انباع البيت واشترينا بيت نسيب رند رحت زرت بابا لازم اشكره كم مره رحت موهيج مرتاحه اطب واطلع ابجي بس هالمره طبيت فرحانه وتشكرته وطلعت سما عفتها بيت جدها
سما/ اجه ابويه مومثل قبل ميهتملي
هلو بابا
هلو بابا شوكت جيتي
الفجر خالو جابني
شنو من الصبح رفعت حاجبي والشرب بعده براسي بس مو سكران
مو راحو يزورون جدو
ها تنهدت طبيت نمت للشقه
فاطمه- رجعت من النجف رحنا لبيت زيونه ننطي العربون على يمشي ورايه مبتسم --- ها حبيبي فرحانه حضنته كلش علي كلش
مو كتلج الله موحود
اي والله
طبينا للبيت البيت اول منطب طرمه مرتبه وبصفها حديقه صغيره وبالحايط اكو باب مشتركه وي بيت رعد قفلوها من استلمنا المفتاح اومندخلدالبيت مطبخ مربع مرتب فرفوري ناعم وراها يجي مثل الحولي هم مربع وصاله بيها كبر وغرفه صغير بصف الدرج وفوك غرفتين وسطح وكل غرفه بيها حمام بيت حيل مرتب امي صاحت يمه اني عنا هاي غرفتي
ياعمري انتي الخير والبركه
علي-واني وين غرفتي
شكلكم حتعيشون براسي
لا بربجاعيش وياكم وراها اطلع
اخليك بعيني خويه وتاج راسي
كلمن اخذ غرفه نضفنا البيت ولو هو ينكرط هلاسبوع سما كله بيت جدها متدري باللي صار محضره مفاجاه الها بس هالفتره بس هالفتره سما وبعد ماخليك ترحين اكثر وكت حسيت بقوه بي هو هالوكت سوده عليه علي جهز البيت من فلوس حصته واشترينا احلى اثاث غرفتي اني وسما سويتها كلها لولو كاتي وتبريد خليت كهرباء زيونه كلش زينه عالجوزات نتحكم بيها اخذنا سياره ابويه البروتون لان وسام عده سياره الحكومه معارض وسام ابد تسوكنا للبيت وكملنا كلشي اليوم جمعه خابرتني سما كالت ابات لان سلمى موجوده ومريم نفس عمر سما وحده تموت عاللخ كتلها شوكت متردين ادزلج خالج خابري
على- تغدينا وكملنا وامج ترتب بهدومها تجين نتعلم سياقه
ولك اخاف والله ماعدي جراءه
ميخالف كم مره تصير عدج جراه
صايرين عمي اللهفه البكلبي مصايره دعم رند وعلي ماانساه طول حياتي رحنا للجادريه مكان يتعلمون بي السياقه نزل من السياره وكلي يله صعدي بمكان السايق
ضحكت من كل كلبي ولك اخاف
يله للجججج
نزلت وكعدت بمكان السايق المكان فارغ وسي هاي وشيلي هاي وهاي بانزين وهي بريك وشيلي رجلج من هاي لحد ما كمت امشي امشي واضحكبس كمت اعرف الخطوات الاشارات الاساسيات يعني
علي- هاي اليوم اساسياتج انضبطت الباقي باجر من ارجع من المكتبه مدام عطله كم يوم وتضبطيها تبقى الطبه والطلعه والطبكه نتدرب عليها بالبيت بفروعنا هم ترهم
ماشي هههه جنت طايره من الفرح رجعت خابرت رند كالتلي تعالي يمي للبيت سالت علي كال روحي رحت مصدكت من شفتها حضنتها وصدك كل المشاعر هاجت بجي ودموع عليها وعليه انحرمت من حيدر وانحرمت من دنيتي بس بابا معافني علي وماما هاي اني راح ارجع اوكف من جديد وراها كعدنا مرتاحين ثنينا ماعدنا هم
لج دااتعلم سياقه
احسن شي تسوي صيري سبعه ان واب لسما
اي واله بس خل الله يقدرني اكو احد لو انزع الحجاب
ماكو احد اخذي واحتج
رعد احويه بعده بالدوام مدرس بالثانويه مال ولد احنا العائله كلهم معلمين ومدرسين وين متديرين وجهج
الله يخليهم الج
ويخليلج اهلج
ضلينا تسولف ونضحكنصحتني اسوي حضانه مال اطفال عجبتني الفكره كالت 5000 عالساعه فكيت حلكي صافنه كلش حلوه السالفه واني احب الاطفال كتلها راح اسويها
ماكو احسن من هالشغله والله حتى اسوي دعايه الج بمدرسه امي وابويه ههه
اي حبابه بهالاثناء طب شاب مربوع عده شوي كروشه طرف لحيته مشيب شاربه ثخين اسود اسمر فاتح وعده شامه بنص خده بيها كبر راسن لبست الحجاب بقه يباوع مستغرب نصه راسه شوي وسلم
السلام عليكم
ها فاطمه ااهذا رعد اخويه رعد هاي فاطمه الكتلك عليها
اهلا اهلا وسهلا
رعد- بقيت اباوعله هيج وجه صافي مشايف بعد وعيون رصاصي ووجهه يضحك بقيت اباوع مبتسم جريت كرسي تحججت بالبيت --- شونج بالبيت مرتاحه اي الحمد لله كلش حلو ابتسمت لرند
