أحببت فندمت وكـان هناك ضحيــه

الجزء الثامن

-

ورة شويه رحت ل ابو زيدون سلمت عليه طبعا ابو زيدون
اكبر مني وحالته زينه هو يشتغل بالمقاولات
عد كعدت وسولف ويا الرجال بعدين كتله ابوزيدون
شنو مشكلتك ويا المحاميه ميلان استغرب كلي وانت شنو دخلك بهيج عالم كتله لا مو هيا سوتلي شغله بخصوص الشغل وخلصتلياها وعرفت انت صديقي وامون عليك وجتي كلتلي انو ياريت تحلي المشكله الي ويا ابو زيدون كلي
اكلك ترة هاي وحدة متستحي واني صراحه جنت اعرفها وقشمرتني وهسه اني نويتلها نيه سودة كتلها ليش شسوتلك كال اخذت مني فلوس كالتلي اسبوع وارجعلكياها
ورة يومين تلفوناتها نسدت والبيت انقفل وماكو هيا
وظليت اني حاير وسمعت من وحدة تعرفها مسافرة لتركيا وظلت بتركيا بالست اشهر وبعدين اجتي ومن هذاك اليوم اريد الكفها وهيا شوفني تنهزم ومن اروح ادك الباب اشوفني  بالكامرة ومتفتح واني مااكدر اشتكي عليها لان ماكو شي يثبت انو اني انطيتها فلوس بس والله العظيم تحلفتلها واذا اشوفها الا اضربها بنص الشارع
اني سكتت كلت السالفه تعبانه اني ورطت نفسي بهيج سالفه
بس شسوي بعد طمست
شيطلعني المهم  كتله انت شتريد حتى تخلص السالفه كال فلوسي كتله زين انت ددكول ماكوشي يثبت شلون لعد كلي اسئلها كتله اوكي اني احجي وياها واردلك خبر كمت  وكفت داطلع جان يكلي ابو سرمد انت خوش ادمي ابتعد عن هيج وحد ترة ادمر حياتك اخذ بنصيحتي كتله ان شاء الله ولمن صعدت بالسيارة صدك حسيت نفسي دخلت بسالفه رح توديني بهبيه بس بعد شيطلعني
خابرت ميلان كالت اني بالبيت  تعال رحت دخلت نفس كلما اشوفها لابسه كصيرة ومكياج وعطرها مبين لاتشتغل لاسوي شي لان لمن دخلت جانت اكو وحدة تشتغللها
المهم كتلها شنو سالفتج وياابو زيدون كامت تمتمم  بالحجي على جنت اعرفه كتلها اي وبعد كالت وماكوشي كتلها ومماخذة منه شي كالت لا
طبعا ضجت كلش كتلها ليش دجذبين موماخذة منه فلوس كالت لا كذاب وكامت تنكر كتلها بكيفج  هو بعد خلاج بعقله براحتج لتحجين
جان دكول صراحه حمودي اني اخذت منه فلوس كتلها ليش جنت محتاجه كتلها شكد اخذتي كالت ٦٠مليون
كتلها صدك تحجين وين وديتها كالت صديقتي جانت تطلبني  صفنت   وجان اسكت وكامت  وجتي يمي وظلت تتموع لحد مسلمتلها وقررت انو اني ادفع الفلوس وفعلا دفعت اني لفلوس لاابو زيدون ونسدت السالفه
واستمرت علاقتنا مدت اسبوع وبعدين قنعتني باساليبها
انو ازوجها ومحد يدري وفعلا ازوجتها لان هيا خلتني مثل المحبس بااصابعها تتحكم بيه مثل متريد
وطبعا مقبلت اني انو تبقه بيتها اجرتلها بيت وكعدنا بيت
طبعا هيا ماقبلت وكامت يوميه تقشمرني بحركاتها بسوالفها رادت اشتريلها بيت بس اني كتلها موهسه بعدين وكامت تاخذ مني فلوس وترجع ليورة صحيح اني منعتها من صديقاتها وغيرتلها رقم التلفون
بس اشك بيها بس اني احبها اموت عليها انتظر ثانيه بثانيه حتى اشوفها وقابل بيها برغم كل عيوبها
وخلال هاي الفترة علاقتي بنور صارت شبه معدومه طبعا كامت تحس نور وتحجي ويايه بس اني دائما جنت اتعصب واطلع من البيت وهم اريدها حجه حتى اروح يم ميلان وصارت هوايه مشاكل بيتي حتى جهالي كمت مااشوفهم كل يومين تلاثه وحتى شغلي تاثر كلش لان دوختني
دمرتني خلتني مثل الاعمى ماافكر الا بيها والقلق والتفكير موتني كمت اكول
خاف سوي شي خاف بعدها على سوالفها القديمه موتني الشك والتفكير حتى
كمت  اخاف اعوفها وحدها كل شويه واخابرها كل شويه واروح للبيت...يتبع