أحببت فندمت وكـان هناك ضحيــه

الجزء التاسع

طبعا كامت متجي ابالي نور ابد وخلال هاي الفترة قربت ولادت نور وجانت كلش تعبانه ومريضه وجانت يوميه تتعارك ويايه وتبجي وتكعد وادك وتلطم واني ماادير بال اخلي واطلع واعوفها وقبل ولادت نور بااربع ايام كالتلي ميلان اني حامل انصدمت ومافرحت صراحه خفت ماادري شنو الاحساس الي تولد بداخلي بس كلت شلون
حاولت امثل كدامها اني فرحان  وبعد اربع ايام جابت نور وديتها للمستشفى وجان وضعها تعبان وجابت ولد بس الولد جان مختنك كالو خلو بالخدج لان جان ميكدر يتنفس ولان هيا اثناء الحمل صار عدها ضغط اثر بشكل كبير على الطفل وزن الطفل جان كلش قليل طبعا نور من جابت وسمعت بوضع الطفل جان تباوع عليه كلتلي احمد شوف اذا صار شي بالطفل عمري مااسامحك ورح اعتبر نفسي طالك منك سمعتني لان كل الي صار منك هسه ارتاح احمد ونام رغد
طلعت من يم نور الدنيا مسودة بعيني لان صدك اني السبب لان هوايه اذيتها برغم انو نور كلش تحبني ام جهالي وعاشت ويايه على الحلوة وعلى المرة بس شسوي كلبي اختار ميلان وحبها واحس اذا تبعد عني اموت برغم انو اشك بيها وبرغم ماضيها بس  مطالع بيدي شي
المهم تقريبا ظليت اسبوع  يم نور ويم الطفل بس الطفل وضعه موزين وكالو ماعندة قابليه كلش ضعيف والتنفس مالته موزين وظل عشر تيام ومات  انقهرت بس الموقف الي هزني موقف نور وكفت بنص المستشفى وجان  عالم واكفين
وهيا الدموع ماليا عينها
كالتلي حسبي الله ونعمه الوكيل بيك كون لوعت كلبي اصير بيك كون الله ياخذ حوبت هذا الطفل منك
كلتلي هسه برد كلبك نسوان الدنيا مرح يكدرون يعوضك مع الاسف  بعد هاالاسنين كلها اكتشف انت رجال ماعندك غيرة تخليت عن اطفالك وعني بااصعب وقت جنه محتاجيك بي علمود مرة خاف عبالك مااعرف عبالك  اني غبيه انت الغبي
وصيح بصوت عالي الله ينتقم منك كون دموعي تنزل جمر وتحرك كلبك  الله ليوفقك تعال انطيني تعبي تعال ردلي عمري الي راح وياك الله لايهنيك 
طبعا اني واكف مصدوم والناس ملتمين يباعون ويسمعون الحجي وكل الي حجته نور ماكدرت افتح حلكي بكلمه
شفت نظرات الناس ونظرات الاستحقار بعيون النسوان
ماااعرف شلون رجلي شالتني وطلعت وصلت برة المستشفى وصعدت سيارتي واني مااعرف وين اروح
حتى معجبني اشوف ميلان بهاي الحظه بالذات كرهتها
كلت لو مداخله حياتي جان مصار الي صار كله
ورحت لشركتي وسديت مكتبي وظليت وحتى نمت بي
ثاني يوم الصبح حاولت اتصل بنور مجاوبتني اتصلت على ابني الجبير عمرة١٤سنه مجاوبني
ودزلي رساله كلي اني مااكدر احجي  بعد وياك لان انت مثل ماكالت امي بعتنه
انصدمت صدمه ثانيه مااعرف شبيه احس نفسي داموت المهم كمت طلعت ورحت للبيت دخلت للبيت واسمع صوت بنات دخلت للاستقبال شفت  ميلان جايبه صديقاتها ولابسات كله صلوخ ونركيله ومشغلين اغاني واني ابني البارحه مات
لا ارادين كمت اعيط واصيح وطردت صديقاتها
وهيا كامت تعيط ودكلي متستحي شلون سوي هيج وكامت تغلط ضربتها وجريتها من شعرها دخلتها للغرفه وسديت الباب وطلعت كعدت على الدرج وحسيت حياتي كلها مرت كدام عيني