عشق وألم

البارت العاشر

فتح تلفونه وخابر اهله كلهم راح نرجع خاله تفاجئت ليش يمه كاللها اسيل تكول نرجع لغرفتنا احسن لان توهس من الفنادق تخاف من الكامرات. ويضحك..
واني بداخلي اباوعلي بمكر جذاب وتافه..
وكلت الا اندمك واخليك تحفيلي حفي..
واشربك من كاس المر الشربتنيا..حط الغراض بسيارته وفتحت تلفوني وكنكت على البيانات وطول الطريق تجيني اشعارات واني اضحك اني مشتركه بكروب بنات واقره وابتسم كال ضحكيني كتله ميخصك سوالف بنات..معجبه ودار وجه..بهالاثناء دك تلفونه ومجاوب وضل يدك وهو مسوي صامت واخر شي جته رساله ..وركن كال بس اجيب شغله وارجع..طبعا اني مو غبيه مبينه ديخابر العينتين بصراحه كلش اختنكت بس كلت لازم اتعود ..
صعد وراها جايب جكاير وماعرف ايش شغلات اله..
بس وجها ضايج اكيد متعاركه وياهاا..
وصلنا البيت وتلكونا وخاله هلاهل وجكليت سلمت عليهم وبست ايد عمو وتمنالي حياه سعيده...
كلي يابنتي كلمتين حطيها باذنج (رجلج تشتري بسكوتج) كتله صار عمو فهمت قصده ..لان هوه يعرف ابنه مجبور اتزوجني ..
صعدت بدلت ورهوفه ساعدتني ورتبت غراضي ونزلت وياهم لبست كلابيه حمره مقسمه عبالك فستان مسبعه والسبعه مفصصه بفصوص ناعمه فضيه  ومكياج ناعم وتعطرت فاتحه شعري...نزلت الدرج هو جان كبالي كاعد بالهول باوع ودنك...من نزلت من الدرج شفتها كلش حلوه وسطرتني بعطرها ..راسا شلتها من بالي وكلت ماخون حبيبتي..دخلت للمطبخ وجانوا ديحضرون الغده وخاله مقبلت الزم شي كالت حبيبتي العروس عروس تبقى شهر ..كم جنه عندي هي وحده الغاليه مرت الغالي..انعصر كلبي على طيبتها وحنيتها..كتلها ان شاءالله اكون عند حسن ضنج خاله..كالتلي يصير تكوليلي ماما كلتها بعيوني ماما..فرحت وجتي حضنتني ودعتلي الله يسعدني..
تغدينه وكمل نهارنا وبالليل نمت اني بالجربايه وهو على القنفه ..غرفتنا واسعه حاطين بيها غرفه النوم وبالجهى الثانيه مسويها كعده نص تخم وبلازما..وبيها حمام ...
لبست بجامه عاديه ومستره ولميت شعري ذيل ومسحت مكياجي علمود انام...راسا انتبه عليه كلي شكلج حلو بدون مكياج وطفولي بس بالمكياج اكيد حلوه لان مكياجج ناعم...كتله شكراا..
صحيت على نفسي كلت شكتلها لو محاجي هاي شبيه اني اووف اطلعها من بالي احسن..
اجاله مسج وقرا ويبتسم وجان ديتراسل ومبتسم ضجت حيل...طلعت تلفوني واضحك وابتسم بالكروب وتصنيف..
وحجيت ويه نور مسجات وسوالف وضحك..ودزيتلها صور العرس وهي تدزلي صور تخرب من الضحك مال واحد شفته مورمه وتكولي هسه انتي هيج صايره واني اضحك بس بالكذب ..كمل مراسله واني بعدني مستمره كتابه وضحك ويه نور هيه سينما والوحيده تضحكني لان حجيها كله تصنيف...
كروبج مبين يونس كتله اي بس مو ويه كروبي داضحك..باوعلي لعد ويامن جاوبته اني مسالتك ويامن جنت تتراسل وتضحك.
كلي اسف على السؤال تصبحين على خير جاوبته وانتى من اهله..
سوينه السبعه بيناتنه حلوه ومرتبه وجوي اهلي وكرايبي ونور وتونسنا ..وصعدت نور وسولفتلها على عمر لان هيه تؤام روحي وماضم عليها شي وكمت ابجي..
نور انصدمت وانقهرت وفشرت على عمر(..)مكار الي يشوفه يكول نيالها الماخذته ..
ديري بالج تستسلمين واتحملي والله ليرجعلج يتوسل توسل واني وياج ولايهمج حبيبتي..
حسيت نفسي ارتاحيت لان كدرت احجي والله جنت مكبوته ومتحمله لخاطر اهلي واهله..