أذان الكنائس

part 7

الجزء السابع

- ابصر ؟؟ اليوم بعرف !!؟
- كيف بدك تعرف ؟
- عندي طريكتي المهم دوري عليها و حاولي صلي كريب منها و اطلعي بسرعه و لا تظيعيها !؟
- حاسة في مصيبة بس ماشي ؟!
- يلا سلام
-الله معك

و بدء المؤذن بالتكبير حتى يصطف المصلون و يبدأوا بالصلاة و فعلا بحثت وطن عنها و صلت بالصف الذي يليها , سمعت والدتها تنادي عليها باسم زينب , فعرفت اسمها و بدأت بالتقرب منها حتى صلت بجانبها ,ولكن خافت أن تفقدها : يختي معلش أسألك ؟
-آآه تفظلي !!
- معك حبة حلو لأنوا السكر شكلوا نازل عندي و حاسة حالي دايخة كثير !!
- لا والله ما معي !!

بدأ الناس بالخروج فقد انتهت الصلاة خافت أن تفقدها من جديد فتظاهرت بأنها قد فقدت الوعي , و لطيبة قلب زينب بقيت تساعدها حتى تتعافى ..
-يسلمو غلبتك معي صح ؟؟
- لا غلبة وللا شي !! حظل معك ليجواأهلك !! وين رح تستنيهم ؟
- أي مطرح كريب من الباب !! والله خجلتيني بلطفك
- لا ولو تعالي يلا !!

لم تمضي سوى دقائق قليلة حتى قدم عمر و محمود يبحثون عن وطن ...
-ولك مالك مليش ساعة تاركك !! صرتي مريضة ؟؟
- شعمل نزل السكري عندي !!
- ليش انتي عندك سكري ؟؟
-ااه و لولا زينب الله يسعدها كان ظليت مرمية هناك !!
- زينب مين زينب ؟؟
- لا ولو يختي معملتش اشي انا !! الناس لبعظها !!

نظر عمر الى وطن و فهم القصة التي ارادت إيصالها له , لمعت عيني محمود مجددا , و قال لها : يسلمو يختي غلبناكي معنا !! كيف بنكدر نردلك جميلك ؟
-لا ولو بس انتبهولها يلا عن اذنكو لازم اروح انا !! معافية يا رب وطن حبيبتي !!
- الله معك و تسلمي ...

ذهبت زينب و كانت نظرات محمود تتبعها , الى أن قاطعها عمر : ولا شكلك عشكان وطن مكذبتش ؟
-ها مين ؟؟ شو ؟؟ انا عشكان ؟؟
- اه يخوي شفتك كيف بتطلع عليها كنت رح توكلها اكل المهم سالت انا كامت حكتلي انها مو خاطبة ولا بتحب و كل يوم بتيجي تصلي , ساكنة ورا الخستخانة .
- ما شالله كل هاظ صرتي عارفتيه لونك مخابرات مش هيك ؟
- اسكت يعمر ... كملي يختي يوطن !!
- شكلك بتحبها هههه ؟
- صايرة زنخة مثل عمر روحوا انكلعو الاثنين
- هههههه لا والله بس عمر حكالي ما احكي اشي
- خلص ولا انا بدبرلك ياها مش بينا !!
- آآه مهي كيس بندورة أنا بدبرلك ياها ؟؟
- خلص شو بدك انت مش بدك تحبك ؟؟
- ااه اكيد
- طب بدي اسالك من متى هاظ الحكي ؟
-شغلة أول يوم برمضان !!
- ولااااي كل هاظ و ما حكيتلي تفو عخلقتك !
- شو عرفني خلص كيف بدك تحلها هسه ؟؟
- خلص اتركلي اياها لبكرا !؟
- طيب ماشي !! لنشوفك يعبقري انت !!
- ولو بعجبك يا صاحبي !!

عادوا الى منازلهم جميعا , و كان فكر محمود منشغلا كيف سيحلها عمر , و كان عمر يفكر بحل لتلك القصة , في الصباح الباكر خرج عمر من المنزل متجها إلى المكان الذي يتجمع فيه أصدقائه عادة بحث عن اثنين من أعز أصدقائه : مين فيكو بدو يخدمني هالخدمة ؟
-ها شو بدك ؟
- اسمعة تحكيلكو ... اليوم بعد التراويح بدي اياكو بخدمة صغيرة و مش عشاني عشان الدابه محمود ..
- روحي الك و لمحمود ...
- كدها ما بتقصر , تعال أخرفك شو حيصير .........
- كل هاظ ؟؟؟؟؟؟ و بلكي ظربنا محمود مثل ما بتكول هو ما بعرف !!؟
-ما رح يظربكو بس يشوفكو و تعطوه الصبغه !!؟
- أنداري والله خايف !؟
- ولك هس كان روحك الي !
-طيب موافك حكيتلي بعد التراويح ؟
- ان شالله ااه ...
- ان شالله ...