والطريق كله يدردم شكو رايحه هناك
- سما عدها امتحان وفطوم خابرت كالت تعاي ويايه
- جان اني جبت الجهال ببيتنا وفضيتها
- لك بابا امي مريضه اني حروح يم فاطمه هم اغير جو وهم ابقه يم جهالك
- نهى دير بالج عدهم ولد صوتج وضحكتج الجنها مال استغفر الله هاي اخر مره ترحين هناك مفهوم
- حاضر سيدي بيباي
- هله باعي ب6 اجي بس انامي ساعتين راسي صاير دنبك
- ههههه ميهم تعال بيباي سديت الباب وفتت
طبيت للبيت وي الجهال ركضت فاطمه اخذت هدى وتفاجات بوجود رند تباوعلي مرتبكه ركضت عليها بوستها مشتاقتلج خبيثه متسالين عليه
- شونج نهى
- زينه الحمد لله استغربت احمد يبجي وياشر بيدي يريد يروحلها مجرد اخذته سكت
هاي شنو متعلم عليها
فاطمه- نهى اليصير هنا شر بيننا ماريد مشاكل
- اي اكيد وعد ماكو مشاكل نزل علي من فوك نصت راسه من عالدرج
- علي- اي مر داكول هذا صوتها
- هههه شونك دكتور
- هلو نهى هله بيج عفيه فطومه جاي راسي افتر من الاجوبه الخنفشاريه مال الطلبه
- فكيت عيني اني هم
- عيني بعد مواصل ورقتج اخذت استكان الجاي وكعدت عالقنفه بالهول رند نيمت الجهال وراحت لبيتهم رعد اجاها بقت نهى كاعده بغرفه الجهال وفاطمه يمها تقري سما صارت كدامي بالضبط بس اني بالهول وعي بالصاله مال الاطفال مفتوحه الباب كلسا ترفع راسها تباوعني علمت سما كم مسابه ورجعت كعدت بمكانه خلت بت اخوها بحضنها تحاجيها وتلتفت عليه شون بعيونها اني /--- نهى تعاي
- نعم خليت هدى بفراشها ورحتله نعم
- هاج ورقتج
- شنو شكد
- كسلانه
- 14ليش بيش غلطانه
- بالفورميد
- والله صح مو غلط 32رمزه
- بله بربج هاي 23لو33
- والله 32مبينه باوعاني واكفه وهو كاعد عالقنفه وبيده الاوراق نزع نضارته
- جيبي الورقه شخطت عال14 وخليت 13
- هاي ليش والله حبجي استاذ ضلت بنفسي الدرجه الكامله بمادتك
- تحلمين امشي روحي على بت اخوج
- هاي صدك حتبقيها 13
- نصيت راسي عالاوراق اذا بقيتي ثانيه لخ حتصير 10والله
- لالا حروح بس كرلي صدك حتبقى 13
- باوعتلها ابتسم تره حلوه العشره
- لا علي عفيه
- هلاووو صرت علي حاف
- دكتور عمي وابو الدكاتره هم
- ماريد لواكه ترحين لو اخلي 10
- حروح رحت للصاله بعد مباوعتله ضجت كلش رفعت راسي شفته ديباوع مبتسم نصيت راسي صارت ب6 رجعت وي حيدر مرت كم يوم وزع الاوراق اجه يمي نطاني الورقه درجه كامله ابتسم وضم ضحكته فرحت كلش بقينا مثل الغربه ماابينا غير الابتسامه ولد ضل يحومي عليه خصوصا من مرلي قسور وعرفه ابو المعرض مال سيارات مخله شي مسواه واني لابسته وممهتمه اله دز اخته هم مهتميت اصدقاءه ضحكو عليه حسب كلام رسل صديقتي صار عرس وحده من زميلاتنا عزمتنا كلنا عالحنه مالتها رحت مسشوره شعري بس لبسي مستر مكياج خفيف اني بالجامعه ابد مااخلي وصلني قسور لبيت صديقتي ركصنا وغنينا اخت الولد الديحومي عليه اللي اسم منتضر جانت ويانا نضراتها حاقد عبالك متزوجه ابوها كملت الحفله رجعت للبيت دااكلب بالفيس وصلتني رساله فتحتها من حساب مجهول مكتوب شكد تدفعين مقابلها اني صفنت وصلت صوره ساعه عالماحملت من افتحها اشوف صورتي دااركص بالحنه تخبلت شون اروح لحيدر هسه يكلي بطلي فكرت بمحمد اخجل بهالاثناء دكت فاطمه اني جنت ناصبه مناحه
- الو
- هلو نهى امولج هاي المساله شون عاي شبي صوتج
- ولج فاطمه فضيحه
- شكو ياستار
- مااعرف منو دزلي صورتي ويكولي شكد تدفعين
- تكدرين تجين
- اي اكدر بس خل اكول لامي
- ديله بسرعه كلت لامي حيدر جان بالمعرض لان لو موجود ميخليني طبيت لبيت فاطمه حجيتلها كلشي شافت الصوره وصاحت عليي علي
- ها فاطمه
- تعال انزل
- شكو نزلت هاي شبيها نهى شكو
- نصيت راسي
- فاطمع- علي هاي واحد ديهددها بصورتها
- اخذت الفون عكدت حاجبي منو هاي
- اني
- هاي انتي اللي بالصوره
- اي
- جذب
- والله شبيك
- باوعتلها ورجعت باوعت للصوره عمي تختلفين
- اي غير مكياج مصيت راسي اني بيا حال وهو دينكت
- شاكه باحد
