علي-بقيت زعلان على فاطمه وهي زعلانه عليه تدك حجابه قسور بمخي مااكدر اتقبلها ببيتي بعد وهي اخته السبب بكلشي جاي على بالي اشوف وجهه من اكوله اختك السبب بس راحت بعد واختي تريد تعيش الحمد لله الله عوضها
فاطمه- زعلانه عليه مسمعني مدارلي بال طرد البنيه وخلاها تطلع ب11 فشله من خالتي نهى خابرتني بليل وتواعدنا منفترق تضل تسولفلي اي شي تمر بيه نهى جانت اول طفله اتحمل مسووليتها واحبها كلش جانت الي مثل الاخت الصغيره احساس محسيته لان ماعدي خوات وبالنسبه الي رند اختي الجبيره تحس بيه وتفهمني من اول متصافين ------- اخذت سما ورحت للدوام تسوكت ورجعت للبيت رتبت خليت الغده وامي ويايه جوي الاطفال حرت بيهم بين ماكل ومشرب نضافه ونوم وغسل اني ورند معافتني تجيني ب9ونص وتضل تشتغل ويايه احن مني عليهم تشتغل بحب وشغف انحرمت من الاطفال خطيه اتصلت بيه مولين بعد غياب شهر بموتمر خارج القطر كالت يوم 13 بالشهر اسوي العمليه عدها توام بنوته وولد سديته منها وضلينا نسولف اني ورند صافنه كلسا تجر حسره مااعرف شون اداوي جرحها مثل مداوتني حاسه بيها والله
ها رند
شنو ها
شتردين تعرفين
نصيت راسي كلشي احجيلي كلشي خل اشيله من كلبي عاد تعبت
مينشال وروح مطي وسيد حمار اشرتلها باصبعي
خرب حضي هههه
حروح اجيب سمسم اليوم غداج عدي عازمتج على باكله ادري بيج تفقدين من تشوفيها
ماشي ماعدي شي
رحت بدلت لبست مانتو جوه الركبه وبنطرون جواه جان بيجي والمانتو مشجر بيجي ووردي الشال وردي كلش لل يكلي حذا ء فلات والجنطه والمناضر تغيرت هواي غير فاطمه ام العبايه رغم كل هذا محافضه على حجابي بس احرص من اروح المدرسه سما اكون بافضل هيئه وهي تكيف تتباها بيه اخذت السويج وطلعت وةفت بباب المدرسه وي الاهالي الجايبن على اطفالهم حسيت بصفي شخص اعرفه من عطره جان مرتبك جنت لابسه مناضر مراح ينتبه اذا انحرفت بنضري باوعت هذا قسور التفتت عليه ابتعدت اخاف يسويلي احراج رحت للركن الثاني اندار عليه
قسور- التفتت عليها عرفتها تفاجات نزعت نضارتي باوعتلها من فوك ليجوه مستر لبسها بس يخبل عليها عكدت حاجبي انداريت بلعت ريك محاجيتها
فاطمه- شفته بقه يباوع مباوعت لصفحته ابد طلعت سما اشرتلها ركضت تضحك
سما- ماما 72 من 80 بالرياضيات
- عفيه بالسبعه بيش غلطانه
- ماادري بعد مشفتها
- قسور- اباوع عليهم ابتسمت بالم متحتاجني سما عدها ام واب بشخص واحد
- فاطمه- ضلت سما تسولف وتضحك اني بطات بمشيتي حتى تشوفه التفتت لصفحته تلاشت ضحكتها
- سما- يله ماما امشي
- اايله كيفج
- قسور- سما باباتي
- سما- انداريت عليه اباوع عالطلاب يباوعون
- قسور- بس تعاي احاجيج
- فاطمه- ماما اني هنا رحت للسياره بقيت اباوعها يحاجيها ويبتسم كرص طرف خشمها علكيفه ابتسمت تنهدت الحمد لله الله يهديك عليها وتكون اب مثالي شوي وجتي سما يمي
- ماما روحي اني بليل اجي وي بابا
