البارت الرابع
احمد بيوم الخطوبه شفتها ملكه بس اني اتمنى اشوفها طبيعيه لان من تعرفنا لليوم مناسبات اتمنى اشوفها بنفنوف للبيت وشعرها مفتوح جانت كلش خجلانه ومرتبكه وترجف متصرفت شي يزيد ارتباكها وخوفها بلعكس سولفت وياها حتى تفك طلعنا ونسيت تلفوني على الكوشه مال الخطوبه دخلت لكيتها تركص و تغني يومه حميد يومه هي وصديقاتها هاي للبنيه عدها قابليه تخليني اضحك بس شافتني ركض 💃💃فوك هههههه رجعت للبيت اذكر واضحك اتصلت ماكو عرفت مستحيه اخذت تلفون شهد واتصلت جاوبت كتلها ليش مجاوبين .. عسل استحي🙈🙈 احمد هههه قابل اول مرة الكفج تركصين يله راح اتصل جاوبي عسل اوكي اتصلت ها حبي عسل اموعن واذوبن من يكلي حبي شسوين كتله ماسوي منتظرة يكملون عشا داغسل المواعين وانام تعبانه احمد افتهم هاي طردة بأدب عسل لا عيني انت سئلتني وجاوبتك وانت شسوي .اني كاعد بغرفتي وافكر بلتغيرات واحلم بيج من تجين عسوله تحبيني عسل اني ها ماعرف شكلك يله باي ماما تصيحني سديته احمد ههههه مرت ايام الخطوبه عقد على تجهيز ونتصل بايام خفارته بلمستشفى للصبح نسولف كسرنا الحواجز تعودت علي وعشقته بجنون وهو كذلك يحب يفاجئني بجياته كاعدة انظف ولابسه نفنوف فانيله نمر قصير وشعري لامته ونازل منا ومنا واسمع ماما ترحب بي عزة دافلت شافني هلو عسولتي شلونج باسني من راسي هلو احمد تفضل دخل وكعد ردت اروح ابدل لزمني طلعت ماما اكوعدي عسل احمد ابدل واجي كال تجننين اكعدي باوعت لنفسي نعالي تكرمون ابو الاصبع وبعدني لازمه الماسحه بايدي كال شنو حطيرين بيها اكوعدي كعدت يمه فتح شعري ولزم ايدي كال اجيت احدد موعد العرس بس ردت نوضح امور عسل اي تفضل ..عسوله امي واخواتي ماريد تصير بينكم مشاكل اتحملي لخاطري ولاترادديهم والدي ممتواجد ومن يكون موجود اريدج تخدمي انتي كتله بعيني اسرارنا متطلع الي بينا يبقى داخل غرفتنا لا اختج ولاامج زين عيني كولي انتي اسمعج . كتله اريدك تحفضلي كرامتي واذا انت رديت الي يعيل بيه او يجاوز عليه راح اصيرلك مثل متريد واحسن ماريد اكون مثل شهد كال ليش شبيها شهد كتله احمد لاتغشم نفسك اهلك متعبيها واني بلبدايه خفت بس لان احبك وافقت ..احمد شنو شكلتي لان شنو عسل لان احبك شبيك لعد ليش قبلت غير اموت عليك من اول هزة هههه لزمت خدودة كتله يومه حميد يومه اهلي وعمامي ياحميد يومه احمد هههه حميد بعينج ولج كتله حميد حميد وطلعت جهزنا عشا اني وماما وهو اتفق ويا بابا الخميس زواجنا يعني اسبوع بعد مر الاسبوع بين تجهز وتنظيف وصالون وفساتين محسيت الى بيوم حنتي وماما بجت من الحنه مو مثل شهد بلعرس ركصنا وغنينا البنات ويايه وشهد بقت ويا عيالها مجتي خطيه جانت والدة قريب جابت بنوته سمهتا تبارك مكدرو يجوني لان هوايه عالم واصدقائه عالكيها خلصت حنتي دابدل اتصل افتحي كامرة اشوفج فتحت وشافني صدقه تجننين حبي عسل مزاعلتك ليش مجيت احمد والله كو مه عالم واصدقائي اعوضج باجر .عسل ما شتعوض هو واحد كم مرة يتزوج يله اريد انام تعبانه سديته اجتي ماما وضلينا ناخذ صور بلتلفون شويه اجه علاوي كال احمد جوة يريدج نزلتله باسني وكال عفت الامه عالكه والكرايب واصدقائي واجيتج شلون تزعلين مني حبي اخذنا صور وراح ياعيني متحمل زعلي شكد تكلي شهد عصبي اشوفه احن بشر بلدنيا ولامرة زعلني ( غدير وسام ) اتصل بليل بعدج زعلانه كتله لا حبي فدوة لعينك كال الحمد لله تزعلين غير اديح باجر وين انطي وجي يله روحي نامي وارتاحي حتى باجر يجي بسرعه الصبح مثل اي عروس جهزت ورحت صالون وصيت ميساء دير بالها على ماما ومتخليها تحس بفرق اجتي الزفه واني رجفت من الخوف صدك احبه واتمنى بس رهبه راح اودع حياتي واترك كلشي ورايه وابدي ويا ناس ماعرفهم يعني انقلع من جذوري ونزرع بحياة جديدة لزمني حمودي و كومني وجلبت بي طلعت سلمت على بابا واخواني واشتغل البجي وماما مجتي ويايه كالت ماتحمل شهد وميساء وياج اني زعلت منها وبجيت صعدني احمد ورتب كعدتي واجه يمي وحضني بجيت على صدرة معرفت الشهكات من تطلع وكميه الدموع وين جانت هاي شنو عسولتي تبجين بعرسنا لاحبي كافي باباتي اني يمج وشوكت ميعجبج اجيبج تريدين ارجعج هسا حركت السيارة شهد بلصدر ومحمد يسوق ويركصون هو واحمد واصدقائه كلساع ينزلو بلشارع جانت احلى ليله ودخلنا للقاعه وكعدنا بلكوشه خلصت الحفله وزفونا للفندق اول منسد الباب لزمتني الرجفه واخاف رغم جانت صيف نزعني البدله ولبسني نفنوف وغطاني واني ارجف احمد شبيج بابا ماسوي شي والله بس اهدي خطيه احتار شيسوي حضني ودفيت بحضنه وغفيت كعدنا الصبح كاى اشلونج اليوم عسل احسن رحت غسلت ولكيته منتظرني دخل للحمام غسل وطلع كال جاهزة نطلع كتله اي رجعنا لبيتهم ..
أنت تقرأ
انت لي مهما تمر السنين
Romanceبسم الله الرحمن الرحيم (يُرِيدُ اللَّهُ أَن يُخَفِّفَ عَنكُمْ ۚ وَخُلِقَ الْإِنسَانُ ضَعِيفًا (28)