انتي شنو وحدج
لا ويه امي وعلي اخويه
هاها اي شفت ولد شاب مرتب عده بروتون بيضه
اي صح هو هذا
مم صفنت عليها باوعت لرند اضحك اي شي تحتاجي احنا حيران
اي ماعدي غير رند باوعت لرند
عيوني الج فطومه
تسلمين
يله اترخص --- اني رعد عمري 40سنه متزوج وعدي اطفال 2 بعمر المراهقه يم بيت جدهم ميقبلون يجون وزوجتي متوفيه مدرس بالثانويه ---
فاطمه - رجعت للبيت والعصر هم طلعنا تدربنا ومن رجعت من الجادريه هم تدربت لل12 بفروع زيونه وي علي حسيت روحي صرت مسيطره اكثر اتفقنا بين يوم ويوم نتدرب لحد ما اصير جاكيه مال سياقه اني اول وتالي مااحتاجها علاوي بس بداخل المتطقه مسواك اودي سما للمدرسه وكذا
ميخالف اريد تصيرين كلشي تعرفين
انشاء الله مدام انت ويايه باوع رند كلتلي افتحي حضانه
اي عادي نسوي الصاله حضرها لهالشي وندك قطعه وصدك ثاني يوم سويتها دكيت قطعه ورقم علي وبدو العالم يجوني اللي رادت من الصبح للعصر وبراتب شهري واللي يوم بيومه واني طايره اخر شي صفتعدي 5 اطفال من الصبح لل4 العصر ينطوني باليوم 10كل واحد يعني 50 بالشهر تقريبا 1300
تصير امي ويايه تساعدني بالاطفال تعب تعب بس حلو مكيفه سما حرت السبت هم مجتي الضاهر سلمى بعدها هناك التعب تعبنا كلش بس الربح حلو نهايه اليوم من ممات ونوم وتنضيف غسل وتبديل بامبرس يووو بس حلوه ال50من تعب ايدج الحمد لله ربي حضرت لسما كلشي تحبه بيتزا ومقبلات وكيكه وترايفل بس ردت تجي وخابرت اخيرا راح علي جابها يله خالو امشي
اي بقه يمشي خالو بفروع منطقتي خالو وين مو منا نطلع
اي خالو هسه ابتسمت وكفت يم بيت فاطمه يله نزلي
وين احنا
هنا خالو نزلي وتشوفين فتحت فاطمه الباب تضحك
هلو ماماتي
هلو ماما ليش انتي هنا
هذا بيتنا الحديد
شنو صدك ماما شلون شلنا هنا وين بيت جدو ماما صدك
اي حبيبي غمضي عيونج الحلوه
اي حغمضها فرحت كلش دفعتني على كيفها فتحت باب كفخ هوا بارد بوجهي فتحت عيني غرفه تخبل مثل اللي ببيتنا هناك بيت جدو لولو كاتب ووردي تخبل اباوع صوره بابا ونايمه على صدره من جنت صغيره مكبرتها ماماحضنت ماما شكرا ماما شكرا
هاي غرفتنا اني وياج سما وبعد ماكو روحه بيت جدو ترحين وترجعين
بعد منشوف خالو وسام وقهره
لا متشوفي ههه وماكو روحه بيت جدو ترحين تشوفيهم وترجعين
اي ماما اصلا من البارحه قررت مااوصل بعد
طبيت اتفرج على غراضي كنتوري ميز تواليت كمزت عالحربايه كلشي نفس اللي ببيت ابويه بس يم ماما حسيت رجعت حياتي انداريت شفت خالو واكف كاتف ايده مرتجي عالحايط مبتسم وبيبي هم
فاطمه- يله روحو اريد اكعد وي بنتي طلعو ضلينا نسولف اني وياها كتلها عالخضاته وكتلها تعلمت سياقه قررت سما تمون الي اقرب صديقه --- راح اوصلج للمدرسه اني وارجعج اني --- هسه احجيلي ليش متريدين تروحين لهناك
ماما بابا عايفني باوعت عالصوره ورجعت باوعتها يسافر ويرجع وعايف عمو يشتغل وحده
ليش
شمدريني بيبي تمول صاير زير نسوان وشرب وتتعارك وياه وعمه نهى بس تبجي والبارحه عمه نهى تخربطت ودوها للمستشفى عمو محمد شد ايدها جانت تنزف دم من ايدها
شنوووو ليش
ماادري ماما وعمو حيدر تعارك وياها ملها ليش هيج تسوين
شسوت
ماادري طبينا لكيتا فراشها كله دم وايدها ورجلها
حتخبل نهى شبيها اي كملي
المهم عمه سلمى اجه بابا تعاركت ويا وهو هم كام يصيح وكسر البوفيه اني خفت ختلت وره عمو حيدر وعمار اخذني وطلعني بالحديقه
الله يساعد بيبيتج بقيت صافنه هيج يتغير حرامات
يله ماما محضرتلج مفاجاه لخ
الله شنو بعد شنو حضنتها خيل شلتها وهي بطولي ماخذه طول ابوها الحمد لله ربي نضره رحمانيه ربانيه منك رزقتني بيها طلعت وشافت الاكلات تخبلت فرحانه نامت بحضني اليوم حبيبتي بعد كم يوم الدوام اشترالها حيدر كلشي ومن راحت الخميس جابتها ورجعت اني بلشت ويدالاطفال الاحد يبدي دوامها واكوم اني اوصلها
