أحببت فندمت وكـان هناك ضحيــه

الجزء السادس

كتلها اي تفضلي اكيد اذا اكدر اساعدج ماكو مشكله اساعدج كالت اني اعرف عندك علاقات ومعارف بس انت من النوع الي متحب تفتعل مشاكل ابد كتلها اي صحيح كالت وعرفت انت ساكن بمنطقه مؤمنه والي موجودين داير مدايرك يكدرون يساعدوك بااي مشكله اصادفك
كتله اي والمطلوب كلتلي اني اكو واحد كلش ديضوجني
ومداكدر اخلص منه لان هو فد واحد واصل كلش وعندة معارف كتلها ومين يعرفج جان تسكت وجها كام ينطي الوان كالت صراحه يعني جانت بينا علاقت حب بس هو طلع موخوش انسان واني هسه اريد اتخلص منه
اني سكتت ورجعت ليورة كلت بكلبي هاي اخاف تورطني
بمشكله كتلها لويش اني اجيتي عليه وليش الااني  اساعدج وانتي محاميه دكدرين تحلين اي قضيه كالت لا هذا مااكدر اسويله شي وثاني شي لان انت تعرفه لهذا الشخص كتلها اعرفه منو هذا  مدكوليلي كالتلي ابو زيدون كتلها منو كالت ابو زيدون كتلها من صدك تحجين هذا فد واحد ميستحي واخلاقه تعبانه كلش كالت اي اعرف كتلها شتعرفين هذا واحد وسكتت طبعا ابو زيدون واحد ابو نسوان وسوالفه كلها مكسرة
المهم شافتني ضجت كامت تحاول تلطف الجو يس بكل حركه شدني الها اكثرواتصور هيا دتستغل هذا الشيء
لان شافتني شلون اتعامل وياها وطبعا ظلت تضحك وتشاقه وتسولف وتعشينه محسيت بالوكت تونس وتضحك ومرحه ومغريه بحيث دوختني ولمن دنكوم كالت ها راح اساعدني مكدرت اكول لا كتلها اي كالت زين لعد اني باجر عازمتك على الغدة اني ضحكت من كالت عازمتك
كتلها امداني اذا اخلي مرة تعزمني ضحكت
شلون ضحكه حلوة توكع اكبر واحد
المهم وصلتها للبيت ومااعرف منو ابيتها بس شفت سيارة سودة  واكفه بالباب مااعرف عليها لولا
المهم رجعت للبيت دايخ ماحجيت ويااحد نوركلتلي تتعشه كتلها مااريد
ورحت دانام ظليت افكر ب.ميلان يمكن فوك الساعه
وبعدين نمت كعدت الصبح تريكت وطبعا مااحجي
وخليت وطلعت خابرتني ميلان ساعه ب١٢كالتلي وينك كتلها بالشركه كالت شوكت تجي مواني كلش جوعانه كتلها يله جاي كتلها يا مطعم جان دكول لابيتي
كالت تندله مو كتلها اي
كالت زين دانتظرك صراحه ترددت بين اروح وبين مااروح
المهم خليت ورحت ماكدرت دكيت الباب فتحتلي الباب وحدة
هيجي وحدة صغيرة ولمن دخلت هيا طلعت من البيت وسدت الباب واني دخلت شفت ميلان لابسه تنورة كصيرة كلش وبدي لونه احمر بحيث كل شويه ادنج يطلع ظهرها وهيج رداناته شفافه والمكياج والعطر  اما البيت من جوة اثاثه حلو ومرتب كلش مابي يعني البيت مجان بي شي مريب بس مااعرف جنت كلش ممرتاح لوجودي بي...يتبع