن الهول لغرفه سما نمت يمها على جربايه نهى الصعدها قسور بليل حست سما -- ماما ليش نايمه هنا
- لعد وين انام
- غير يم بابا
- سمارماما معليج بهالحجي نترت بيها
- اي ماما خليت ايدي عليها ونمت
- قسور- الشوك البداخلي صوت حيدر ورند وضحكهم وريحه شقتي بعدما جوي مخلاني انام لل7الصبح كمت من فراشي طبيت لغرفه سما كعدت على طرف سريرهم سما حاضنتها ونايمه يريتتي بمكانج نازل شعرها علىً عينها سلحان الخالق جمال وبراءه مو مال 30سنه وخرت الشعر من علىً عينها تلمست خدها ترجف ايدي للمستها همست نورتي روحي من جديد خفت ابوها وشاربي يحسسها بست سما من نصيت عطرها بنفسي صار كل لحضه وياها مرت مثل الحلم عفتهم وطلعت نمت مرتاح
- فاطمه- حسيت بي من تلمس وراها غفيت
