طبعا اني جان عندي شريك ويايه بالشركه وصارت مشاكل بسبب الشغل وتخاربنه وشريكي كلي ارفع عليك قضيه ومن هالحجي واني مااحب احد يغلبني كتله روح شسوي سوي واني اعلمك
المهم كلت للسكرتير كتله شوفلي فد محامي خلي نسئله
هذا يكول ارفع قضيه شنو شيكدر يسوي خلي نشوف
ورة يومين بالضبط اجه السكرتير وياة وحدة لابسه تنورة كصيرة وسترة وحذاء كلش عالي وفاتحه شعرها طويل ومكياج وريحت العطر مالها ملت المكتب
باوعت عليها كلت هاي شايفها بسرعه اذكرتها كلت هاي المحاميه الي شفتها بتركيا وسولفلي عليها علي صديقي
ماادري هيا عرفتني لا
المهم جتي كعدت وكتلها ششربين كالت لااشكرك لان عندي شغل كالت شنو المشكله سولفتلها
شنوالخلاف الي بيني وبين شريكي وهيا شرحتلي خطوات نسويها وامور قانونيه حتى شغلي ليتاثر
واطلع من الشراكه هاي بااقل الخسائر
كعدة كلش اعتياديه محجت شي ولااني ولا كتلها اعرفج
او شايفج وكامت وطلعت كالت بعد باجر اشوفك ونتفق
علمود هسه اني ارتبلك الامور
ومن طلعت اني جنت دايخ من اول مشفتها بتركيا ظلت ابالي
بس مصورت رح اشوفها مرة ثانيه وبهيج صدفه
لو مرتبلها مجان صارت هيج
المهم بعد يومين خابرتني صوتها بالتلفون يدوخ
خابرتني وتلاكينه وشرحتلي بعض الامور
وفعلا مر كم يوم وخلصت المشكله ويا شريكي وطبعا
هيا محاميه شاطرة بس لويش لعد نحرفت لغير طريق
بس طول هاي الفترة حسيت ميلان تحاول تشاقه ويايه وتضحكلي يعني تريد تتقرب مني بس بلا متبين وصراحه اني ردتها من الله
بس اني خلص بعد شغلي ويا ميلان وبعد مشفتها
بس ورة اسبوعين خابرتني ميلان كلتلي هلو استاذ احمد اني كيفت سلمت عليها كلتلي اني محتاجتك بشغله كتلها اي بعيني شرايدة اني بالخدمه كالت لا من اشوفك ممكن
كتلها اي كالت باليل نتلاكه كتلها وين كالت بفلان مطعم
كتلها اوكي لعد بعد على موعدنا سديت التلفون واني دخت
اريد اعرف شتريد مني المهم خلصت شغلي ورجعت للبيت طبعا ابد مااكل برة الاارجع واتغدة ويا نور والجهال
المهم كعدنه تغدينا سوة بس اني جان بالي مشغول
حتى طول مكاعد على الاكل مافتحت حلكي وحجيت
حتى نور سئلتني كلتلي بيك شي احمد كتلها لاوالله شويه
تعبان وكمت غسلت ونمت وحسيت ساعه بالسته
كمت عالسريع غسلت وبدلت وتانقت وطلعت تقريبا ساعه بالثمانيه ونص وصلت للمطعم باوعت منا منا ماشفت ميلان
رحت وكعدت على ميز وظليت انتظر فوك النص ساعه وهيا ماكو وماردت ادك عليها
المهم كمت داطلع وجان اشوفها دخلت لابسه لبس يدوخ بحيث كراسي المطعم كلها فترت من دخلت صراحه اني استحيت من لبسها لان رح تجي تكعد ويايه
صحيح شكلها كلش يثير بس لبسها يخجل
المهم جتي كعدت وسلمت وحجي اعتيادي
وجان دكلي اريدك بشغله وياريت اساعدني...
يتبع
YOU ARE READING
أحببت فندمت وكـان هناك ضحيــه
Romantizmليس كل حب يكون صحيح وليس كل المشاعر تجعلنا سعداء