- فاطمه- كيفج ماماتي طيني جنطتج
- خوش نزعتها وخليتها ليوره وسديت الباب ورجعت يم بابا وماما راحت بابا عيونه مشالها عن السياره اللي تسوق بيها امي
- قسور- قنعتها واعتذرت واعدتها ماتنعاد بعد لا ااذيها ولا ااذي امها قبلت ونطت جنطتها لامها صافن على فاطمه هاي جانت محبوسه بسجني 11سنه هيج صارت بميت رجال طريقه سياقتها وثقتها بنفسها دمرت كياني ااااخ قسور كافي مشاكل متعبت رجعت لبيت ابويه طبت سما ركض مثل الفراشه بوست امي ونهى وركضت بحضن حيدر ابوها الروحي اللي اني فاركتها وهو مفاركها بدلنا وطلعنا تغدينا بره بقيت اسولف وياها رجعنا العصر للبيت جانو مجموعين اني وسلمى محمد والحهال ونى وحيدر ديسولفون وجاي وجذب التمينا كلنا محمد جرني بره خرطتله كلشي محجه شي ولا عاتب حضنني قوي وكللي كلشي يتصلح محمد حاس بناري مطلعت كلمه عتب وحده لان يعرف البيه ممخليني صدك ارتاحيت من حجيتله كلشي بيومها باتو يمنا وسما هم باتت ضلت ترسم وي عمار نوبات اخاف منه بس اعرف تربيه محمد وسلمى اشوفها متعلقه بسلمى وجهالها مريم وعمار اكثر من المعقول وارجع واكول لا لان ماعدها اخوه مولين هالخميس ولادتها حيدر يخرب ضحك عبالك هو الحيجيب مو هي فرحان وخايف يمشي ولازم بطنه ويصيح بطني تاذيني واحنا خربانين ضحك عليه منضره يفطس ضحك بس بعده يتعذب بفراك رند امي من تروحلهم وترجع يضل يسالها عليها بالتفصيل بعده لهل اليوم كل متروح مولين للمستشفى يبات بشقه رند احنا مغلسين منريد نحرجه كل مينزل من شقتها عيونه حمر اخويه جان خياره صعب بين حب حياته وبين ذريته الله يساعده الضاهر ولد نور الحسين الضامي مكتوب عليهم ينحرمون من الحب قررت اتصالح وي علي حقه شميكول وديت سما بليل لبيتهم نزلت دكت الباب هي طلع علي باوعلي بطرف عينها فتحت باب السياره ونزلت مديت ايدي اتصافح ويا ممد ايدها بقيتها بهالوضع حقه شميسوي دار وجهه تنهد ورجع باوعلي
- علي- اخاف انطيك عين وروح ابويه
- اعتذر عن كل تصرف بذرمني مجنت بوعيي والله السالفه اخذت نص عمري
- تنهدت قسور لخاطر الله لتصخم وجه سما لخاطرها
- صار تنهدت رجعت مديت ايدي
- سلمت عليه ابتسم برزانه وراح باوع لسما سوه حركه مال عمرها مال مراهقين بيده وهي ردتله الحركه الضاهر قسور صحى لنفسه فرحت لسما كلش طبينا وقفلت الباب فاطمههه
- فاطمه- ها باوعتله ابتسم ها مو زعلان شتريدً
- والله مااكدر على زعلج
- الله يخليك النا يرجال البيت ياروح اختك امي تريدك بسالفه روح اصعد اشم ريحه عرس
- لازعيني لتورطوتي اذا مو على حب مااتزوج
- وشوكت ناوي تحب داده صار عمرك 30سنه --- هلو سمسم جيتي هاي شنو الضحكه من الاذن للاذن الضاهر تونستي
- كلش ماما كلش ماما طلعنا واشترينا وحنا بيت جدو عمار ومريم جانو هناك وتونست ومن داارجع بابا تسوكلي نمنمات للمدرسه واني شتريتلج هاي
