PART 15
sy dapat rasa yg sy kena karma ne pasal tipu c awi dulu yg sy pregnant. skali sekarang betul2 sy pregnant. banyak betul fikiran sy time tu smpai muka sy pun kusut betul sudah. sudah la mual2 lagi. betul2 bikin nda selesa oh tu mual 😖 tapi lama2 kan sy tetidur juga ne.
time sy tidur tu kan tiba2 kena ketuk2 ne pintu bilik sy. trus sy tinguk jam di hp sy jam 6pm lebih sudah. punya lama sy tetidur. trus malas2 sy bangun pigi buka. skali sy tinguk mamy sy ne.
"kau ni orang ketuk daaari tadi lagi. nah c prish call mamy ne. knapa ko off hp ko?" mamy sy bilang. sbenarnya bukan sy off bah tu tpi sy kasih pigi flight mode sebab malas sy angkat call c joshua kan. hmm.. "lowbate bah. termati kali tu" sy bilang trus ambil tu mamy sy.
*knapa prish?* (me)
*astaaaagaaaa brapa kali sy call ko oh tapi voicemail ja ne. ko pigi mana? bikin risau ja ko ne oh* (prish)
*sy kasih flight mode ba. malas sy angkat kalau c joshua call* (me)
*ko tau kah dia chat sy tadi petang ne. dia bilang dia risau ko punya hp nda buli dapat. tadi pagi masih buli lgi dia call tapi time petang nda dapat sudah dia bilang* (prish)
*jadi apa la ko cakap?* (me)
*sy bilang sy nda tau sebab sy di rumah bf sy sekarang. ko tau kah punya kesian dia sampai dia merayu2 ne suruh sy call mamy ko sebab mau tau ko ada apa2 ka teda. bagus ko becakap lah sama dia. kesian sy tinguk dia oh* (prish)
*sy belum ready oh berdepan sma dia prish.* (me)
*berdepan ja lah bah jangan lah dulu ko ksitau pasal ko preggy* (prish)
*jadi sy mau menipu dia lagi? kasih harapan sama dia lagi sampai dia terlampau syg sy trus tiba2 kdapatan sy pregnant? sy nda sanggup sudah. cukup2 lah. penat sudah sy* (me)
*haihh kalau begini sy pun nda tau lah. tapi kalau sy jadi ko bagus ko pigi jumpa dia lah skrg. kasih tau semua sama dia. biar lah dia marah yg penting dia tau.* (prish)
*tengok lah dlu* (me)
*yalah dari ko ja lah. ko sudah jumpa leo ka?*
*sudah tadi pagi. kami pigi scan. memang confirm sudah sy pregnant ne. 9 weeks sudah* (me)
*anduu. jadi macam mna la kmu ne sekarang? btul2 macam dalam wyg oh kamu ne kan* (prish)
*manaaa la sia tau. haihhh. bah k lah sy mau pigi mandi dulu ne.* (me)
*bah bah. kalau ada cerita terbaru, whtsapp sy ah* (prish)
*yalah* (me)
lepas kami calling tu trus sy pigi kasih buka balik tu flight mode di hp sy. banyak ne whatsapp masuk. trus ada voicemail dari c joshua sama leo lagi. c joshua punya lah yg paling banyak. tapi sy nda buka tu whatsapp. trus sy try lagi kunun mau sambung tidur sebab sy malas kalau sy bangun mesti sy pandai stress ne. tapi nda dapat ne bah sy tidur. last2 sy bangun lah mau pigi mandi. ngam2 ada dorang mamy sy di luar ne.
"pucat juga muka ko tu. ko sakit ka?" daddy sy bilang. "sy baru bangun tidur bah ne" sy bilang. "macam tu orang bunting ja" mamy sy bilang ne tiba2. trus macam tepanah tu hati sy. tapi sy nda juga takut bah kalau mamy sy tau. sebab sy sama leo dulu memang ada rancang mau kawin kan. sy nda jawab ne cakap mamy sy trus sy masuk tandas pigi mandi.
siap mandi trus sy limpang2 lagi di katil. tiba2 mamy sy teriak dari luar ne. "ko nda mau makan ka tu belle?" dia bilang. "nanti lah." sy bilang. time tu baru sy teringat ne yg sy makan last tadi pagi ja sama2 c leo. memang sy langsung teda mood makan oh time tu. sebab smua pun nda ngam tu makanan sy rasa. macam mo temuntah ja ne sy tinguk. 😖 kesian pula baby sy ne. sorry baby ah..
