أحببت فندمت وكـان هناك ضحيــه

الجزء السابع

المهم هيا محضرة الميز مال اكل مسويته عبالك شلون مال مطاعم والاكل مبيبن مال مطعم كعدنا تغدينه وظلينا سوالف وبهاي الاثناء نور ادك عليه علمود دكلي على الغدة جنت متاكد هيا كاعدة تنتظرني حتى نتغدة  بس كتبتلها رساله كتلها مشغول وظليت اسولف ويا ميلان جانت تتقصد تحرك اعصابي بحركاتها وبحجيها واني كامش نفسي وبعدين كتلها رح اروح اني تاخرت كالت اي اوكي الله وياك من.  داطلع جان تبوسني من خدي اني دخت ردت اخذها اجرها بس كمشت نفسي طلعت منها منتهي بس اريد اطلع قبل مااغلط ورة شويه كمت افكر انو هاي وضعها مو طبيعي صحيح محد اجاها ومحد وياها بالبيت بس لبسها حجيها تصرفاتها يدل على انو هيا وحدة عدها خبرة  المهم رجعت للبيت واني مسطور وبالي بغير مكان طبعا محجيت ويا نور والجهال خليت ونمت
والعصر طلعت وجان اسمع تلفوني يدك شفت ميلان تخابر
تلهفت بسرعه شلت التلفون وحجيت بلهفه كالتلي تجي تتعشه يمي كتلها اي اجي  وكتلها بس اني ا اجيب عشه كالت اوكي ورحت وهالمرة هم مجان عدها احد
وهم لمن دخلت جان لبسها كلش مغري  كلت هاي تريد تخبلني
لان من اشوفها عقلي يطير
وديت ويايه اكل  وكعدنه اكلنه وشويه شويه ميلان تتقربلي لحد ماتخبلت بعد ماكدرت وصار الي صار
انتهيت بيدها اني اول مرة احس هيج احساس
حسيت نفسي صغرت عشر سنين وهيا عرفت شلون ذوبني
واصرت عليه انو ابات يمها بس اني ماقبلت كتلها مااكدر
لازم ارجع للبيت لان هسه مرتي تنتظرني
وكمت بدلت وطلعت
طبعا رجعت للبيت متاخر ساعه بالوحدة ونص وهاي اول مرة ارجع هيج وكت للبيت وطبعا لمن رجعت شفت نور كاعدة
تنتظرني اول مادخلت كلتلي هلو ابو سرمد الله يساعدك
مبين شغلك اتاخر لتالي الليل كتلها اي عندي شغل
كالت ها اي مبين الله يكون بعونك ادخل نام ارتاح كتلها اي رح اصعد وشفتها هيا كاعدة بعدها كتله لعد انتي مصعدين
تنامين كالت لا منعسانه روح نام انت اني فدشويه
انام طبعا هيا جانت تريد تنفجر من الضوجه بس حاولت تتمالك اعصابها
بس اني ماحجيت مردت احجي وياها وتصير مشكله
خليت وصعدت نمت وكعدت الصبح شفت نور كاعدة مسويه ريوك بس تحجي ويايه من ورة خشمها
وكملت ريوك وطلعت وخابرتني ميلان كالت تعالي على الغدة انتضرك وكلتلي شسويتلي على شغلت ابو زيدون
كتلها هسه اني احلها معليج انتي كالت اي زين باي حبيبي نتلاكه وسدت التلفون اني جنت عايش بحلم احس نفسي
ورة شويه اذكرت سالف ابو زيدون كالت هسه هذا شحجي وياه
مرح يكلي مين تعرفها وشنو علاقتك بيها واني رجال الي سمعتي
المهم فكرت جم فكرة  وخابرت ابو زيدون سلمت عليه وحجيت وياة  وشلونك مشلونك واخبارك ومن هالحجي
كتله ابو زيدون قاصدك بخدمه كلي اي بعيوني ابو سرمد تدلل
اني حاضر كتله انت بمكتبك كلي اي كتله هسه شويه وامرلك كلي اي اهلاوسهلا
وسديت التلفون منه بس صراحه خجلت شرح اكله مااعرف اني علمود ساعه راحه رح اضيع نفسي بس شسوي موبيدي
يتبع ....