عشق وألم

البارت الحادي عشر

كملت السبعه وكام يروح عمر للشركه يطلع الصبح ويرجع الظهر ويفتح العصر ويرجع المغرب..
وره 10 ايام خاله كالتله عمر اطلع انت واسيل اتعشى بره...اني تعذرت بس عمر كال اي ماما اريد نطلع شويه لان تعبان من الشغل..
بدلت لبست فستان اسود والاكمام بيج ورتبت نفسي شافني ..كال انتي كلش انيقه جاوبته شكرااا..
طلعنه رحنا لمطعم واتعشينا وسولفنا سوالف عاديه احنه كاعدين جان الميز الي بصفنا بي شاب مبين شخصيه..وانتبهت ديباوعلي درت وجهي احتراما لنفسي اسمي مزوجه مو احتراما لعمر لان ميستاهل..عمر حس بي ديبصبص كام ياف اف وضاج..كتله عمر اروح للحمام اعدل نفسي جان ينتر بيه شبيج حلوه ومرتبه..كتله اريد ارجع للبيت كالي اي احسن..رجعنا وبالسياره بعده معصب كلي شفتي هذا ابن ال(..)عبالك انتي كاعده ويه خراع خضره ولانزل عينه منج..كتله منتبهت احد ديباوع وسكتت وداطبق كلام عمو من كلي اشتري بسكوتج..لان صحيح الرجال يحب المره الي تلبسه ...هو يحجي واني بداخلي فرحانه لان بده يحس بالغيره وكتله بكلبي بعدك مشفت شي...
رجعنا وجبنا ويانه عشه للبيت لملمنه اني ورهوفه وكالعاده كلمن نام بمكانه مرت 3 اسابيع وجنت مريضه بالنسائيه واني طبعي اتالم وماكدر انام وموجوعه والا اضرب ابر لو مسكنات كعدت تعبانه ومكدرت انزل تاخرت رجع الظهر مشافني جوه سال خاله كالتله منزلت يمكن مريضه صعدتلها اختك رهف وكالتلها مااشتهي شويه تعبانه.. يمه عموري خاف مرتم حامل ضحكت كلتلها بعد وكت مأجلين الموضوع امي معجبها..
طب للغرفه وشافني نايمه ومتغطيه بلحاف وبطانيه استغرب لان الجو صيف...المهم..ها اسيل بيج شي! كتله شويه معدتي وراسي يوجعني كلي كومي اوديج للطبيب جاوبته ميحتاج بس افتح جنطتي السوده بالجيب الصغير شريط حبوب جيبلي عليه..كلي صار ..
فتت للحمام داغسل وابدل والبس تراكسوت فشفت فوط نسائيه بخزانه المغسله ضحكت وافتهمت شبيها..طلعت كلتلها راح اروح بلكت اشوف صيدليه على الشارع مفتحه لان ظهريه وكلها تعزل...
ماعرف ليش حسيت نفسي خايف عليها وراودني شعور حلوو تجاها...
رحت ولكيت العلاج وسالت الصيدلي كلي مسكن قوي لاالام الطمث ..شكرته وطلعت.. رجعت ولكيت امي جانت مسويه سوب لحم بالغده وكتلها ماما صبيلي كاسه داصعدها الاسيل .. امي حضرت صينيه صغيره وانطتنياها وفتت لكيتها صفره وتتلوه بصراحه مردت كلبي كتلها جبت العلاج بس اشربي السوب اول لان تتأذى معدتج ..كالتلي فدوه انطيني الحبايه الله يخليك مقبلت كتلها تتقرح معدتج بجت واول مره اشوف دموعها عبالك قطرات لولو شكد مرت بمواقف احسها تتاذى بيها بس عمرها مبينت انو هي ضعيفه كدامي..
انطيتها الحبايه وشربت الثانيه وعطت بيها كتلها وين اوديج بهالظهاري..
بدت ترتاح وشربتها السوب شويه وقطعه زغيره لحم ونامت واباوع عليها عبالك ملاك..بس اني ماخون حبيبتي وماريد اضعف..
عفتها نامت للعصر واحنه كاعدين جوه نزلت سابحه ومبدله ومتعطره..سطرتني كلتلها اليشوفج الظهر ميشوفج هسه كالتلي معدتي متخربطه وارتاحيت على العلاج اشكرك تعبتك..
واجبي ادللي..
داحجي وياها ودك تلفوني ورحت بعيد وجاوبت بسكوت وكلي طالع بشغله ويه صديقي كتله براحتك ميهمني وراها طلع..
طبعاا اعرف من تخابره تتبهذل احواله ويرتبك ويتعذر..وادري يطلع وياها ويوميه ديشوفها اكيد..
اوووف ياربي شسوي...
مر شهر ونص متزوجين ونفس الروتين وهو بالشغل وكاعدين اني وخاله ورهوفه بالمطبخ دنشتغل كليجه عمو مشتهيها...خاله كالت يمه اشو احس علاقتكم بيها برود ليش يمه مأجلين موضوع الاطفال تره هاي نعمه من الله..بهالاثناء اني شلون البركان وانفجر مصدكت على الله وكمت ابجي وخاله حضنتني وتكولي اسم الله يمه شبيج كلتلها مابيه شي كالت والله تحجيلي مبين همج جبير وانتي بغلاه رهف شمسويلج منعول الصفحه الا اعلمه...
حجيت كلشي لخاله ولرهف وتخبلت خاله كالت عايف هالدره بنت الاصول الي مشفنه منها غير الحب والاحترام ومجلب بنت الشوارع البايكه فلوسه..