صعدت لغرفتي غسلت وظليت واكف جوة المي واشوف الدم ينزل مني جان جسمي مليان دم واني ماحاس
التهيت بلي صار اليوم واجه وجهه هاي البنت كدامي
ودمي فار وتعصبت كلت معقوله اكو انسان بهاي الوحشيه
ويستعرض قوته على مرة بس هي صدك مسكينه مدمريها دمر كون عد تتعافه ونردها
لااهلها سالمه غانمه
وكملت وطلعت من الحمام وجنت كامش المنشفه
انشف شعري وسمعت صوت عالي
لبست دشداستي ونزلت بسرعه اباوع سعاد وابوها
واخوها واكفين بنص البيت واصواتهم عاليه
.....واني بدون سلام كتلهم....
.....ها شكو ليش الصوت عالي شبيكم
........الشيخ جاسم ابوسعاد.....
.....كلي انت شلون تضرب سعاد
باوعت على سعاد مابيها اي اثر ضرب
.....اول شي اني ماضربتها ثاني شي لتعلي صوتك
بيتي والبيوت الها احترامها وانت دست حرمت بيتنا
بس أنا علمودالزاد والملح الي بينا راح امشيها هاي المرة
.....لالتمشيها غياث نشوف شسوي
.....االلهم طولج يا روح شوف انا الشيخ غياث
واني غضبي صعب اخذ بنتك وروح منا
بنتك ماتصلحلي مرة
،،،،،واجه والدي كال شكو,,,
....ابنك غياث كاعد يجاوز علينا بيتك وفوك هذا ضارب سعاد وجتنه دمعتها بعينها
اني ضحكت
.....اي دمعه بعينها احسن ماااخلي طلقه بعينها
.....شفت ابنك شيخ عبدالله شلون يحجي
،،،،،،والدي كله،،،،،
....بنتك عايله ليش تزعل كل يوم مشكله وماتسمع كلام احد
وترادد بدال الكلمه الف شوف احنا مانظلم احد بس هاي المسأله متعلقه بشيخ غياث وهو يحلها
انا مااكدر افرض عليه شي
......اي زين شيخ عبدالله لازم كبرت وخرفيت وابنك كام يتحكم بيك
اني من سمعته هيج حجه وجان اكمز وعلى السريع
وجريت عكاله وشمرته بالكاع وجريته من دشداشته
.....وكتله....
.....اذا انت رجال عيدها لهاي الكلمه لااسويك عبرة للأوادم الشيخ عبدالله ماحد يجيب طاري والي يجيب
طاري اكصمه نصين
واخذ بتك وياك وبتك طالك بلتلاثه ودرب الي يصد مايرد
.....راح تندم غياث كلش
....انا مااندم اني اخلي الناس تندم وبالنسبه من تحجي انا الشيخ غياث اسمي يرجف زلم بعكولهم وشواربهم
ولا تتعدى حدودك لا تخليني ازين الك هل الشوارب
وطلعو عالسريع واعرف اني راح اصيرلي مشاكل بس
يستاهلون
.....ابني غياث موهوايه زيدتها عبالك
...والله قليل بحقهم كان المفروض ادفنهمً بالبستان
ونخلص منهم هذا الكلام جان بكلبي
والخاطرك اني جنت مااحجي. وهسه حجيت
خلي يروحون بزعوني وخلصو كلبي
الواحد يزوج حتى يرتاح لو ياخذ وحدة مثل سعاد
تسود عيشته
راحت الله لاردها
......هههههه والله ياابني انت محمل هوايه عليها
وجنت واكفلها على طكه
.....اي والله ياشيخ مخزن القهر كله
وانا تعبان ودانام وسمعت الصوت ونزلت اروح ارجع انام
وقبل مداصعد صاحت اختي
شيخ تعال هاي البنيه ماادري شبيها شو ماتتنفس
ورحت ركض شفت البنيه صدك ماتتنفس
خابرت الدكتور كتله دكتور شو البنيه ماتتنفس
كلي هسه اجاي.
وشويه واجه وشايل بيدة جهاز مال تنفس و دخلاها على حلكها
وشويه وبدت تتنفس
....دكتور شنو الموضوع عبالي ماتت
....لابس دتختنك اظاهر جانت بمكان بي ريحه مال
بانزين ومااثر على تنفسها
لان اشتميت ريحتها كانت بانزين من كنت افحصها
وهذا ديخليها تختنك لان الرئه مليانه بالريحه وهذا الجهاز راح اعلمك عليه شلون تستخدمه ودربالك وعينك عليها زين
....اي زين دكتور
علمني الدكتور على الجهاز وكال اذا صار شي هم خابرني واني اجيك بسرعه
وماكدرت اعوفها وظليت للصبح كاعد اراقبها
واراقب تنفسها خفت لاتاخذني النومه ويصير
شي لاسامح الله
ولوجه الصبح شفت والدتي اجتي كالتلي
...كوم يمه شوف شلون وجهك تعبان كوم نام
...لابعد ماتسوة داروح للمستشفى
وياالدكتور داسحب دم
،،،،،والدتي كالت،،،،
.....خطيه هاي البنيه مسكينه الله يعلم شنو سالفتها
والله يساعدها ويكون بعونها شلون كل هذا الضرب
وماماتت
....امر الله الله يرحم بحالها وبحالنه
اكوم ابدل ملابسي واطلع
....ماتتريك ابني
...لامااشتهي
وخلصت تبديل ملابسي واتصلت على الدكتور
ومريتله ورحت وياة للمستشفى وسحب مني دم
ورجع ويايه للبيت وبدة ايضا يتابع ويعالج
حالته البنيه وطبعا مكانت تكعدد
لان الدكتور حاول ينطيها ابر منوم حتى تنام
وحتى لتشعر بوجع
فكانت اغلب الاوقات نايمه يادوب تفتح عينها وسدها
المهم انو البنيه صارلها اليوم اربع تيام يمنا واليوم
يله كدرت تفتح عينها
واول مافتحت عينها ظلت تباوع علينه بخوف وبااستغراب
.....انتو منو واني وين
كتلها
يتبع ....
#الكاتبه #روجمان
