خفايا انثى

البارت الخامس

البارت الخامس
#خفايا_انثى
#بقلمي_شمس

گمت اعيط من شفت بيبي هيج
عبالي مغمى عليها او متخربطه ..
واجو عمو وكولهم يركضون ..

فحصها عمو شاف ماكو نبض .. حظنها ويبجي وطلعونا بره الغرفه… #شمس
كولها گامت تعيط .. عرفت بيبي هم راحت مثل مراحوا اهلي متحملت فراگ بابا اربعين يوم وراحت وراه .. هي الوحيده الي تأثرت وتمرضت عليهم ..

بيوم اربعين بابا وماما نصبوا فاتحة بيبي .. وبدت الناس تجي وتروح والبجي والعياط ..
حسيت نهايه العالم واتمنيت بيبي ماخذتني وياها ..
لأن بعدها اعرف شنو حيكون مصيري ..
وبدت المآسي من اول يوم فاتحه البيبي .. ضرب واهانه وشغل ..
ذبوا شغل الفاتحه عليه كوله .. المواعين والتنضيف واسوي جاي واوزع وكولشي عليه وبالليل ..
يجي دور الغساله كولها تشمر ملابسها عليه واني للفجر اگعد اغسل ملابس وتنضيف انام ساعتين ويگعدوني ..
لان تجي ناس ويبدي الشغل ..
خلصت الفاتحه .. واني ضهري مكسور .. طلعوا فرق السنين الي بيها مدللة كنت ..
حتى مالحگت احزن ع بيبي .. بس دموعي تنزل واشتغل.. #شمس
مااعرف ادعي ع الي ولدوني الهاي الدنيا .. لو ادعي ع فخخ السياره وضيع اهلي وماتوا وبقيت يتيمه بلاهم ..
حتى اخواني صغار ومايفتهمون ..
ولو من هسا غسل دماغهم عمو ..
شغلهم وياه بالمحل .. لان هو عنده محلات ملابس وكوزمتك ..
ومحمد مساند عمو بكلشي .. لان عمو ماعنده بس انس ..
وانس طالع وعنده ثلاث بنات غيره ..
ومقشمر محمد گله ازوج رشا بس تكبر ..
وغاسل عقل الولد بهذي السوالف ..
بمكان ميشجعه ع دراسته ..
رغم كولشي بقيت اهتم بأخواني ملابسهم وغرفتهم ..

مرت الاشهر .. واني صرت خدامه ع البيتوت دراستي تركتها مقبلوا اداوم ..
وقسموني اسابيع .. كل اسبوع عند بيت .. بين عمامي اثنين وعماتي اثنين ..
كل اسبوع عند بيت .. بيت عمو الكبير ابو انس عنده ثلاث بنات .. ابد ميستغلن كوله عليه ..
وامهم بس تطبخ .. حتى خبز علمتني واني ماما كانت تخاف عليه احمي الجاي ..
وهسا اني اخبز .. ماكو راحه بس بالليل اگعد ابجي وانام .. #شمس
بس احسن مما اروح العماتي .. استحي من ازواجهن همه مو كولش كبار يعني مواليد السبعينات بس نظراتهم الي تخوف ..
واني كبرت وملامح انوثتي ظاهره .. وحلوه وشگره .. حتى گمت البس حجاب ..
لان كبرت واستحي ..
عمتي بتول .. تروح للدوام من الصبح هي معلمه وعندها اثنين اولاد تاخذهم للروضه والحظانه ومناك تروح للدوام ..
يبقى زوجها ع كيفه يطلع للدوام اسمه نبيل .. ينزل بملابسه الداخليه يتريگ ..
اني احظرله الريوگ واروح انظف البيت .. حتى ماابقى يمه  ..
هو يتعمد يصيح .. ارجواااان تعالي هنا ..
ارجوان .. نعم عمو .. اني اگوله عمو حتى يحس .. لان نضراته تخوف ..
نبيل .. تعالي اكلي وياي مااعرف اكل وحدي ..
ارجوان .. شكرا عمو اني تريگت من الصبح ..
نبيل .. اي ميخالف اگعدي يمي مااعرف اكل وحدي ..
ارجوان .. بس عندي شغل ..
گام يعيط .. لج مو گتلج اگعدي لتعصبيني لاحگه ع الشغل .. #بقلمي_شمس
گعدت وجسمي يرجف خايفه ..
هو جرني وگعدني بالكرسي الي يمه ..
وحظني .. اني دفعته . 
عيب عمو ..
نبيل .. شنو عيب انتي هم مثل بنتي واحظنج .. وانتي عزيزه عليه .. اي شي ترديه گولي حلويات ملابس تشتهين شي .. گولي اجيبلج كولشي ..
بس انتي اتقربي مني وعامليني حلو ..

هزيت براسي بس اريد اخلص منه .. گوتله اكوم اغسل مواعين ..
تركته ووگفت ع السنگ اغسل مواعين وحسيت بنضراته تريد تاكلني .. #شمس
واني اصلا لابسه دشداشه ومو لازكه ع جسمي حتى مايبين لان استحي ..
واكفه ع السنگ واحسه گام .. بقيت مغمضه وادعي .. ربي ابعده عني .. ربي استر عليه ..
اجه صار ورايه لزگ جسمه بجسمي وسوه نفسه يغسل ..
حسيت روحي تطلع ..بقى يتقرب .. عطت مااتحملت واخذت السكينه ع السنگ مااعرف شلون اجتني الجرأة ..

وگوتله .. كافي اذا تقربتلي بعد .. تندم ترى . 
واگول العمتي عليك . 
ضحك بمكر 😂.. وگال وعمتج تصدگج انتي بنت الزنا . وتكذبني ..
ولواها الايدي .. واخذ السكين مني وگلي .. ديري بالج تفكرين تسويها مره لخ ..
اني الي اندمج .. فاهمه .. واذا اريد شي اخذه غصب عنج ومحد يحجي .. لان كولها تعرفج انتي شنو ..

وتركتي وراح يبدل .. گعدت ع حيلي وابجي .. ياربي منو الي .. اموتها النفسي مو احسن مما يتقربلي هذا الحقير .. لو ذاك الثاني الي بگد ابويه .. #شمس

تالي استغفرت ربي .. وگلت هو الي يرحم بحالي مثل مارحمني واني صغيره وربوني ناس مثل اهلي ..
اكيد هسا راح يحميني منهم ..

گمت احسب الساعات والايام حتى اخلص من بيت عمتي .. بس شنو الفايده واني اطلع من نار ادخل بجهنم ..

نضفت البيت وركبت الغدا .. وكملت گولت ارتاح شويه .. اجو من الدوامات ..
كولهم سويه .. دخلوا الاولاد .. دخلتهم غيرت ملابسهم وغسلتلهم ..
وحظرت الغدا .. دخل نبيل يباوعلي بنظرات سخيفه .. والاسوء ميستحي يفتر بالبيت بملابسه الداخليه وعمتي الثوله متعرف تگوله هذي بنيه منا وعيب ..
يقشمرها بالغزل وهي عبالهه يحبها .. الله اليعلم وي كم وحده خاينها ..
لان مبين عليه عينه وكحه وزايغه ..
سويتلهم الغدا .. واخذت ملابسي ودخلت اسبح تعبانه .. واني اسبح شفت خيال يم الباب من جوه ويدة الباب تتحرك ..
#بقلمي_شمس
#يتبع… .