أذان الكنائس

part 8

الجزء التامن

-محمود انت منيح ؟
- محمود شو عرفك باسمي ؟؟
- شوف الكنادر ظربوك عوجهك ؟ اعطيني الشنته خذ خذ هي محارم نظفوا !!
- ولك محمود كيف لحكتهم ؟
- كيف لحكتهم ااه ؟؟
- انا اسفه يخوي حكك عراسي بس ما كان في داعي تلحكهم
- لا يختي ما عملت الا واجبي ... (قاطعه عمر قائلا )
- يختي دكلك اشي ... أول اشي هاظ مش دم هاي صبغة و الاثنين اللي سركو الشنتة هذول شباب صحابنا , و محمود ما بيعرف اشي عن هاي الكصة هيو أول مرة يسمعها زيك , و كل كصدنا من الكصة انك تعرفي انو محمود بحبك ..
-ولك حيوان انت دابه ؟ لا يختي ما تردي عليه هاظ شكلو سكران
- انا حكيت اللي عندي بدك تصدكيني انتي حرة ما بدك برضو انتي حرة بس لازم تصدكيني !!
لم تعرف زينب ماذا يجب أن تقول جمعت أشتات نفسها و عادت إلى منزلها حائرة مما قام به محمود و قاله عمر ؟

-ولك انت دابة ؟؟؟ ليش عملت هيك ؟
-ولك مش بتحبها ما تخلي اشي يوكفك كلها انك بتحبها و خلص خلصنا ..
- بس مش بهاي الطريكة !!
- المهم انها عرفت انك بتحبها و خلص هسه رح تظل تفكر فييك !!
- روح انكلع والله انك زباله !!
-طيب بكرا بتتشكرني اني عملت معك هيك , يللا هلكيت خلينا نروح علبيت !!
- يلا امشي امشي

عاد محمود إلى منزله و ما زال يذكر عيني زينب و هي تنظر إليه حينما قال محمود أنه يحبها , بدأ بمخاطبة نفسه : ليش ما كلتلها إني بحبها والله إني دابه لو إني كلتلها يا الله شلحظ الزفت اللي عندي ... لازم اكلها , بس باي وجي ححكي معها بعد اللي ساواه عمر اليوم ؟

و في نفس الوقت كان عمر قد اتفق مع والدته على أن تكون خطبتهما في اليوم المتمم لشهر رمضان المبارك , و اتفقا على كل شيء .
في اليوم التالي بدأوا بطباعة الكروت و كانت ماري و وطن يعدان الكعك للعيد و كانت يافا كعادتها مستلقية بجوار وطن , دخل عمر عليهما : كيف بتعملو ككعك و الكرف هاظ هون ؟
-الكرف هاظ اسمو يافا لو سمحت بعدين بعيدة كثير ما رح تكرب ع الاكل..
- كش كش وليه روحي من هون يلا ...
نظرت الهرة إليه كنظرة غضب بدأت بالمواء قليلا و غادرت الغرفة جلست بالقرب من الباب ,...
-ولك وطن مش باكي الا ثلث أيام لخطبتنا متى رح تلحكي توزعي الكروت ؟
- بكرا رح اروح اوزعهم كلهم !
- ما تنسي كرت لمحمود!
- لا ولا ما بدنا نعطيه كرت !!
-و ليش ان شالله .؟؟ ليكون مش عاجبك ؟؟
-ولك الكروت للغربا محمود من اهل البيت ولوو
- ااه هسه فهمتك مع هيك لازم نعطيه كرت و كنت دكلك انو لو نعطي كرت ل ...
-زينب ؟ اطمن كتبتلها !!
- لا ذكية اسم الله عليكي , بتلكطيها ع الطاير
- ولو بعجبك
- طيب يلا يلا خلصي اللي باديكي , وين امي صح ؟
- هيها فوك عند الفرن كاعدة بتخبز بالكعكات مش شامم ريحتهم ؟
- حد كلك عني كلب أشم الريحة ؟
- حد كلك انو بس الكلب اللي بشم الريحة ؟
- طيب ماشي هيني رايح لعندها ... بس شو رح نفطر اليوم ؟
- ما طبخناش أشي أنا بكول لو تجيب فلافل و حمص و فول جاي عبالي !!
- خلص تؤمري فلافل و حمص و فول فطورنا اليوم ! يلا انا رايح لعند امي .... يما يما
-ها يما ؟
-محلا ريحت الكعكات جايبة آخر الحارة ...
- كول ما شالله ليكومو ينحركو
- ما شالله عاساس رح اظربهن عين يعني ؟
- شو بعرفني انا المهم شو بدك ؟
- كنت دكلك تعزمي صاحباتك و نسوان الحارة عخطبتي بعد كم يوم مش تنسي !!
-لا ولو يما معكول أنسى انت ابني حبيبي مش رح انسى اشي مهم زي هيك !!
- طيب ماشي انا دروح عالمنجرة اشتغل شوي و انا مروح بجيب معي فلافل و حمص و فول بدك اشي ثاني ؟
- لا يما الله يوفكك و يسعدك بديش الا سلامتك
- طيب ادعيلي يا حجة السلام عليكم ..
- الله معك و يوفكك و يسعدك و يحرسك و يبعد عنك ولاد الحرام و يكربلك ولاد الحلال و يرزكك يا رب ..
- ولااااو كل هاي دعاوي ... الله يخليلي اياكي يما
- و يخليلي اياك يا حبيبي ..
- سلام
- الله معك ...

