خفايا انثى

البارت السادس

البارت السادس
#خفايا_انثى
#بقلمي_شمس

آشتهي آن آرحل عن گل شيء ، لآ آريد آن آبگي ، لآ آريد آن آشگي ، لآ آريد آن آضحگ .. 😔
_ آريد فقط آن آغيب .. 😞

بقيت بالحمام جامده بمكاني .. گلت منو بالباب ..
ليوثي ابن عمتي .. گال اني ارجوان اريد اغسل. 

اوووف ارتاحيت عبالي هذا النذل .. لان دايما يسويها يباوعلي من فتحته الباب .. #شمس
سبحت وطلعت لافه شعري بمنشفه ..
صار گبالي ويتباوعلي من فوگ لجوه .. ركضت للغرفه اني انام وي اولادهم ..
مشطت شعري بسرعه ونيمتهم .. ونمت شويه .. حلمت بماما .. #شمس
تباوعلي وشكلها حزين عليه .. ومتحجي بس وجهها عابس وكلما اتقربلها تبتعد عني ..

خفت طفرت من مكاني بسرعه شفت زوج عمي گاعد يمي ومنصي راسه عليه ..
دفعته وگمت اعيط .. هو يسد بحلگي ..
ويگولي اششششش .. بسرعه دخلت عمتي گالت شكو ولدي شبيهم ..
هو طفر من مكانه وگللها لا هاي ارجوان .. حلمانه وفزت تعيط ..
اتباوعتلي عمتي بغضب .. لج كافي مياعه مو عبالج محاسه عليج ..
وانت بعد لتدخل للغرفه لو تشوفها تموت ..
هو گللها حياتي .. هاي الثوله هبطتنا تعالي نكمل نومتنا وياباوعلي بمكر .. #شمس
گعدت ابجي والوم حظي حتى اذا اگول العمتي متصدگ بيه .. وعبالها اني اغريه ..
دايما اسكت عن حركاته .. وادعي ربي ينجيني منه .. ويبعده عني ..

بعد يومين العصر غسلت الطرمه واكو فراشات دا اغسل بيهن فلبست تراك حتى اخذ راحتي وزوج عمتي ماهو طلع هو وعمتي عندها حفلة زواج صديقتها .. #شمس

واني منصيه ودا اغسل انفتحت باب البيت .. اتباوعت زوج عمتي خفت وركظت للبيت .. وهو ورايه ..
دخلت للغرفه وسديت الباب بقى يدفع بيها .. واني ادفع واعيط بس هو اقوى مني ..
وفتحها وجرني من شعري وخلاني ع السرير .. واني اتوسل بي .. #شمس .. واترجاه
عفيه عمو حباب والله مااگول الاحد بس اتركني .. اعتبرني بنتك اعتبرني اختك ..
وهو مثل الوحش مايشوف ولايسمع .. تالي مااعرف منين اجتني القوه .. وضربته حيل ع المنطقه الحساسه .. هو من الوجع گام يعيط .. واني انهزمت من البيت ومااعرف وين اروح دخلت عند الجيران وابجي ..

جيرانهم حبابه كولش جابتلي مي وهدأتني .. ورادت تعرف شنو بيه اني محجيت شي ..
خفت واستحيت .. تالي راحت البيت عمتي وتأخرت يله اجت ووياهه عمتي ..
اشو عمتي جرتني من شعري وظربتني راشدي .. وگلتلي يله گدامي للبيت ..
دخلت واني ابجي ..
گالت .. يله لمي ملابسج وغراضج خابرت عمج يجي ياخذج البيت عمتج ام يوسف وبعد لتجيني مااريدج ..

ردت افهمها واحجي وياهه بس هي سكتتني مااعرف شنو گايللها ..
لان تگلي عرفتج مو راحه ولابستله تراك ولان مانطاج وجه اتحايلتي وسويتي نفسج مظلومه .. عليمن تطلعين ع امج الفاجره ..
ارجوان واني ابجي .. طبعا تصدگيه لان مقشمرج بسوالفه بس صدگيني ع سوايته هاي تلگيه كل يوم يخونج وي وحده .. #شمس
واذا اني بنت فاجره مو شرط اطلع مثلها .. لان اكو من ظهر الفاسق يطلع عالم .. والعكس صحيح امثالكم .. سلمتكم بيد الله هو الي ياخذلي حقي منكم ..

وهو يتباوعلي بحقد ومبين متأذي .. لان ميگدر يمشي واجه موتني من الظرب وهي تتمظحك الله ياخذكم .

اجه عمو وگلتله عمتي .. خزرني وگلي گدامي للسياره.   بقيت ابجي واحلف واگوله والله عمو ممسويه شي ..
هو راد يعتدي عليه ..

عمو .. اعرف بس سدي السالفه ولتخبرين اي احد ..
ارجوان .. صحيح عمو يعني مصدگني ..
عمو .. كافي لج مو گتلج سدي السالفه .
اليوم باتي عدنا وباجر روحي البيت عمتج ام يوسف .

رحنا البيت عمو ابو انس .. تلگاني مصطفى حظني وبوسني ..
ومحمد .. يتباوعلي بطرف عينه .. گلي مدام اجيتي اصعدي نظفي الغرفه مالتنا صايره هوسه ..
صعدت .. لميت ملابسهم الوسخه صار اسبوع ماكو عنهم ..
ونظفتها وشغلت الغساله غسلت ملابسهم وفرشاتهم هم وسخه ..
صارت العشره يله خلصت .. نزلت ميته جوع اريد اتعشى لان هم متعشين وحتى مذكروني ..
رحت للثلاجه تاركيلي كباب عروگ وحده وخياره وطماطه مخلصين الاكل ..
جبت گرصه خبز وفتحت الكبابه بيها وخليت خيار وطماطه هوايه بيها ولفيتها واكلتها ..
شربت مي .. اجت عمتي گالت البنات دايدرسون .. ومفارغين ..
اغسلي المواعين ونظفي المطبخ ..
اووووف تعودت ع التنظيف . غسلت المواعين ونظفت المطبخ .. تالي طلعت نشرت ملابس اخواني ودخلت قفلت الباب .. #شمس
وهمه كولهم بغرفهم ..
سمعت التلفون يرن كان بوكتها اكو ارضي .. قليلين عندهم موبايل . طابوكه او الدب .. هذني الموبايلات اول منزلن ..
ركضت رفعت التلفون لان الكل نايم وليگعدون .. گلت الو .. وعيوني نزلن دموع ليش ماادري بقيت صافنه دقايق ..
واني اسمع .. الو منو  .. ردي شبيج قلقتيني .

گتله… ومن غير اي مقدمات..

اين انت ..
اين وعدك لي يامن تركتني ..
قلت انتي لي ولكنك غبت واصبحت وحيده بعالمي ..
تركتني لأناس لاتعرف من الرحمة شي ..
انت كنت الزهره الوحيده لي من بين هذه الاشواك
فأين انت ..
ولما طال فراقك عني…

وماحسيت ع روحي الا ودموعي تنزل واختنگت .. وهو يگولي شبيج ارجوان .. اسف وربي قبل كم يوم سمعت بوفاة اهلج وبيبيتي .. البقيه بحياتج ..

#بقلمي_شمس
يتبع…