عشق وألم

البارت الخامس

بدت حياه جديده حياه الجامعه.طبعاا اني التزمت بالحجاب من يوم وفاه ليث الله يرحمه صار سنه ونص ومن دخلت للجامعه صار لبسي كله فساتين واني طويله فجان شكلي كلش جذاب بلاغرور ولاتكبر طبعاااا..
عيون الطلاب تلاحقني رغم البنات بكل الالوان والاشكال...بس اني ماخاله في بالي لان ماريد كلبي ينلجم مره ثانيه..وقررت اترك هذا الموضوع للاهل بعد التخرج ويكون زواجي تقليدي يعني بااختيار الاهل..محمد ويانه بالقسم ادب واخلاق ورجل بمعنى الكلمه معجب بنور ونظراته فضحته ومتكلم وياها ولا كلمه ..وصرنا مرحله ثانيه واخيراا نطق ابو الهول محمد وصارح نور وبنفس اليوم كلها انتظروا والدتي راح تجيكم..وبالفعل اجتي والده محمد وراها بكم يوم الرياجيل وقروا الفاتحه وكطعوا مهر والزواج بعد التخرج..طبعا نور الدنيا موسعتها من السعاده لان جانت تعشقه بجنون ..الله يهنيهم ويسعدهم..
احنه ثلاثي لايفترق اني ونور ومحمد كعدتنه ودراستنا واكلنا كله سووا وجان يحب نور بجنون ويخاف عليه مثل اخته...
حسوني الكبد اتخرج صار سنه وخطب شموسه وقرروا يزوجون ..
فرحنا ورتبنا مراسم العرس وحجزنا القاعه والترتيبات والقاعه مختلط ...اني لبست فستان جويتي مقسم وطويل وبي نزله من الذيل والحجاب مطعم بجويتي وبيجي يعني فد شي ورحت للصالون(ام آيه) رتبت مكياجي وحطيت جويتي وترابي لان اني يلوكلي الحمر الترابي..
صارت المراسم وحسوني فدوه لطوله طالع كمر بسته من خده بالقاعه وهو يكلي شعنونه استحي شويه واني اكله كم حسوني عندي..وشموسه طالعه فدوه لعابه...وامي العرس كله تكلي كافي تفترين مسحتي القاعه بهذا نفنوفج ابو وصله المسح واني اضحك على سوالفها..
ونور وحمودي جانوا حاضرين وتمنو يكون هذا عرسهم والعرس كله محومرين ماعرف شديسولفون...ههههه
تقريبا اكتمل عدد المعازيم..كمنا اني وماما وبابا ونفتر على الميوزه ونرحب بالضيوف واغلبهم اقرباءنا وقليل اصدقاء العائله..وصلنا لميز بالزاويه ماقبل الاخير بي شاب وصبيه حلوه ورجال ومرته
طلعو بيت صديق بابا..
تعرفنه عليهم عمو ابو عمر وزوجته جانوا كلش حبابين وبتهم مبينه بالاعداديه حلوه ونازكه رهف وابنهم حسيته ثكيل بس شايل جمال طويل وحنطاوي وعضلات فد شي يعني سلم من طارف خشمه...ععابتلك شكد عنفه الله يكون بعونها الي تاخذ اكيد غبيه ومعميه على عيونها الي تربط نفسها بهالبومه...
كمل العرس وزفينا طيور الحب(ام آيه) للفندق ورجعنا للبيت..
صعدنا للغرفه وشلت شموسه وذبيتها على الجربايه وبستها من راسها وممصدكين احنه سوه ساعدتها وفتحتلها تسريحتها الي لعبت بيا طوبه يمكن 3000 ماشه بيها وغيرت ملابسها طبعا بمساعدتي..

حضنتها قوي وصار الي صار(...)وعشنا ليله صدك من العمر...
وره يومين رجعوا العرسان وبدت بساميري تركع بيهم وحسوني يكولي اشو انتي فدمره طالعه عينج  ويضحك..وكلي لج ثكلي باجر عكبه من تزوجين شوفي شراح اسوي بيج والله العب بيج طوبه كدام رجلج بالصباحيه..ونضحك..
بهالاثناء اختنكت وصعدت لغرفتي وبحجايته تذكرت ليث الله يرحمه وباوعت على المداليه الي بركبتي ومنزعتها ابد صار كم سنه لابستها ودعيتله بالرحمه والصبر الي ولاامه..
طبعا خالتي وره الحادث صارت زينه وره علاج 6 اشهر لان كسورها طولت يالله لحمت ..ورجل خالتي توفه العام صار عنده هبوط حاد بالسكر ودخل بغيبوبه وعلى اثرها مات..
رجعت كل ذهبي لبيت خالتي وخالتي مقبلت بس اني اصريت تاخذه..بس كلتلها راح ابقي هاي المداليه والزنجيل لان هديه من المرحوم..وكالت متغله عليج ياريحه الغالي...
اوف اوف ..

توقعاتكم للبارت الجاي