...
ليس كل حب في حياتنه يشعرنه بالسعادة بعض انواع الحب تجلب لنا التعاسه... ـ اسمي احمد عمري ٤٠سنه اني رجل اعمال ومن ضمن عملي عندي شركه مال سياحه اني خلصت سادس اعدادي ومدخلت كليه وذلك لان صادف انو والدي توفه وترك الي بنات اثنين وامي واخ صغير ضطريت اشتغل في سبيل اعيشهم احنا عائله جنه كلش بسيطين لهذا السبب لمن مات ابويه اوضاعنه جدا تعبت وشتغلت فترة طويله وتعبت هوايه وبعد سنين من التعب الله فتحها بوجي الحمدلله اني عايش بالعراق بااحد المناطق المؤمنه وذلك بسبب حالتي الماديه الي تخلي الانظار مسلطه عليه طبعا ازوجت بت عمي صارلي ١٥سنه عندي ثلاثة اطفال بنات اثنين و ولد زوجتي انسانه محترمه جدا وخلوقه يجمعنه احترام وتفاهم الحمدالله اما عن اهلي خواتي ازوجن وامي توفت قبل فترة واخويه ازوج ويشتغل ويايه وبعدها قرر يسافر وسافر عاش برة العراق علاقتي بااقربائي شبه مقطوعه انسان عملي احب شغلي يمكن لان هوايه تعبت يله وصلت لهل المرحله لهذا السبب اريد دائما احافظ على المكانه الي وصلت الها اما عن علاقتي بااصدقائي علاقتي بيهم على كد الشغل فقط لان دائما احسهم طمعانين بيه او يريدوني علمود مصلحتهم وايضا علاقتي بالنساء معدومه ابدا مااسوي علاقات حتى في بعض الاعمال ابتعد عن العمل مع النساء لان اعرف ماوراهن الا المشاكل ولان اني رجال مزوج ومااحب احد يكعد يحجي عليه طالع نازل فااحاول اجنب نفسي الكلام اما عن شكلي شكلي ـ شعري اسود ولاكن شويه اشيب يعني احسه منطيني وقار لون بشرتي بيضه طويل جسمي حلو وملامح وجي طبيعيه يعني شكلي حلو ولاكن ببساطه......
يتبع
YOU ARE READING
أحببت فندمت وكـان هناك ضحيــه
Romanceليس كل حب يكون صحيح وليس كل المشاعر تجعلنا سعداء
