حيدر- منا طلعو منا كمت اصيح --- مااقبل عناد بيج مااقبل خابرهم قسور وكولهم ماعدنا مره
قسور- ليش شبي عيب
- ماكو مره ماانطي تخابره هسه كوله رفضنا لك بابا ديسويها وحده بوحده والله
- نهى- حيدر لتحجي شي متعرف اساسه
- حيدر- طبعا يابه سوالف وطلعات وصحت بصوت عالي اختك مسويه علاقه وياه عيني وصدك واعتقد هذا دينتقم
- قسور- نهى شعدج وياه لتخزيني لخاطر الكعبه منين الكاها بعد تره مطلعين اخته بفضيحه
- والله ماعدي شي ويا بس وصلني مره وهو استاذي
- حيدر- ياااا وبليل من رحتي بيت فاطمه شعدج تلكطين تمن اكص ايدي اذا موعلاقخ وعناد بيج ماانطي الضاهر نطيناج مجال هواي خابره كله رافضين
- قسور- طلعت التلفون صافن على حيدر ورده فعله اول مره اشوفه بهيج عصبيه وهاي تتوسل اخذت التلفون من ايدي توه ديدك
- نهى- اوكف اوكف حيدر حيددر
- انجبي ادبسز الضاهر مو بعينج هالشيبات زعاطيط احنا والله حتى كليه متداومين خلتجي امي واني اعرف تصرفي
- باوع حيدر قبل اسبوع صارتلي سالفه بالجامعه اكعد بس اكعد خل افهمك انداريت على قسور عاكد حاجبه وكعد عالدرج اول درجه يسمع مني طلعت فوني وشوفتله كلشي اله ىلقسور والصور هم والولد من حجه وياه علي من حسابي وشىن هدده
- قسور- فتحت عيني فشلت كلش ليش محجييييتي ماعدج اخوه خرب خرب شلت الفون وركعته
- نهى- عفيه قسور والله خفت منكم تبطلوني وهو استاذ بنفس الجامعه رحت لبيتهم وفاطمه الحجت وياه وفهمته والله مواني وقبل كم يوم لزمو الولد وترقم قيده هو واخته ورجعني هو هذا كل الفم والله العضيم
- حيدر- كعدت --- استغفر الله باوعت لقسور ضام وجهه بكفوف ايده --- ناس تحافظ على شرف ناس وناس متستر عليهم وتفضحهم
- قسور- باوعت لحيدر عرفت يقصدني تفتر تفتر وترجع الدنيا عليه صعدت فوك لشقتي كمت اختنك فاطمه ساعدتها علمود متنفضح اني مستوت عليها تدك حجايه ابوها براسي بابا قسور هاي شرف عالم وبنتي مالها ذنب اذا تطلكت نصير حجايه لليسوه والمايسوه على طلكها لان اعتدو عليها او لان خانته الناس تحجي واني مامهتم اخ يا كلبي صار شهر من فتحت سما الكامره وشفتها واخر مره سمعت صوتها قبل كم يوم من خابرها حيدر يسال عالجهال اخ يابه تعبت شلت تلفوني دكيتلها بدون مافكر بشي كل اللي ردته صوتها يطلعني من خنكتي دكتين وردت
- الو
- الو هلو ام سما غير صوتي ميكطع ويخجلنيً غير احجي عدل احممم
- هلو قسور
- شونج
- الحمد لله تريد سما
- االا اني طلبتج الج لو رايدها اطلبها على فونها
- تفضل
- فاطمه تنهدت احنه موافقين على علي وردتج تعرفين اول وحده نتشرف بيكم ماالكه مثلكم نسب
- ماشي ههه راح نخليها بعيننه
- متاكد من هالشي لان قبل خليتيني
- سكتت مااعرف شكول يحجيها بالم معقوله هالكلام يطلع منه
- الو
- الو احم
- اسف اذا ضوجتج بكلامي
