أحببت فندمت وكـان هناك ضحيــه

الجزء الثالث

المهم اني ظليت كلسع اباوع عليها من بعيد وبعدين شفتها كامت دتطلع وجان تجي على علي كلتله هذا الكارت مالتي
اذا تريدني بشغله اني بالخدمه صديقي علي شال الكارت وشمرة بالنفاضه الي بالنص كال هاي البقت اعتاز ل ميلان المهم ورة شويه  علي كام للحمام واني سحبت الكارت من النفاضه وخليته بجيبي  وصحت على الكارسون اشرتله عود ينظف النفاضه طبعا اني مادري لويش
سويت هيج المهم رجع علي وتعشينه وسوالف جرت سوالف لحد ماكمنه واني رحت للفندق وعلي هم راح والله وصلت للفندق كلش تعبان ومابيه حيل خليت راسي ونمت
وكعدت ثاني يوم ساعه بالثمانيه واني اصلن اجيت بخصوص شغل فكمت بدلت وطلعت وخلصت شغلي
وتغديت برة ورجعت ارتاحيت وحجيت ويا البيت
وجنت ضايج كلت هم اكوم اطلع اغير جووو
وهم اشتري شغلات للجهال ومن دالبس وجان
يوكع الكارت مال المحاميه من جيب السترة
طلعته باوعت عليه قريت الاسم الشيطان وزني اخابر
يس تعوذت من الشيطان وعفت الكارت بالغرفه مال فندق
وطلعتً سوكت وفتريت وشتريت ملابس عجبتني ل مرتي نور
صراحه عجبني تلبس مثل هاي الي شفتها المحاميه ميلان
فجبتلها هيج نفنوف كصير كلش وحذاء كلش عالي
المهم كلت بعد خلص شغلي بااسطنبول شعندي باقي جنت مقرر ابقه عشر تيام واني صارلي خمس تيام خلصت شغلي قكلت خلي اروح احجز على باجر بلكي اكو حجز والله كمت ورحت حجزت وجان اكو حجز
ورجعت لملمت غراضي رتبت الجنطه ونمت من وكت
بتبع ....