🌸قراءه ممتعه🌸
اسيل تعالي ماما حضري الريوك ويايه اليوم جمعه ابوج مشتهي المخلمه تعالي حضريها بين ميجي حسوني ويجيب الكاهي والصمون .
اي ماما حبيبتي ثواني وانزل..
اسيل:اسمي اسيل طالبه في الصف الخامس الاعدادي اعيش ويه عائلتي الصغيره مع ابي وامي واخويه الوحيد حسن مرحله ثالثه كليه الهندسه..
ابويه حنون ويشاقينا بس وقت الجد جد وامي حبيبتي وشمعه البيت حنونه الله لايحرمني منها..
وحسوني الاب الثاني الي صديقي واخويه وكلشي بحياتي...
اسيل:صباااحو ماماتي قلبوشتي...
ام حسن:هلو اسوله ام حلك الاعوج يكولون صباح الخير ماما مو صباحوو مادري شنووو
اسيل:ضحكتيني بشرفج هالحسن كله وسماري اليخبل وشعري الاسود وحلكي جنه لوزه وطولي تكوليلي ام حلك الاعوج..
والله يابتي لغتكم مال هالوكت مادري يالغه ..على ايامنا كلشي جان حلو..اه ه بتنهيده كلشي تغير..
اجه حسوني يله حضري كوابه الجاي وحضري الميز اسوله ..
حسن : اني اخو هالشعنونه اسوله طالب مرحله ثالثه هندسه وسيم وجذاب على حجي امي واسوله وحبيبتي...احب شمس زميلتي بنفس مرحلتي ومتفقيين اخطبها بالرابع ونزوج بعد التخرج..
في صباح يوم جديد ..
اليوم بيت خالتكم ام ليث راح يجون من كركوك عدها زياره طبيب ..يمه تعبانه وجايه تسوي قسطره حضرولها اجواء هادئه راح تجي هي وزوجها ابو ليث.
اسيل:كملت تنظيف البيت وفتت سبحت ولبست تنوره ميدي وقميص للكمر ورفعت شعري وخليت كحل واحمر خدود..احنه عائله محافظه وكلشي بحدود...صار خمس سنوات مشايفتهم لبيت خالتي ..
اندك الجرس ورحت دافتح الباب وداستقبلهم ..شفت خالتي حبيبتي تفاجئت بيه
خالتي ام ليث:اللهم صلي على النبي شنو هالحسن يمه فدوه لحبيبته خالتها صايره شابه سوالف امي اكولها لتكولين شابه صارت قديمه ..كولي صبيه بس ميفيد التعلوم هههه..المهم
اسيل:خجلتيني خاله عيونج الحلوه شكراا
#اماسي_الليل
ام ليث:ليوثي سلم على اسوله صايره مره وتخبل..
ليث:ابن خالت اسيل عمري 25 سنه خريج اداب موصل واشتغل ويه والدي بشركه استيراد وتصدير يعني الحمدلله اوضاعي مرتبه..
هلو اسيل شلونج ماشاء الله كبرانه وصايره صبيه
اسيل:بخير ليث اشكرك ..تفضلوا لعد وين عمو،،؟
ام ليث :والله صبح ضغطه مرتفع ومقبل ليث يجي ابو ويايه فكال اني اروح بداله خاف يتعب من السياقه...
فرحنه بجيتهم وتغدينه وسولفنه وخلص اليوم..
اسيل:دك المنبه ساعه7 الصبح وبدلت ونزلت واكلت لكمه وطلعت مريت على صديقتي نور بنفس شارعنه وبنفس صفي ورحنه للمدرسه الي جانت بالفرع المقابيلنه...
كملت الدوام وطلعت اني ونور ولكيت ليث واكف بسيارته باب المدرسه ..صاحني تعالي اسيل ..اجيت
هلو هاي شجابك..جاوبها جنت مار منا وكلت انتظرج
يله اصعدي ... اوكي..نور صديقتي راح تجي ويانه..
اي تفضلوا على راحتكم..وصلنا نور ورحنا لبيتنه...(ام ايه)
بدلت وكعدت وياهم وحسيت ليث عينه ورايه وين ماروح...كلت شبي هذا صدك ميستحي..عفته مدرت بال لان اني شايله هاي الافكار وحاطه بالي انجح واحصل معدل حتى افيد اهلي وافيد نفسي..
بقت خالتي اسبوع وكملت شغلها يم الدكتور وقرروا بعد يومين يرجعون لكركوك.
#اماسي_الليل
كاعدين بالليل بالحديقه دنتعلل حسوني دك تلفونه(الحب) وفات والباقين طبوا لان برد الجو شويه...وبقى بس ليث..
بقيت دالملم استكانات الجاي والكرزات..وليث كلي اسيل وره متكملين تلملم الغراض اريد احجي وياج كلمتين..
بصراحه تفاجئت وتغير لوني وكتله صار بس اخذ الغراض للمطبخ وارجع..
اجيت كعدت على المرجوحه وهو كاعد على الكرسي..كلي اسيل انتي بنت خالتي وماريد الف وادور عليج اني من يوم الي فتت بيتكم بصراحه جذبتيني وحسيت بشعور تجاهج..اني بها الاثناء وجهي صار ترفك لايت من الخجل واباوع مره عليه ومرات هوايه مدنكه وما اكدر اباوع..
اني راقبت تصرفاتج ومشيت وراج للمدرسه كم يوم وما فد يوم شفتج ضحكتي او التفتي بالشارع..
وتعمدت بالبيت اباوع عليج من تفترين بالبيت وادري بنفسي لحيت وانتي حجيتي عليه وكلتي ميستحي...بس اني تعمدت بالملحه وردت اشوفج تنطين مجال لولا وبصراحه عجبتيني اكثر واكثر ..ولبسج كلش محتشم وممتاثره بالبنات والانترنت...وتلفونج طول الوكت شامرته على الفرن وانتي بغرفتج...
فانتي يا اسيل دره نادره بهالزمن..واتمنى توافقين وتكونين شريكه حياتي وام صالحه لااولادي..
طبعاا الاشويه ويغمى عليه..بصراحه عمري مسامعه هيج كلام ومن كلامه حسيته رجل بمعنى الكلمه كامل المواصفات من وسامه وشهاده واخلاق ..
سكتت ومكدرت احجي...
سألني شنو رأيج بالموضوع..عادي تره اتقبل الموضوع برحابه صدر اذا رفضتي ولو رفضج يعتبر خساره كبيره الي..بس اني راضي باي شي تقرري...
🌸🌸🌸🌸🌸🌸🌸🌸🌸🌸🌸🌸🌸🌸
تردون اكمل القصه او لا ؟؟ ورأيكم بيها 🌸
أنت تقرأ
عشق وألم
Romanceالكاتبه أم آيه 😻🌸 قصه جميله جدا بيها هواي عبر منها الصبر والتحمل تتكلم عن بنت جميله تتزوج شاب وهذا الشاب تكون عنده علاقه ويصير اتفاق ما بين الزوجين انه ميحصل شي ابد ومده الاتفاق 6 اشهر بعدها انفصال ولكن تحدث هواي امور تغير حياتهم تابعوا وياي القصه...
