عشق وألم

البارت الرابع عشر

بدت السنه الجديده واول يوم وصلني عمر ومن دانزل يباوع على الولد مجموعين يم الباب كلي اوكفي راح اني ادخلج للكليه كتله ماكو داعي اني ادخل..راح عمر بس حسيته صار بركان.. كظيت يومي ويه محمد ونور وضحك وسوالف وسوينه خط لان ماريد عمر يوصلني..ورجعنا بالخط من وقت ...فتت لكيته موجود كال منو جابج كتله سويت خط ويه نور وخطيبها ماريد اتعبك بتوصيلتي..سكت ومعجبه كلامي..
مرت ايام وحسيت اتصالاته وطلعاته برشا قلانه ويحاول يتواجد ويحجي ويايه دائمااا...
عمو اليوم جاب لحم تكه وظلوع وكال سولنا مشاوي على العشه..
عمر تبرع كال عليه شوي العشه اني ومرتي...طبعا طلعت منه عفويا لان حس على نفسه وخجل.. واني تغيرت الواني من الخجل وخاله ورهف يضحكون من جو ويغمزولي....
رااح حظر المنقله  واني شيشت اللحم والضلوع وترتيبات الشوي وجبت الصينيه وجامعه بيها الغراض وتلكاها مني ومن دياخذها صارت ايده على ايدي وعيونه بعيوني وحسيت اثنينا ذبنا وخرت وفتت طبعا روحي ذابت بين ادي ..وهو نفس الشي..
طول العشه وعينه منزلت عن عيني طبعاا حسيت الليله متعدي على خير ..
اتعشينا وشربنا جاي على المنقله ورتبنا المطبخ اني ورهوفه وصعدت دانام..طبيت الغرفه صوته ديسبح  ردت انزل بس ارتبكت وبهاللحظه طلع اووف موتني لاف المنشفه على خصره ودينشف شعره بالخاولي اول مره اشوفه بهالمنظر جسمه جذاب وهو يلعب حديد متحملت داطلع ..هو بهالاثناء حس بيه ارتبكت  وصاحني وين نازله كتله داشرب مي كلي هذا بطل توج جبتتي ..ضحك واجه يمي وتقرب وهمس بااذني تريدين تنهزمين...طبعاا من كال هيج رجلي بعد متشيلني اووف كلامه ذوبني ..
بس لا مااضعف واخلي يلزمني بس رغبه  وبعدين يمل..بعد الا اتاكد..ضحكت وكتله ليش انهزم بس كلت علمود تبدل براحتك كال عادي ابدل كدامج قابل انتي غريبه انتي مرتي ثاني مره ينطقها وحسيت يريد ينسجم ويايه واني ضوجته وكتله مرتك على الورق وغيره لا ومبقت فتره قصيره ونصير احرار اثنينا وتروح لحبيبتك وتزوجها...
عيونا صارت نار وبيده فرشه الشعر ركعها بالكاع كالي اي تخلصين مني وكلمن يشوف حياته..اطلعي بره رجاءا اريد ابدل ....
طلعت وانقهرت عليه لان جان ناويها بس مااصيرله لكمه سهله والا اتاكد من حبه ياله اسلمه قلبي وروحي..نزلت شويه يم رهف وبجيت وكلتلها بعد مااتحمل كالتلي صبري هانت وهو حيل مبين عليه حبج فاضحه..وخل يترك الحيه بنفسه ويكتشف مكرها وتبدون حياه جديده ونظيفه بعيده عن قذارتها..كلتلها الله يسمع منج..
صعدت لكيته نايم ..اني بدلت بجامه مستوره ونمت
لان عندي دوام..
ثاني يوم كعدت اتحضرت طبعا ابدل واتمكيج بالحمام وبطلعتي شفته كعد كتله صباح الخير جاوبني برود صباح النور وباوع عليه بتك عين اشو حمرتج طوخ اليوم كتله لا نفس يوميه..وعفته ونزلت طبعاا فرحت يعني منتبه عليه وصحيح اليوم طوختها شويه...
رحت للدوام وسولفت لنور وكالت تطورات ..كلتلها اريد اخلي عمر يكتشف حقيقه رشا وشلون هيه متحبه وتريد فلوسه..سكتت نور وكالت راح ندخل حمودي بيناتنه كلتلها عزه يولي عيب شنكوله قابل زواج عالورق ومن هالسوالف كالت لا يولي خليها عليه...
بهالاثناء اجه محمد وكعد ويانا ونور متحملت وحجت كالتله عمر رجل اسيل اكو وحده يعرفها قبل الزواج وهسه رجعت لحياته واخاف تدمر حياتهم ورايديك تساعدنه ..كلها وسفه على عمر عنده ملاك ويباوع للشياطين..
المهم اتفقوا على خطه حتى يوكعهااا..ويواجه عمر بيها ويكتشف دنائتها..

شنو حيصير يلا بقوا بارتين 😁😂