- اي ولد ويانا بالجامعه دز كم مره اخته عليه واخته اليوم جانت بالحنه ويانا مدري شون تباوعلي
- تنهدت بقسمنا
- اي محسن فاضل
- عدج فيسه
- لا بس موجود بكروب الكيميائيين مرحله اولى عالفيس اخذت الجهاز ونطيته الحساب باوعه هذا
- هااا عرفته هو هذا بس مكسرات لتخافين ماكو شي
- خاف ينشرها بابا ماكو شي ارجعي لبيتكم وكعدي اقري باجر عدج امتحان
- اي دكتور باي فاطمه وشكرا
- العفو الله وياج ليضل بالج
- الله يسمع منج طلعت رجعت اقره
- علي- خابرت صديقي اخترقنا حساب الولد الخاص صديقي هكر وفعلا كان هو محاجي اصدقاءه ال2 وكايللهم الا اخليها تتوسل باوعو شجابولي ودازلهم صورتها بليل راسلته
- شكد تريد وشنو اليضمن انه مراح تنشرها لصورتي
- رد ب3مليون ولتكولين ماعدي اخوتج عدهم معرض سيارات
- وماانشو لتخافين
- ومن شنو ماخاف شنو اليضمن مراح تنشرها
- ماعدج ضمان وماعدج غير حل
- بوكتها اخترقنا حساب اخته هم اخذنا كم صوره منها نهدده بيها للاسف هذا واقعنا العين بالعين--- حبيبي هاي اختك دزيت صوره اختك روح انشر براحتك ومنا تنشر منا تلكه صور اختك بكل مكان وبيد اهلك هم حسابك اخترقنا واني ولد مو بنيه الباجر يتلقن قيدك وقيدها انت بالنهرين مو لعب جهال
- منو اختي مااعرف البنيه هاي
- ههههه انت غير زعطوط حبيبي اني دكتور بالجامعه والبنيه اللي تدكرت بيها بت عمي داكولك باجر قيدك يتلقن وحضر عمامك باجر عدنا كعده وياهم عروض العالم مو لعبه بيدك دزيت صور المحادثات الا ولاصدقاءع الاثنين ثاني يوم جوي بنفسهم واعتذرو وهو واخته تلقن قيدهم
- نهى- ثاني يوم مداومت خفت اتصل بيه علي
- الو
- ها نهى وينج
- مداومت اخاف
- صدك تحجين كلتي لاخوتج
- لا غير يبطلوني
- هههه لابابا انحلت السالفه تعاي باجر والجماعه انفصلو
- صدك تحجي
- والله شبيج تنهدت لتخافين اني بضهرج
- شكرا ماانساها الك وباجر عادمتك عالريوك
- ههههه ماشي يابه ماشي وفعلا داومت وضربت اخر محاضرتين وطلعنا اني ويا التقينا بالمطعم لان سمعته مترهم اطلع وياه كعدنا ابتسمت وهو يضحك اشكر مثل شكار فطم وعيونها واني ككو شون بله حليب وككو بقينا ساكتين دقايق نصه راسه ورفعه نهى اني حجي لبيتكم اني والوللده
- ههله بيكم بس شنو المناسبه
- اخطب تنهدت باوعت بعينها من اول مره كعدنا سوه حسيتج قريبه مني ومن تفكيري ماريد الف وادور ادوخج واتعب وياج اني جاي من الباب
- نصيت راسي هله بيك
- اذا موافقه دااتقدم
- هزيت راسي اي ضميت ابتسامتي احس نار بخدودي
- هزيت راسي مبتسم رجعت للبيت ورجعتها ويايه
- نهى نزلت صار حيدر بوجهي عكد حاجبه هاي شيسموها بله
- شكو حيدر
- وشكاكه اني مو مخليلج خط شكو راجعه وي علي فهميني باعي نهى البارحه راسجه واني مانعج عبالج مراح ادري واليوم راجعه ويا وروح ابويه ابطلج ويطبج طوب ابقي بله دراسه تجرين عدل لا اطيح حضج
- اي حيدر بعد ماسويها والله
- انشي فوتي ادبسز
- فتت ومكدر حيدر يعكر مزاجي
- علي- رجعت للبيت حاجيت فاطمه واني كيفو ونفس اليوم العصر رحنا لبيتهم اني وامي تلكونا ورحبو بينا حيدر شكني بنضراته شبي هذا
- ام وسام- والله ام حيدر احنا جينا عليكم بطلب وبيه نداوي كل جروحنا والفات مات
- مري ام فاطمه
- احنا جايين تطلب نهى لعبي
- حيدر- باوعتله هزرته وكمت طلعت من الغرفه بقه قسور وامي وياهم صحت نهى نهىى
- ها حيدر
- لمن كتلج انتي موخاليه عرفت عدج علاقه ويا مو
- لا والله
- شالج الله هسه اطب اطرده والله
- هاي شبيك انت المتفهم عود خويه والله ماعدي شي وياه اذا تريد ارفض باصول لتخزينا
- ليش تكذبين اني مو غشيم باعيني اني مو غبي
- قسور- والله علي انت ماكو منك دكتور واخلاق شكد اني طلعت مني شفلات اتفاجا بتفهمك بس ناخذ راي عمي والبنيه واردلك خبر ماطول عليك
- علي- على بركه الله يابه قكلنا عليكم يله يوم
- ام فاطمه- نترخص ام حيدر هواي جان عاجبني اكعد واسولف وياج يله انشاء الله منلتقي غير بالافراح
-
