انت لي مهما تمر السنين

البارت السابع

البارت السابع

احمد بعد معرفو اهلي بدا المضايقات  وتعبت حتى عسل تحولت من البنيه المرحه الى انسانه كئيبه وضعيفه شكد احاول اطلعها من هذا الجو مكدرنا  امي تلح على زواجي الثاني واني رافض الفكرة بشكل قاطع مستحيل بس ؟؟   عسل رجعت لكيتها تبجي عرفت مسمعيها كلام بس مكامت تشتكي مثل قبل عسل شبيج .هلو حمودي الله يساعدك حبيبي لا مبيه شي  تتغدة  احمد لا تعالي اغسل ونام والعصر نطلع اني وانتي . غسل واجه حضني  وحضنه ينسيني همومي كلها  واضيع بداخله افضل مهدئء بلنسبه الي كعدني العصر كومي بدلي  ولبسي عبايه راس لان حنزور الامامين الكاظمين عليهما السلام  واخذي ملابس وياج  طلعنا زرنا وبجيت وشكيت حالي الهم وتوسلت بيهم وبمكانتهم عند الله  طلعت لكيته منتظرني   دخلني مطعم وطلبلي كباب دجاج وتعشينا حسيت نفسي خفيفه كتله هسا وين كال لااهلج  ونبات يمهم والصبح نطلع نجف وكربلاء  .عسل صدك حمودي فدوة لقلبك حبيبي  رحنا لااهلي ورحبو بينا ماما متعشين احمد اي خاله لاتعبين نفسج  كعدنا بنص اهلي   سوالف  اني وسميرة   نمنا ساعه  وطلعنا الفجر  توجهنا لكربلاء وزرت الامام الحسين واخيه ابي الفضل العباس  وطلبت من العباس بحق غربة زينب  وسبيها ميرجعوني خايبه طلعنا وكتله اريد اكل من زاد ابى الفضل بلمضيف مالته  واتبرك و فعلا دخلنا النساء بجه والرجال  واكلت وطلبت حاجتي ونذرت وطلعنا و لمن توجهت لحضرة امير المؤمنين حسيت نفسيه صغيرة  بجيت باب الضريح  كتله اريدك تنورلي طريقي وبجاهك عند رسول الله ورب العالمين اتشافى من مرضي واخلف  طلعنا  رجعنا الطريق نايمه على جتف احمد ولازمته كانو اخر مرة نكون سوة  رجعنا تعبانين ونمنا  كعدت وزعت الصوغات الي جبتها من الائمه  بس حسيت عدهم شي متغير خالتي ورغد يحجن وحتى احمد  من ادخل يسكتون  فرحانات ويجهزن   ضلو اسبوع على هلحاله   بس لكفت كلمات خطوبه بنيه تصورت لحمايه الصغير  مهتميت   احمد مهموم وعصبي   كتله حمودي الدكتورة موعدي  وياها كالت هذا الشهر نشوف نسبة التحسن   كال مالي خلك عوفيها وشنو الفائدة بعديش  .عسل ليش حبيبي شصار  احمد شكو  عسل انت تكول بعديش ليش شفاتك  احمد ..اهوووو لاتظلين تنكين على الكلمه واصله لخشمي  اجيت يمه كتله شبيك حبيبي وافرك بضهره  حسيت الدمعه طفرت من عينه ونام بحضني  كال تعبان عسل  والدنيا حملتني فوك طاقتي  وعندي استعداد اتحمل كلشي بس مااخسرج  عسل اسم الله عليك من التعب ليش تخسرني   اني وياك على الحلوة والمرة انت تحملتني  واني ماخلف وجنت تكدر تزوج لو تتركني  بس مسويتها تريدني اعوفك  شفته بجا اسكتي عسل محد رحم بيه  عافني وطلع عرفت احمد بي شي   اجه بليل كال عندي ايفاد اسبوع لمستشفى بغير محافظه   اباوعلهم نظرات  تاكدت اكو شي  دخل لغرفتنا كتله شوكت تطلع كال باجر بل9الصبح جهزتله جنطه   اجه سحبني كال تركيها تعالي كعدي اشبع منج  باسني من راسي طلع فلوس كال هاي مصرف اخاف تحتاجين واذا تحبين اوديج لااهلج لمن ارجع اجيبج كتله ابقا هنا اريد اعرف شضامين عليه  كتله احمد اكو شي صاير شي   سكت لا ليش تسئلين   عسل شكلكم بلبيت مو طبيعي كال متوهمه  تعالي اريد احضنج واشبع من ريحتج 💏💏 ضل لحد منام تقربلي اكثر من مرة معرفت شبي  وكانه  اخر مرة  يتقرب مني  كلت لان اول مرة يسافر ويبتعد عني صار سنتين ونصف زواج مبايته عند اهلي او متزاعلين    كعدت لكيته ماكو والساعه 11 طلعت معقوله اني نايمه لساع وممشتغله الغارة عليهة شهد صباح الخير   تعاي اسويلج ريوك  كتلها شوكت راح احمد اتريك لا  كالت اي اني ريكته وراح بس كال لاتكعدوها نامت متاخرة   عسل ها هنا الحجي لعد ههههه رحت اتصلت بي   هلو حمودي نطاك قلبك تروح بلى متسلم وتبوسني . احمد هههه لج شبعت بيج بوس  وعض وانتي فاقدة   شنو ماخذة منوم كتله حضن حبيبي احسن منوم  يله حبي اترخص كتله لحضه شبيك احمد وصلت لا   كال وصلت عيني  لايضل بالكم  ديري بالج على نفسج يله محتاجه شي عيب الولد يمي  كتله عود اتصل الله وياك سديته    ضل اربع ايام يتصل بليوم خمس مرات ونسولف  كتله شوكت ترجع ضجت   يله بس يومين مبقا شي  سديته وبليل  عطشت  رحت اشرب مي سمعت خاله تحجي بلتلفون ويا احمد  هل بشر خذت مرتك  بعدك يايمه موصار اربع ايام  لاترجع هنا وين بعد ورا هاي السعلوة الهنا  يامرة   معقوله  دخلت كتلها شتحجين خاله   سكتت معرفت شتحجي احمد مزوج  مسدته اي خاله ازوج شتريدن ينتظرج العمر كله هم يريدله خلفه الكل  كعد على العياط شفت محد متفاجأ حتى شهد باوعتلها جنتي تدرين حتى انتي  ولج اختي انتي  كالت موبيدي والله وتبجي  كتلها حسبي الله ونعم الوكيل عليكم  لان كدرتو عليه  كلكم  الله يطلع حبوتي بيكم  رحت لغرفتي ابجي الفون  احترك مسجات واتصلات  رحت غلقته  كام يتصل بشهد   لميت ملابسي  واتصلت بعلي اجه اخذني  طلعت من بيتهم وحلفت مادخله ابد   رجعت مكسورة لبيت اهلي   شهد جتي ورايه محبيت اشوفها  بعدين طلعت كتلها احجي من الاول  .