- شنو هاي عكدت حاجبي هالنستله يدري بيه قسور اموت عليها فليك الصفره بس شفتها عرفت منه بوقتها توحمت على حلاه وجابها الي وجلبت بيها كل ميطلع اكرله جيبلي فليك سما متدري بهالسالفه اكيد هو جايبها --- منو جابها هاي
- ااااني ماما
- ماريد ماحبها شمرتها بقيت صافنه شنو قصده بهالحركه يجوز شكر لا ماريد كلشي منه خفت منه ومن مشاعره ماريد ارجع بحبه خفت حتى من مشاعري
- سما- بابا تسوكلي هواي نمنمات للمدرسه وهله وياهن 2 من هالتستله واني ماحبها كتله ماحبها كلي شوفي خاف احد يحبها بالبيت عرفت قصده على ماما ابويه يحب امي بس مااعرف ليش قاسي وياها واذاها هلكد حقها ماما ترفضه تخاف ليرجع متامنله بعد اتمنى نرجع مثل قبل عائله وحده مليانه حب واحترام بس بدون خوف ماما من بابا اتمنى يبقى هيج وميتغير بابا
- قسور- صعدت نمت بالشقه بقيت اتكلب كل حياتي وياها جنه تذكرتها وجه الصبح واني مغافي ضليت ادور بكاونترات المطبخ اي شي يخصها من ريحتها بالهول هم دورت بالغرفه اي شي ماكو تذكرت من فرغت البيت كله وذبيتهن بالزبل من حركه كلبي طبيت للحمام شفت شامبوها باقي شوي بالجعب هذا ابد متبدله يخلص واجيب نفسه صار سنه ونص مشمور بالحمام شميت ريحته اويلي على ريحه شعرها تذكرت من جانت تندار بالفراش ويصير بوجهي اغمض عيني لنعومته وريحته ملفلف العب بلفلفته ومخصل من الله جانت بس من تغفى العب بي لان ماريد تشوفني ميت عليها يابه كلبي خلص كون فقدان ذاكره وانسى كلشي غفيت وهاي اخر صوره ضلت ببالي الصبح طلعت للشغل وي حيدر فرح بيه هوايه تريكنا وي امي ونهى --- شوكت تداومين نهى
- باوعتله متفاجاه اابعد شهر ليش
- حتى اروح وياج باول يوم
- يلريت جنت شايله هم كلت اخذ محمد
- كيفج محمد احسن مني بهالامور
- لالا حباب وياك اريد
- ماشي ابتسمت تنهدت باوعت لامي تبتسم خطيه امي حتموت من وره قهري لازم احسن علاقتي باهلي كافي اذيتهم هواي حيدر اذيتها وعفت المحل عليه مااشتكه ولا كال وهو كومه الم بكلبه حيدر بعد يومين يصير اب انساء الله يصفن ويبتسم بلكن الله يتممله على خير فرحته عدت كم يوم كل يوم اخابر سما واسولف وياها تسولفلي بالتفصيل عن الدوام وتروح من ماعدها شي امرلها اجيبها يمنا الخميس بليل موعد ولاده مولين رحنا للمستشفى اني وحيدر ماعوفه بهيج يوم لان معافني طبينا المستشفى سالنا عليها كالو بغرفتها طبيت
---- يله خاتون هاي شنوو ولك مرتك لابسه مامتو المستشفى بعدها دتفحص بالمرضى
- شنو هي تريد واحد يفحصها
- مولين- هههه ولكم هسه تجي الدكتوره مالتي وانت شعدك جاي تستقبل جهال اخوك
- قسور- اي والله وبصراحه مشايف دكتوره تولد داشوف عالحدث ماريد يفوتني
- مولين- ضليت صافنه عليه باوعت لحيدر هذا قسور
- حيدر- مو بله متغير صاير يضحك البوم
- لتغركم المضاهر عاي علمود الجهال ديله لج فوتي اريد اشوف الاشكال اللي راح تجي من هذا الازرك
