خفايا انثى

البارت الثالث

البارت الثالث
#خفايا_انثى
#بقلمي_شمس

كبرت ارجوان ودخلت الروضه .. بس كانوا اهل المنطقه او قسم منهم ينبذوها ..
لو الاولاد الي بالشارع يصيحولها اللقيطه اهلج شمروج بالشارع .. #شمس
وذولي مو اهلج .. تجيني تبجي .. واني اگولها لا ماما احنه اهلج ..
محمد ومصطفى هم كبروا .. وارجوان حنينه عليهم بس همه موحلوين مثلها .. #شمس
حتى من نطلع بمكان كولها تگول هذي بنتكم اشو احلى منكم رغم مااني بيضه .. بس الاولاد طلعوا ع ابوهم حنطاوي .. وارجوان احلى لان شگره ..
مشت الايام ودخلت المدرسه بس للاسف بقت تعاني بسبب الاهل الي يسولفون الابنائهم وابنائهم يضايقون ارجوان بكلامها ..
وقررنا ننتقل الغير مكان .. وفعلا لگينا بيت بالكراده وعساس ننتقل ..
اجت مراة وورجال وگالوا احنه اهل ارجوان وحجولنا كولشي من اول حبهم الى ان خلوا ارجوان يم الباب ..

واني بس صافنه .. وحسن يعيط عليهم .. گلهم هسا تذكرتوها بعد مااتزوجتوا وعشتوا حياتكم ..
لو تريد من البدايه فهمت اهلك وخطبتوا البنيه وحافظتوا ع بنتكم .. مو تولدوها بطريقه غير شرعيه وتالي تطالبون بيها هسا .. #شمس

بالنسبه الي انتو متستحقون تكونون اهلها .. احنه الي ربيناهه وتعبنا عليها ..
گالوا بس الله رزقكم غيرها .. طلعوا يعرفون كولشي عنا ..
حسن . الله رزقنا لان هي موجوده .. بس مو معناهه اترك بنتي الي ربيتها ..
اذا عندكم شي رحوا طالبوا بيها بالقانون ولو ادري بيكم متسووها لان تخافون من الفضيحه مثل ماخفتوا قبل ..
او تنتضروها لمن تكبر وهي تاخذ قرارها ..
لان هسا متفهم شي ولاتعرف انتوا منو وماتتقبل تواجدكم بحياتها .. #شمس

همه گاموا وامها تبجي وگالوا الظاهر حتنتقلون شلون حنوصلكم
حسن مثل ماوصلتوا النا هسا والافضل انه تنسونه لان بنتي ماانطيها وهذا اخر كلام عندي
منى .. طلعوا يله ارتاحيت .. اني مستحيل انطي بنتي هي لو هي ام صدوگ مكانت غلطت هيج غلطه وولدتها وتركتها ..
وخلت الناس تأشر عليها .. ولو هي احسن هوايه ناس اكو ناس تشمر ولدها بالزبل .. #شمس

انتقلنا للكراده واولادنا كبروا وبدت ارجوان تفهم الي ديصير .. لان صحيح انتقلنا من المنطقه بس اقاربنا شلون الكل يعرفها ومحد متقبلها ..
وحتى بنات عمها ميتقبلوها ..

ارجوان .. هسا اني كبرت صرت بالسادس ابتدائي وصار الوكت احجي معاناتي ..
طفولتي كانت حلوه بين اهلي .. بس الناس كانت تجرحني .. ومااعرف ليش او شنو كلامهم الى ان گمت اكبر شويه شويه ..
وشفت الكل مايتقبلني حتى اخواني .. يگولون انتي بنت الشارع .. #شمس
واني اضوج وابجي .. وبيوم رحنا البيت عمو
وشفت انس حلو صاير بالاعداديه احنه كنا نلعب سويه ودايما كان يدافع الي اذا احد ضوجني شافني ابتسم واجه سلم گال كبرانه وصايره احلى ..
خجلت رفع راسي بأديه .. وگلي انتي الي .. بوكتها اني مفتهمت شنو يقصد ولان كانت اكو برائه قبل بس ابتسمت .. وبعدين امه بقت تعيط تعال هنا انس عندي شغله وياك .. ابد محبتني مرت عمو حتى متخليني العب وي بناتها رحت دا العب وي بنات عمو .. گلولي انتي مو بنتهم انتي وحده اهلج شمروج بالشارع . وماما تگول اهلج مو زينين سوج بالحرام وتركوج ..

رحت ابجي الماما وگولتلها .. واتوسلت بيها تحجي الصدوگ وسولفتلي كولشي حتى من اجو اهلي ياخذوني وبابا حسن مقابل حظنتها وابجي ..
اي ماما همزين مانطيتوني الهم .. ذولي مو اهلي انتو اهلي .. #شمس
همه مو زينين الناس تحجي عليهم .
منى .. ماما اريدج تصيرين قويه ولتضعفين الناس مترحمج اذا شافتج ضعيفه .. انتي بنتنا وميهمج الكلام .. ويله گومي نروح البيتنا ..
بعد لتجين هنايه ديأذوج بالكلام ..
ارجوان .. مو بس همه حتى اخواني يگلولي ..
منى . اخوانج بعدهم صغار يكبرون ويعرفون هذا كوله تدريس عمامهم اعرفهم ..
ديله اطلعي گدامي واني دا اصيح ابوج واخوانج ..

رجعنا للبيت وماما سولفت البابا .. وگام يحجي ع اخواني گلهم اني اريدكم سند الاختكم .  مو هيج تحجون عليها .. #شمس
محمد .. هي مو اختنا جبتوها من الشارع
بابا .. عيط عليه .اني مقبلت گوتله لا خطيه بابا اجيت اريد احظنه . دفعني ودخل للغرفه ومصطفى بعده .
مصطفى شويه احسن من محمد..  محمد ميحبني ابد ..

مرت الايام واني كنت متفوقه بدراستي ونجحت بتفوق بالسادس ابتدائي .. وانس نجح من السادس وطلع معدل عالي وسووله حفله ومطرب ..
وكولنا رحنا .. اني اخذت مصروفي واشتريت بي قلم جاف ذهبي من المكتبه وخليته بظرف .. وماكان ببالي شي بس لان انس زين وياي وماأذاني وكان يدافع عني دايما ..
صارت الحفله واحنا كنا صغار ونرگص وفرحاننين وهو اجه يرگص وياي وامه تخز بي ..
تالي راح اتذكرت الهديه . ركضت انطيهيا .. لگيته بغرفه عمو دا يرتب بشعره .. #شمس
نطيته الضرف بي القلم وگوتله هذي هديتك .. هو دنگ عليه وباسني بخدي وبشفتي اني جسمي گام يرجف واستحيت تركته وطلعت .. وهو يضحك ..

خلصت العطله وداومت متوسطه .. والبنات اشكال الوان وكلهن صغار ويحجن بالحب والغرام .. كانت هاي بسنه 2003 تالي صار الحرب والسقوط .. والوضع تخربط ..
انس قرر يطلع للخارج ويكمل هناك قدم ع الهند ..  وكان مقدم اوراقه بس صار السقوط فأضطر يأجل السنه للسنه الجايه ..
#بقلمي_شمس
#يتبع…