- لا هاهي مع السلامه سديته كلبي يريد يوكف ليش هيج ديضعف كدامي ليش وين قساوته هسه اريدها لقساوته هسه باوعت لعلي نزل من فوك لزم طرف الحايط مال الدرج ونصه يابه خابر قسور يكول نتشرف بيكم
- علي- هالبنيه اخذت كلبي بدموعها وثقتها بنفسها فرحت كلش من خابر قسور وكال كل الهله بيكم بشرت اني وفاطمه هلهلو كلبي احس طاير من الفرحه كل تفصيل من ملامحها محفور بداخلي
- فاطمه- يضحك حبيبي فرحان انتفقو على يوم قرايه الفاتحه خابرو عمامي ورحنالهم تمت الخطبه وكان المتفق عليه اسبوع الوراه المهر امي كالت تخم عرسي لعلي طلعته صح موديله قديم بس كلش حلو ابو الحيه خابرت نهى كالت لا لتبدلو استباخت بيه امي كلش فرحت جليناه وجبناه علي بس صافن عليه حبيبي كام يتصفن كلسا جاي يمي يكولي خابريها اريد احاجيها واني اخابر ياخذ الفون ويصعد بعد مينزل يارب يتوفقون بزواجهم قسور مستمر كل يومين يمر على سما بس مااشوفه ورند بعدها ويايه تعاوني بالجهال وحيدر ميدري الجهال تعلقو بيها اكثر اذا من 8لل5يله تعوفهم طبعا يتعلقون واجه يوم المهر لبست فستان جوزي جوه الركبه اطرافه كيبور مذب وسشورت شعري سماوي لبست بدله رصاصي مدنفشه قصيره وعفت شعرها على لفافاته تخبل طلعت لبست صايه خليجي فوك ثوبي لان مومال حجاب طبيت شفت قسور وحيدر يصفطون بكراسي الحديقه سلمت عليهم قسور مشال عينه واني كمت اتعثر متغير ومغير دزاينه لحيته والزيان نصيت راسي وفتت يكون الله يعديها على خير طبيت على نهى لكيتها ميته بجي
- ولج شبيج
- باعيني طالعه اخوف
- تخبلين هسه اعدل مكياجج
- لا خل نصعد فوك المصوره كالت من فوك تنزلين احلى عادي تقبلين بشقتج
- نهى مو شقتي امشي عادي يله
- مولين- فاطمه فاطمهه
- هله ام حمودي الذهب
- هله بيج هاج هاج طيتهم الر مين هسه حينامون فدوه صار انفجار لازم اروح للمستشفيات جماعتي خابروني محتاجيني
- انتي صدك تحجين لو تشاقين
- فاطمه المثلي ميكدر يكعد دقيقه ويحس انه يكدر ينقذ انسان من الموت ديري بالج عليهم فدوه اسفه ادري مهر اخوج بس شسوي
- اكولج روحي واجري واجرج على الله صعدت الجهال بغرفه رند بدو يزحفون بهالعمر عفتهم وعدلت مكياج نهى بشقتي القديمه بقيت اباوع عليها جكاير قسور هدومه عالسرير غلاف القاط اللابسه عسه عطره الفراش المخربط رشيت غمضت عيني والتفتت على نهى دمعت عيني كل زاويه بالف موقف
- نهى- اسفه فاطمه كلله من ورايه شسوي حتى اداوي جرحج
- ديري بالج على علي
- بعيني اخلي دمعت عيني
- ششش خل اعدل مكياجج وشعرج من رشيت السبري على شعرها دبكت ايدي الحلقه اللي منزعتها اليوم نزعتها لان ضوجتني وي السبري خليتها عالميز كملت شعرها والمكياج ونزلنا سوه مديت راسي شفت الجهال متمددين عالزوليه ديغفون بس يغفون انيمهم بفراشهم نزلنا غنينا وركصنا طب علي خجلان حبيبي ولبسها التخم اباوع لايده ترجف يباوعلي وينصي ولك اثكل هز راسه اي
- سما- عمار بابا وين
- هاي شطالعه كمر ابتسمت بقيت اباوع عليها
- استحي لتكول هيج انت هم طالع عريس
