- الاحداث بسبب شغلي انو اني عندي شركه سياحه اضطر اسافر هوايه ومرة من المرات صدفت انو اني جنت مسافر بتركيا وهناك وشفت واحد من اصدقائي صارلي فترة مشايفه وظلينه سوالف وحجي وضحك المهم اصر يعزمني بالليل على مكان واني مكدرت ارفض وكلتله بالليل نتلاكه وراح واني رجعت للفندق وغسلت ونمت وبعدين لمن كعدت بدلت طبعا اني نوع لبسي رسمي يعني قوط واحب كلش اللون الاسود المهم خلصت لبسي واني كشاخ وخابرت الولد سلمت عليه وين انت وصفلي المكان ماجنت هلكد اندله طبعا بس زين وصلت اني كاعد بسطنبول المهم والله علما رحت شفته مثل المطعم بس مغلق وبي مغنيه تغني تركي واكثر الكاعدين شباب وجان اكو مجموعه مال بنات وكاعدين وياهم يمكن تلث رياجيل يطلعون من عمري المهم كعدنه اني وصديقي ورة شويه شفت وحدة اجتي علينه سلمت على صديقي كلتله هلو علي شلونك شنوهالصدفه الحلوة هيا بنيه حلوة ومكياج ولبسها كصير وشعرها كلش طويل المهم علي صديقي ظل يسولف وياها وجان يقدمني الها كللها هذا صديقي احمد وقدمها الي كلي اسمها ميلان استغربت اسمها غريب بس هيا مبينه موجبيرة باوعت عليها كلت هاي عمرها مو اكثر من ١٨سنه بس هيا بالمكياج مكبرة نفسها ومن هاي السنفورة المهم سلمت وراحت رجعت كعدت على الميز الي جانو كاعدين عليه رياجيل وياهم بنات هم صراحه اول مرة يعجبني شكل بنيه هيج بس هيا مبينه من هاي الي تعرف رياجيل يعني واحد ميرتاحلها عد سئلت صديقي علي كتله اكلك هاي منو كال ميلان قصدك كتله اي كال يمعود هاي فد وحدة السان وافه محد يكدرلها كتله شتشتغل كال هاي الدشوفها ترة خريجه كليه صراحه اني متوقعته خريجة كليه كتله ليش شكد عمرها كلي٢٥سنه مصدكت الي يشوفها يكول اصغر بهوايه كتله لصديقي لعد لويش هيج كال اي هاي قبل جم سنه مات ابوها وامها جانت مريضه بيها سرطان وهما فكر وماعدها تعالج امها وماادري مين راحت جابت فلوس وسفرت امها وكالولها لازم يسون ل امها عمليه واثناء العمليه امها ماتت وهيا بعد امها فلتت محد يعرف شتشتغل بس العالم هوايه يحجون عليها كتله لعد انت من تعرفها كال كاعدة بالشارع الي اني كاعد بي بس هيه ورة موت امها بفترة شالت وشفتها مرة مرتين بالمحكمه لان هيا محاميه بس ماادري شوداها لهذاك الدرب الله يهدي الجميع...
يتبع
YOU ARE READING
أحببت فندمت وكـان هناك ضحيــه
Romanceليس كل حب يكون صحيح وليس كل المشاعر تجعلنا سعداء