اقترب أذان المغرب كان عمر ينتظر دورهفي المطعم ليأخذ ما يريد و يرحل , و إذ باثنين من المستوطنين يدخلون المكان و يكسرون الزجاج و يرمون الزيت على الأرض و يأخذون غلة الرجل صاحب المطعم , و يضربونه على وجهه و يرحلون .
لم يستطع عمر تمالك نفسه أراد ضربهم لكن شخصا من الخلف أمسك بيده و قال : ولا تجرب تكرب !
نظرعمر إلى الخلف فشاهد رجلا مسنا قد فقد إحدى عيناه : ليش يا حجي كان تركتني عليه !!
-شايف عيني شو صار فيها منهم ؟؟ بدك يصير فيك نفس الشي ؟؟ استهدي بالله يا ابني و ارجع لبيتك و لإمك !!
- الله يسامحك يحجي بدك اشي ؟؟
- لا يابني مبديش اشي انتبه عحالك و انت مروح عالبيت و عداركو بسرعة !!
عاد عمر إلى منزله حزينا مما حدث و لم يحضر معه شيء ليتناولوه على اللإطار .
-آسف يما بس شفتي شو صار !!
- ولا يهمك يما المهم رجعت بخير و سلامة
- مجنون إنت ولا ؟؟ بدك تموت حالك ؟ و خطبتنا ؟ و عرسنا ؟ و انا ؟
- ولك خلص ما صار اشي !! اسكتي بحياة ربك !!
- اسكت ؟؟ هو انا بعرف اعمل اشي غير اسكت ؟
-بتعرفي تردحي !!
- والله جد ؟ الحك علي أنا الخايفه عليك !!
- تخافيش كد عشرة منا !!
=خلص انت وياها اسكتو و يلا خلونا نفطر !!
لم يكن فطورهم آنذاك شيئا مذكورا , فقد كان عبارة عن قليل من الزيت و الزعتر و بعض المخللات و بعض الماء و إبريق شاي .
-ماتنسي يما بكرا بدنا نوزع الكروت !! مش ظايل اشي للخطبة باكي يومين بس !!
- لا يما مش ناسية !!
- شو ست وطن بدكيش تكولي اشي؟
-مهو بحياة الله اسكت ؟؟
- خلص وطن منتي بتعرفي اني كنت معصب !!
- حتى لو , عن اذنك خالتي بدي اروح اجلي الجليات .
-شفت هيها زعلت روح راضيها يلا
-حاضر ...

ذهب عمر خلفها إلى المطبخ بخطوات تشبه خطوات الأطفال لا يكاد يسمع لها صوت , جلس عند باب المطبخ و سمعها تتكلم بحرقة : شكلها انجنت البنت مع مين بتحكي هاي ؟ نظر من ثقب الباب كانت جالسة على الأرض تبكي و يافا تلعب بحضنها و كانت تحدث يافا , و رغم كون القطة لا تفقه شيئا إلا انها منصتة تماما لما تقوله وطن ,كانت وطن تحدثها و هي تبكي بحرقة : شايفة يا يافا بعد ما صار الي بعد كل هالسنين بدو يروح و يتركني لو انو عارف اني بحبو من زمان معكول يحرك قلبي و يروح ؟ ولك بموت وراه انا !! هو مجنون ولا دابه يعمل هيك ؟؟ يا رب احميه من كل شر و من كل اشي بإذيه يا رب آمين .
بدأت القطة بالمشي تدريجيا حتى وصلت إلى البا و بدأت بالمواء و فتحت الباب : ول عليكي شو انك بسة حمارة !!
-مين هون ؟
؟