- ههه
- بابا وين طلعت كدامه داروح على بابا
- تعاي تعاي وين كلها زلم بره
- شسويلهم اريد بابا
- تعاي سما تره ومحمد اكتلج متطلعين
- اريد بابا
- هسه اصيحه امشي فوتي يلههه صحت بيها
- دروح بعد ماحاجيك
- لتحاجيني يطبج طوب
- ها عليه
- اي روحي يله تريد تفتر كدام الولد شايفه نفسها صغيره
- فاطمه-واخيرا جتي رند واهلها جانت مقرره متجي بس بعد عناء قبلت كالت من يطلعون الولد اجي وفعلا طلعو وخابرتها وجتي ردتها ويايه بالمهر
- رند- لبست لبس رسمي بطبتي سلمت على نهى وخالتي بستها من راسها جنت لابسه تنوره طويله وقميص بي دكم ومكياج خفيف ومسشوره شعري ذبيت الحجاب ووكفت يم فاطمه--- شنو وين بت خالتج اموت واشوفها
- ولج موصار انفجار راحت للمستشفى الحكومي
- صددك فتحت عيني
- لج بابا مولين من غير كوكب
- بديت اصدك والله الجهال وين
- فوك بشقتج نايمين نطتهم الرمين
- عده موزين بله سبب
- غير هي تكول حتى ينامون
- سكتت شويه وصعدت نهى تريد تبدل فاطمه صعدت وياها صعدت وي فاطمه بدلت نهى واني بالي يم الجهال فاطمه حشوف الجهال
- ياريت
- طبيت للشقه لكيت احمد كاعد من شافني اشرلي تعاي فدوه لايدك حضنته واشم بيه مشتاقتله البارحه عطله مجابو بقيت اباوع عالشقه كلشي مثل ماهو حتى روبي القديم بعده على تعليكتي مشطي البودره مالتي اهز احمد واباوع لحد مكام يغفي بيدي اباوع علىً هدى مسلمتها ونايمه ذبلت عيون حمودي ونام حبيبي
- حيدر- طلعو الزلم بقو بس النسوان جوه قسور تصعد فوك لشقتي تعبان اريد ارتاح
- قسور- لا خليني بالحديقه تنهدت احسن خاف يحتاجون شي
- خوش اني صاعد لعد صعدت من بره لشقتي شفه رند القديمه فتحت الباب على كيفي لان مولين كالت الجهال نايمين فوك وراحت للمستشفى خلتني اكفر بس هاهي ميفيد الحجي بعد فتحت الباب على كيفي شفت وحده ضهرها عليه ودتهز بواحد من الجهال وتلوليله بحنان صوت حنين يخترق ذاكرتي بحنيته ذابت روحي ومشاعري تقربت ريحتها هي هاي ---- جنت متاكد انه انتي اللي تدارين جهالي يم فاطمه
- رند- فزيت انداريت رجعت خطوتين ليوره وبيدي احمد
- علكيفج علكيفج حتوكعين تنهدت باوعت بوجهه مراح اكلج تره
- التقت عيوننا بعد سنتين غياب شنو اللي دااحسه شنو احساس هالمشاعر بداخلي صار خليت احمد بفراشه انداريت عليه ماكو كلمه تطلع من شفتي بلعت ريك عيونه بعيوني دمعت عيوننا ثنيناتنا يباوعني بعتب---
- حيدر- همست احمد غمرتي بحنانج ونام مرتاح تنهدت واني اني حبيبج مااستاهل الو منج رساله رساله كلمه وحده مااستاهلها اسمي بين شفافج مااستاهل اسمعه تحرك دموعي حرك من تنزل من عيوني على خدي تقربت منها
- درت وجهي عالباب وعيوني تبجي دم
- حيدر- لتصدكين اخليج تروحين تقربت منها ترجع ليوره -- خايفه مني تخافين مني
- لا همست نصيت راسي كمت ابجي بحركه