- حيدر- استغفر الله عمي حتى لو عبيد هم قابل اخ يابه ولج بطني تموتني الله عليج اخذيلي سونر هاف بيه طفل تمددت عالسرير
- لا حبيبي بيها تمن ويايسه مال امك
- ههههه اي والله
- يله حفوت جتي الدكتوره ادعولي وهاي ماما جتي
- قسور- تكومين بسلامه هلو شونج خاله
- هله يمه هله قسور شونك
- الله يخليج خاله الحمد لله طبت مولين وكعدنا ننتضر تذكرت من جتي سما واباوع على حيدر خلص جكايره
- يمعود اثكل شبيك
- ولك مااعرف ليش خايف
- ههههه تصير سوالف وتجيك وحده مثل سما تخليك لخاطرها تضحك اوف الله
- الله يسمع منك نص ساعه وطلعت الدكتوره وياها الممرضه اطفال 2 بيدهم --- باوعتلي تبتسم مسيطرت على دموعي كمت ابجي ومكدرت اخذهماخاف كمز قسور عليهم
- قسور- شنو 2 بنات
- الدكتورة -لالل بنيه ورلد يتربون بعزكم ودلالكم
- يتربون بعزك خويه طبطبت على ضهره راحت ام مولين اخذت البنًوته واني اخذت الولد اباوع عالولد ازرك جنه حيدو دهاك هاك هاي خلفتك ولك كافي تبجي رجال تارس راسك الشيب خزيتنا اشرلي مااكدر وفات للغرفه طببناهم وخليناهم بحاضنه شوي وطلعو مولين اني بعد رجعت حتى تاخذ راحتها بس خيدر شكله يقهر بنص الاربعين وهسه جوي 2 حيغيرون حياته رغم حبه لرند بس الله ياخذ شي وينطي شي اخذ منه حب ونطاه ضنه بس والله حيدر يستاهل يارب يكول اسعد انسان طكيت صوره للجهال ودزيتها لسما وكتلها باعي جهال عمج مر سبوعين وسما كل متجي اطلعها واجر منها حجي اسولف وياها عن فاطمه مااعرف شديصير بيه يمكن محاس بروحي شكد جنت احبها او يمكن هسه حبيتهااوًمشتاق لحياتي الاخذوها مني مااعرف سبوعين تعافت مولين بس الجهال حايره بيهم تعبوها من الليل للصبح بس يبجون لاهي تنام لاحيدر لااني ولا اني ونهى تدمرنا كمنا ننام بغرفه نهى كلنا ابعد غرفه عن شقتها وامي تبات يمها هي ونهى يعاونوها ونوبات حيدر هم مر شهر وكبت العيطه حيدر وهي تعاركو تريد ترجع تداوم حتى اجازه الامومه مخلصت اسمعها تكوله اخليهم يم مربيه او خضانه ماعوف الشغل
- حيدر- ولج لو بيدي اعوف المعرض واكعد وياهم شنو انتي من ام فهمييينيييي
- حيدر مااكدر الله يخليكوالله اجي ب3 ماروح بعد للغياده اقتنع فدوه
- طلعت من الشقه صاير اعصاب صار بوجهي قسور وامي
- امي- يمه عوفهم اني يمهم
- يمه متكدرين 2 الله يخليهم مشيت اصابعي بشعري صاير اعصاب
- قسور- ها حيدر شبيك
- مابيه تريد تداوم الخاتون تكولي اعوفهم يم مربيه اني مااامن اخاف
- اا حيدر تره فاطمه مفتحه حضانه وعدها كم طفل عرفت من سما
- شنو لا بربك لك عيني صدك تحجي ماامن باحد كد فطم
- اي والله هي وامها
- هاهي انحلت بست قسور فدوه لهل خد
- ههههه باوعت لامي تضحك تباوعلي
- ها ام حيدو شبيج
- سلامتك عيني اروح سبع فدوات لليسوي شغل لمرته
- ها هيج صارت ابتسمت فوك ماحل مشكله ابنج
- حلها عمي ليش متحلها
- نصيت راسي وفتت بدلت ورحت لشغلي
