حسيت خطتنه بدت تمشي صح واني الي شدني كلام خاله لمن كالت طمعانه بفلوسه واني مشاعري متخربطه صار فتره وحسيت بديت اتعود عليه وانجذبله واريد يجيني بس مو الرغبه تجيبه اريد حبه الي يجبه يمي
اجتني خاله وكالتلي اسيل يمه يوميه اقري على بطل مي سوره البقره ..البطل يشرب منه والباقي نغسل ملابسه ونرشه بغرفتكم لمده 40 يوم..بلكت سحر الشيطانه ام السحور يبطل وان شاء الله يصير خير.ان شاءالله ماما
اجه العصر وجابلي هديه وقدمها كلي هاي على سلامتج بالبدايه مقبلت وهو اصر اخذتها طلع محبس ذهب انطيتهيا كتله هديتك واصله بس اعذرني عصب ونتر ليش.كتله احنه تاليها منفصلين وماريد شي يذكرني بيك عافني واخذ محبسه وطلع.
واني سمعت كلام خاله وكمت اقره على البطل ومن اجه شرب منه بدون ميحس والباقي رشته رهف بملابسه وبالغرفه
طبعاا صار وكت النوم اجاني كلي راح اساعدج تصعدين خاله صاحت لايومه لاتصعد ولاشي موزين اصعد وعوفها يم اختك كلها شلون متعوده تنام بجربايتها خاله تباوعلي وتبتسم بدون ميحس
كالتله روح احضن المخده ونام صارت عيني بعينه وابتسملي..يله تصبحون على خير
صعدت لغرفتي وحسيتها وحشه ومداعرف شنو ديصير بيه معقوله احبها لا لا طبعا لان احنه متفقين واكيد هيه تضوج مني ..اوف مشاعري مخربطه..
وبقيت على هالحاله ويوميه وانام جوه وهو يتكرضم وطول الوكت عصبي ..وبقيت اقره سوره البقره مثل معلمتني خاله والحمدلله احس بده يتغير بس بعد المشوار طويل...
كمل الاسبوع وفتحت رجلي ومستمرين بالتمثيليه..واجه الظهر طب كبل للمطبخ هلو يوم اسيل فتحت رجلها مووو..ضحكت امي كالته اي وهي صعدت فوك دتسبح..
صعدت ركض لكيتها طالعه ومبدله تراكسوت وردي بلون خدودها وريحت الغسول معبيه الغرفه..جنت اتمنى الكاها بالحمام بس لا لا همزين طالعه اني ماريد اظلمها لان مواعد رشا بالزواج..
المهم كلتلها نعيمااا ونورتي غرفتج..جاوبت بهمس شكراا..
حسيت نظراته بيها شي وعنده حجي واني ماريد يرغبني اريده يحبني..كتله نازله عيب ويه خاله صار اسبوع مداريني..جاوبني بنتر اي بس انتبهي لتتمركضين بعد وتوكعين..كلت بكلبي خايف لاانام
جوه ههههه..
خاله كالتلي اجه ملهوف وسال عنج ان شاء الله نتوفق بخطتنه كلتلها امين
استمريت بقراءه الايه وكملت 40 يوم ..وبدين احسه يهتم بيه بس احسه تعبان ومهموم بس خلي يقلع شوكه بيده
بعد كم يوم ويبدي دوامي ونزلت وجهزت نفسي للكليه اجه الظهر كتله عمر اريد اروح لا اهلي كلي اي بعيني العصر من اطلع اوديج وباليل مثل كل مره اجيبج..كتله اريد ابقى كم يوم لان تعبانه ماما واني من زوجنه لسه ولا مره بتت يمهم...وضحكت وكتله يله هواني وره فتره راح ارجعلهم على طول وابتسمت ..هو ساكت وعيونه حايره..كلي كم يوم ليباجر كافي كتله اني من اشوف نفسي اكتفيت اخابرك...كلي تحظري علمود اوديج..
حضرت نفسي واخذت جنطه ملابس وسط جنت مشتريه غراض لاهلي وهدايا ..كلي ليشوف جنطتج يكول مترجعين بعد ويباوعلي بمكر ..ضحكت كتله يجوز...اني ادري بي ديموت بس الا اشلع كلبه ...
وصلنه لااهلي ونزل ويايا وسلم على بابا وحسوني وامي وشمس كعد شويه واترخص..من طلع حسيت اخذ روحي وياااا...
من ذبيتها يم اهلها وطلعت حسيت عفت روحي هناك اووف ياربي شديصير بيه...
رجعت للبيت جان هدوء لان هيه مسويه روح وحركه وبس تتمركض وتغني وتلعب هيه ورهف بالحديقه طائره لو مهرجات بالبيت..
طبيت الغرفه اختنكت ونزلت دنام جوه وخابرتني رشا وكلتلي تعال..ورحت حسيت نفسي محتاج ارتاح..طبعاا رشا كلش ماخذه راحتها ويايا وعايشه بشقه وحدهااا..واهلها على طول مسافرين..
نمت يم رشاا وطلعت الصبح واول مره حسيت احساس مو حلو وكرهت نفسي وكرهتها..
وراسااا اجتي على بالي اسيل وكمت اقارن شلون تعز نفسها ومايوم رخصت نفسها الي برغم اني زوجها ورفضت كم هديه ذهب هديتلهيااا...ورشا رخيصه حتى لو تحبني وبس تسحب فلوس من محفظتي وتدور هدايه ذهب وغاليه..
يارب تعبت ورسيني على بر معقوووله كمت احب اسيل ...كلتها بتنهيده..
رحت ثاني يوم لبيت اهل اسيل ودكيت الباب وفتح حسوني ودخلت صارت اسيل بوجهي لابسه دشداشه قصيره ربع ردن اول مره اشوفها هيج ..تتقصد تلبس حشمه بالبيت. حتى متغريني..ظليت صافن وهيه خجلت كالتلي هلو عمر شجابك ..كلتلها مريت على ولد صديقي وكلت امر اشوفج تروحين..كتله بس بعدني مفتهمت شي البارحه اجيت.
كلي ها براحتج حسيته ضايج ومخنوك وحبه فاضحه بس بعد اريد اعذبه...
كال اني اسمحولي اريد اروح عندي شغل ...اهلي لزموا بي يبقى يتعشى وهو مصدك بقى راساا وكعد لعب طاولي ويا بابا وسوالف ويه بابا وحسوني ..حضرنا العشى وتعشينه وكال اترخص كتله انتظر راح اجي وياك لان عندي باجر باقي لوازم ممكملتها للدوام..فرح وعيونه كامت تلمع..
وطلعنا طول الطريق محجينا شي وشغل اغنيه اليسا عبالي حبيبي وبصراحه اني اسمعها ومدمعه ودعيت ربي يحبني ويبعد عنه رشااا..
وصلنا للبيت وخاله ورهف بوسوني وكالوا البيت مو حلو بدونج ..عمر راساا جاوب اي والله ..حس على روح وخجل واحنه ضحكنه
توقعاتكم شنو حيصير والنهايه اقتربت 😁
أنت تقرأ
عشق وألم
Lãng mạnالكاتبه أم آيه 😻🌸 قصه جميله جدا بيها هواي عبر منها الصبر والتحمل تتكلم عن بنت جميله تتزوج شاب وهذا الشاب تكون عنده علاقه ويصير اتفاق ما بين الزوجين انه ميحصل شي ابد ومده الاتفاق 6 اشهر بعدها انفصال ولكن تحدث هواي امور تغير حياتهم تابعوا وياي القصه...