- تقربت منها اكثر دموعها اذتني وكفت كدامها اخاف اقترب اكثر وتنهزم مني مديت ايدي على ايدها تلمستها يبوو يادفوًايدج جريتها بقوه متحملت بعد حضنتها بقيت اشم بركبتها عصرتها بحضني دااحضن بروحي متيه ولكيت الدرب رند همست باذنها رند
- انتهيت بيده شعره المتروس شيب صدمني مدااكدر اوكف واقاوم بس دموعي تجري بللت خده ودموعه بركبتي
- حبيبتي عمري آخ حرمتيني منج ليش ليش
- خل اروح حباب
- هاي الاسمعه منج بعد غياب سنتين لزمتها من ايدها لج مدااكدر حموت انتي نبضي اني ضحيت بيج علمود انداريت على جهالي علمودهم
- هاهي لعد انساني عدك حياتك احاجي بتوسل ودموعي منشفت بقه يتاملني من فوك ليجوه
- حيدر انت هسه اب
- مشتاقلج حموت مدااصدك انتي كدامي
- اريد اروح هدني
- علكيفج لتصيحين هديتها مرايد منج شي بس مثل ما غمرتي بحنانج غمريني اريد انام براحه مثله انام وروحي بس ابقي امنيتي جانت انام هنا اشرت بالفراش وبحضنج رند لخاطر عشر سنين بيننا
- حيدر شتريد همست خاف يجي احد مسحت دموعي
- ركضت عالباب قفلتها محد يجي كلتها بلهفه بس انام بحضنج لج دتشوفين احمد اني كدامج اصغر منه تره لتشوفيني رجال وتارس راسي الشيب انتي امي وكلشي بحياتي رند محد عوضني حنانج
- رند- هزيت راسي دمعت عيني
- منصدك قبلتي اخذني بلهفه جيت للجربايه كعد نطاني ضهره نزعته الستره اباوعله مغمض نزع الحذاء والرباط باوعلي بتوسل تمدد اشرلي يمه ممصدك يباوعلي بالم تمددت بصفه تقرب بلهفه يشم ركبتي
- اوووف ياريحتج بجيت واشم بركبتها بس الله يدري بنار كلبي ليش هيج فهميني ليش
- شششش ارتاح حيدر ارتاح اختنك صوتي قربت راسه من حضني بقه يشم بيه ويتنفس سريع مديت ايدي على راسه اتلمس بي واقرب لحضني لا اني اللي مصدكه حاضنته ولا هو اللي مصدك بحضني
- هذا مهدي الارتاح بي هنا دلالي انتي كلبي رند
- ششش كافي حبيبي ارتاح
- كوليلي بعد حبيبي
- حبيبي واول واخر حب بحياتي عصرته بين ضلوعي قربته اكثر ارتفع صوت نفسه كام يشهك ويبجي واني اتلمس بشعره فتحت دكمتين من قميصه جان يحب اداعب ركبته من وره لحد ما يغفى
- ايييي حبيبي منسيتي مو
- لا سكن وهدا مجرد مداعبته اله نطاني ضهره وسحب ايدي على صدره بقيت اتلمس ركبته من وره حسيت بيده رخت باوعتله غافي عبالك احمد من نايم بداخل كل رجل طفل بريء يضهر بوكت الحب الحقيقي سحبت ايدي على كيف لبست حذائي غطيته وطلعت على كيفي ابجي التفتت باوعتله مره اخيره وطلعت صارت بوجهي فاطمه
- ولج وينج صار ساعه ادور عليج
- برطمت
- جتي يم حيدر ياعمري تعاي تعاي حضنتها ضلت تشهك بحضني لج امي رجعيله ليش هالاذيه
- والله مااكدر اريده بس الي اهجم بيته والله بمشاكلي اغار عليه
- تنهدت الله يعينج ويعينه نزلنا سوه كلسا اباوعلها تتصفن
- رند- اتمنى ارجع اصعد بحضنه وماعوفه لا رند اصحي اعتبري حلم وصحيتي منه
- كملت الحفله وطلعنا شفت حيدر كاعد يدخن بالحديقه باوعلي بحيره رحنا لبيتنا اول موصلت نمت تعبانه وعلي ديدك ناعم
