انت لي مهما تمر السنين

البارت الثامن

البارت الثامن
احمد  ماعرف شلون وافقت اتزوج بس اخلص من ملحت  امي واهلي اتفقو الموضوع سر ومتعرف  عسل   خطبو بنت خالتي  ممزوجه قبل  خليت اهلي يكملون كلشي بيوم  الي اخذتها للزيارة مردتها تحس وتنقهر  حتى العقد عقدت على السريع  قبل منسافر  وبدون عرس ولااي شي  اخذتلها امي ذهب وجهزتها واجرتلها بيت يم اهلها  بس مطايقها بقيت   بيوم سفري  مشبعت من عسولتي ناعمه وترفه حسيت راح افقدها نهائي قبل لااطلع كعدتها مكعدت لان تعبتها المسكينه  بستها وحضنتها وطلعت وصيت شهد بيها ورحت  عقدنا يم السيد على بنت خالي  اسمها مها اكبر من عسل بعمري يعني   من كالت عليها امي كتلها ميهمني منو متخطبين  بقيت 3 ايام وبلرابع حاولت اتقربلها مكدرت  اتصلت امي  وتحجي سمعتها تصحيح عرفت عسل سمعت  اتصل متجاوب  وبعدين غلقته  اتصلت بشهد كالت اجه علي واخذها  كتلها الحكيها شهد تروح تسوي بنفسها شي كالت رايحه  رجعت ركض وديتها مها لااهلها ورجعت كبل لااهل عسل  نرجع لعسل  شهد حجتلها كلشي   كل هذا واني نايمه شنو  عصابه ولج انتو حتى انتي وياهم ولج مو اختج اني  بابا طرد شهد وماما كلتلها امنتج عليها هيج تسوين  شهد اسئليها شلون ظلام ماكدر اخالفهم  وخفت عليها  اذا عرفت شيصير بيها (غدير وسام ) ماما لو كايلتلها ومتلاحكه الموضوع  دخل احمد مثل العاصفه   ولزمو بابا وعلي  مخلو يحجي كلمه وطردة هو   وشهد    مرت ايام مشاحنات بين العائلتين  طلبت الطلاك   هددهم بابا يرفع قضيه ويثبت مزوج عليه بدون علمي  بلاخير وافقو  وبيوم طلاكي  وكلت بابا مكدرت اشوفه وهو يطلكني  بيومها من بلغني بابا بطلاكي انهاريت واخذوني للمستشفى وبقيت 3ايام فاقدة وعايشه على المهدئات  بعدها طلعت بس تحولت الى انسانه محطمه وماعدها ثقه باحد  انقطعت علاقتنا بيهم  شهد نمنعت تدخل بيتنا مر شهر  بديت اتحسن واستعيد ثقتي بنفسي ميساء جانت مداريتني طول مرضي  تاجل عرس علاوي وبتول بسببي كتلها ماما  زوجي لعلاوي مبيه شي اني خطيه  امي انتي تحسني   وازوجه  عسل مبيه شي خلي نفرح  قنعتهم بس بابا كال بعد العده مالتج  خلصت العده وبدا الكل يتحضر واحس غصه عند ماما تريد شهد بس متحجي رحت لبابا  حبيت ابين اني مثل قبل وممهتمه حسوني حبيبي بابا ضحك من كل قلبه وحضني حصرتني البجيه بس قاومت كتله سميرة ضايجه على بتها  باوعلي كتله خطيه شهد  خلي تجي بعرس علي   كال لا متدخل بيتي  كتله لخاطري واجتي ماما  بجت هو متحمل   حضنها تذكرت من جان حمودي ميتحمل بجي رحت لغرفتي يارب طلعه من قلبي وروحي  اجت ماما باستني كالت ادري صعب عليج وسويتيها علمودي  كتلها بس بلغليها لاتوصل يمي  ماما ليش انتن خوات  انسي ياامي  وانتبهي لحياتج خلص طلعي وتصالحي انتي واختج  كتلها الله كريم   سوينا حنة علاوي اجت شهد واطفالها من الصبح  تجاهلتها لان جرحي منها يختلف  اجتي امي روحي ويا بتول  للصالون بنتي  عسل مالي خلك  وداعتج  سميرة يله يابنتي روحي علاوي حياخذجن ويطلع للحلاق  رحت ويا بتول   انتبهت شكد جنت هامله نفسي  حفيت وخصلت شعري  وسويت سنفرة لبشرتي    هاو لح بتول طلعت احلى منج لبست فستان بنفسجي  كالت امشي ويايه لاترجعين لبيتكم ورحت ويا بتول ركصنا وطلعت الكبت  حسيت فعلا طلعت من جو الكئابه  رجعنا اني ونوال وبتول  بعدين شغلو يمه حميد يمه  كامت بسرعه بتول وطفته الكل استغرب واني بجيت  وضحكنا النوب اذكرنا من دخل وشافنا   اجوي اهلي حنو بتول وعلاوي فدوة لقلبه يخبل ومستحي اخذنا صور اجتي شهد وكفت واخذولنا بتلفونها  بعدين دك جهازها  اجتي حاجت  بتول  شفت بتول اخذت تلفون شهد رحتلها شكو ولج شتريد  كالت تريد اكنكلها  على شبكتنا  ضحكت شهد متهتم  بهيج شي يجوز تغيرت  الله اعلم  (غدير وسام )  رجعنا للبيت   نظفنا احس شهد تتعمد تجي يمي   بعدين ماما اجتي كالت يله تعالن تصالحن هي بجت واني متحملت تحاضنا   وتصالحنا  سولفنا كالت اشترينا بيت وراح ارممه واتحول بي بعد ماتحمل  ومن بعد مرحتي كمت ماسكتلهم    محبيت اسمع اخبارهم اختنكت  رحت   نمت والصبح بدينا نحضر لزواج علاوي وكملنا وزفيناهم   بعد الزواج  راحت شهد وعلاوي وبتول رجعو من الفندق  مرت ايامنا اعتيادي بدت الناس تتقدملي وماوافقت  بعد زواج علاوي بشهر تعبت  بتول واخذناها اني وماما لدكتورتي  لان اعرفها من دخلني كالت هلو عسوله وين  كطعتي   كتلها بلدنيا فحصت بتول    طلعت حامل  فرحتلها كالت تعالي عسل افحصج مقبلت  سحبتني تعالي شبيج    كالت اللهم صل على محمد  مشاء الله صايرة ورده  وبيوضج ناشطه مستعدة للحمل  ان شاء الله حملج اكيد هذا الشهر بأذن الله  ماما بجت واني كتلها ميفيد دكتورة انفصلنا وتزوج غيري  كالت معقوله احمد ماصدك   الله يعوضج ماما لاتنقهرين   طلعنا واني  مو بلدنياا  حبيت اتصل واكله شسويت بينا لو منتظر بعد كم شهر    ماما بعد هذا الخبر كام اي شخص يتقدم تلح  شهد كملت بيتها وانتقلت وماما كالت نروح نشوفها  مقبلت خفت التقي باحد منهم اتصلت شهد تتوسل ورحت ويا ماما  كعدنا سوالف وبيتها حلو  الله يسعدها بي  شويه واشوف شهد ومحمد ارتبكو.