طلعت ورحت لبيتنا اكو انتصار بداخلي احساس حلو خلاص من سجنه وسجاني كدام عيني مكدر يكربلي رجعت سما---- ماما بابا اجا صاير عصبي وكلي بعد متروحين بيت جدج
كتله اريد امي
كلي لعد لو اني لو امج
كتله ماما
صدك تحجين
والله ماما وبيبي ضلت تتعارك وياه وعمار ابن عمه سلمى كلي امسي اوصلج من دااطلع للباب اجه خالو وجيت
كيفج ماما سوي اليعجبج مااجبرج على شي وين متردين تروحين روحي واني ماازعل عليج
ماما اريد ابقى يمج اني هسه يله ارتاحيت ولو باوعت لصوره ابويه بالا هواي دااشتاقله بس حتى بوكت وجوده هم اشتاقله لان بعيد عني ملتهي
تنهدت ماشي ماما ماشي
مصروف البيت اني شلته بطلو ٢ من الجهال بقو ٣ يعني باليوم يدخل ٤٥الف كمت اتسوك اكل ومخضر وكلشي يحتاجه البيت اول ٣ شهور خطيه علي مانطو الراتب احسه يخجل مني وكلسا يريد يجر من فلوس حصته واني مااقبل سما طلباتها متخلص واني ماريد اقصر وياها شتشوف تريد صديقاتها شلبسو رادت كل متروح بيت جدها بيبيتها تنطيها ١٠٠ونوبات ١٥٠ وحيدر هم ينطيها ١٠٠ كل اسبوع اني اضمها ابد مااصرف منها اخاف اكول لمستقبلها تفيدهاعطلت سياره ابويه وديناها مصلح راد ٣٥٠واني محدقه حريت من فلوسها لان ايدي ورجلي السياره صلحتها ورحت جبتها من المدرسه اول مصعدت صاحت ماما اريد اي باد
شنو هذا عيني
ماما مثل التلفون هالكبره يخبل حبابه حبابه
بيش هذا بله
اريد مثل مال صديقتي ابل ب٧٥٠
ضليت صافنه عليها مااكدر ماما هالامكانيه ماعدي باوعت بعينها ماما قدري وضعي اني اللي دااكدر عليه داسوي لتاذيني
اي ماما انقهرت كلش بس سكتت مردت اضوج ماما ثاني يوم رحت سالتنيذصديقتي كتلها هيج كالت امي ___ زين ليش متاخذين من ابوج ابوج عده معرض سيارات
اخجل وين داشوفه اني
زين لازم ينطيج نفقه
شنو نفقه شون يعني
باعي ورود ابوها ينطيها نفقه كل شهر مصروف وهي هم امها وابوها مطلكين
ها
اي لج روحي لابوج شكو بيها
لا ماريد
كيفج
عافتني ورتحت يم صديقتي العدها اي باد تقربت منها وهي صديقتي المفضله بس لان يتواصلون عالفايبر قوت علاقتهم كلش انقهرت
فاطمه- مرت كم يوم ومن دااوصل سما الصبح ذبيتها بالمدرسه ورحت اتسوك من ابو المخضر وكفت اتسوك اخذت المسواك داخلي بصندوق السياره سديت الصندوك
قسور- لمحت سياره ابوها الصبح شنو الفلم وكت طلعتي للمعرض تسليم سيارتين عدنا واني متكفل بالقضيه من شفت سياره ابوها صفنت لمحت جني جابت المسواك استغربت اكثر طفيت سيارتي ونزلت عبرت الشارع رحتلها مدام وحدها شعدها جايه شنو هي دتوصل سما وبدربها تتسوك دخت
وصلت سيارتهم جانت منصيه هالصندوك سدته صرت بوجهه فرت رجعت ليوره بعدها ترجف من عيوني ---- شعدج بزيونه بهالوكت شنو السالفه ودتسوقين شوكت تعلمتي كل هذا احجي بنتره
- باوعتله تذكرت كلام علي --- ممالك دخل سويت روحي ممهتمه واني اذا ذبحوني قطره دم متنزل مني
- شنوو والله يابه وطلعلج لسان وكفت متخوصر خازوه تقربت تفتح باب الصدر سديتها قوي رجعت ليوره داحاجيجً جاوبببي
- باوعت بعينه بلعت ريك بيتنا هنا تحولت هنا اشتريت بيت يم مدرسه سما احم باوعتله فتح عينه وحلكه صافن خطيت خطوتين فتحت الباب وصعدت وطلعت بس صافن متحرك جنت واثقه من خطواتي طايره بروحي بس داخلي حطام قوتي الخارجيه منضر بس ضعيفه كدامه اني اني مدامه نمله وهو جبل وصلت لبيتنا نزلت شفته ورايه بالسياره طبيت السياره حسيت بخوف الحمد لله علي كعد تلكاني بالطرمه
- ها وين صرتي
- اااتسوكت ورجعت سمعته حرك سيارته وطلع مردت اكول لعلي تصير مشكله وصلو الجهال وبده يوم جديد واداريهم واني بالي بغير مكان طاير يمه
- قسور- رجعت رحت للمعرض واني راسي مفتر ١٨٠ درجه شنو فلمج مااخلص بت الاوادم روحي اطلعي مني اطلعي عوفها ارجع لعقلك شبيييك متحملت اضل هواي اخذت سويجي ورجعت حسيت روحي تعبان كلش احس حته النفس حسره عليه اجره براحه اسافر واستقر بره مااتحمل غربه ادري بروحي
- ام خيدر- يمه شبيك صافن حبيبي
- جنت كاعد عالقنفه متمدد نص تمديده صافن --- تعبان يوم تنهدت جريت حسره
- ليش يايمه ليش هيج تسوي بروحك
- يمه تنهدت يمه احس روحي حموتًاسم الله يمه اسم الله تعوذ من الشيطان
- حرتني امي لحضنها كعدت بصفي ونيمتتي بحضنها ضلت تمسد براسي وتقره حنت محتاج لاحد يكولي تره انت عزيز عليه بس بدت تقره تذكرت صوت فاطمه وكل ذكرى وياها تجرحني وتريحني نفس الوكت تذكرت من الخطوبه من قبل الخطوبه ومن تزوجنا وضربي الها صبرها عليه خوفها مني من جابت سما كل ذكرى بالف صفنه اشتياق لراحه ماراح انساها بس صعبه عيوننا تلتقي وانام بحضنها بعد والغريب دنسه صعبه ربي بس موعليك ربي طلعها من بالي تعببت ضليت هيج لحد ماغفيت
