(عندما لانشعر بالراحه لشخص ما نبدأ نجد له اخطاء
ونبدأ نتمسك ببعض الدلائل حتى وان كان لا يعنينا)
.....أنا راح أكول الك كل شيء مع العلم أن هذا الشيء ما يهمك بس راح اشعر أن هذا الشيء البسيط. الي راح اكوله بسبب الي قدمته الي
اتكلم عن قصتي تبدي قصتي لما كان عمري 20 سنة تقدم لخطبتي ابن عمي كان طبيب مال اسنان لمن طبعا تقدم اهلي وافقو ابن عمي وحال ومستوى جيد
و خلال فترة تزوجت ابن عمي وهذا الزواج كان ثمرته طفله اسمها نينا والزواج مكان ناجح خلال سنه ونص وانفصلنا المشكلة أنو بنتي عدها تاخر عقلي مرض نادر نوع ما انو عقلها ينضج بشكل بطيء الجسم يكبر بس عقلها يبقى صغير ولكن شكلها طبيعي
هوايه افتريت بيها دكاترة وماكو فائدة
وبعد انفصالي عن زوجي بفترة تقدملي واحد ضابط اسمه محمد طبعا عن طريق احد أقاربى تقدم لخطبتي
والدي والدتي مكانو حابين فكرة خطوبتي بس اني
من اول ماشفت محمد نبهرت بيهو شخص حلو وسيم عندي شخصية مختلفة و مرتب وكان كلام
مثقف جذبني
وخلال فترة الخطوبة محمد كان إنسان مختلف كان حنون طيب رومانسي وأسلوبه راقي محترم وحتى بنتي نينا كان يحاول يتقربلها حاول يكسبها كان طيب جدا وياها وهذا الشيء الي انطاني الدافع أنو اكول أن هذا الإنسان راح يعوضني عن الحياة الي عشتها سابقا
طبعا خلال كل هاي الفترة والدي و بشكل خاص كان رافض فكرة الزواج بس لأني كنت متمسكة بمحمد ولان هو لكه الطريق لقلبي فتحكم بي ومخلاني اشوف عيوبه
و يمكن احنا كاشخاص لمن نمر بتجربه فاشله او مؤلمة نكون بحاجة انو يجي شخص يعيشنه باحلام ورديه ومحمد اني شفت بي هذا الشخص وكنت اتمنى ينسيني كل اللي عشته خلال هاي السنة ونصف ويازوجي السابق
تزوجت أنا ومحمد وكان محمد يحاول دائما أن يبعدني عن أهله بشكل او بآخر وحتى ما ساكنة ويا أهله برغم انو هما عدهم مشتمل بصف بيتهم وكالوله تعال اسكن بي بس هو رفض وأجرنا بيت ولكن قريب على بيت أهله ولكن مكان مكان مريحني لانه أخوة كان دائما يتردد علينا وكانت نظراته مو مريحة ودائما كنت اخاف منه حتى لمن يعرف انه محمد ما موجود بالدوام يجي فلهذا السبب طلبت من محمد انو احنا ننتقل من هذا البيت لأني ممرتاحه وبعد ماقنعت محمد نشيل من هذا البيت وافق وافق نروح نسكن بيتو البيت جان قريب على بيت أهلي ولكن بديت بعد فترة من الزواج بديت اكتشف هوايه امور عن محمد اكتشفت انه عنده علاقات ويا نساء ومووحدة وثنين وطبعا كل هاي الفترة بنتي مكانت موجودة والدي والدتي تكفلو بتربيتها لان كانو متعلمين عليها ومتعودين على وجودها وكمت احس محمد طماع بدة يطمع لأن أهلي حالتهم الماديه جيدة ولان احنا عائلة مكونة من أربع نفرات أنا وإلدي وأخويه والدتي و كان ولدي حالته زينة ولذالك محمد كام يطلب مني أنو أطلب من أهلي فلوس مع العلم انو والدي كان مخصص الي راتب شهري وفي بعض الأحيان كنت أني اصرف على البيت وبرغم هذا وكل تصرفات محمد ولكني كنت احبه وتعلقت بي كلش
ولكن في بعض الأحيان لما نحب شخص بشده و نكتشف أنو بي عيوب ماممكن نجاوزها واني كرهت محمد إني اكتشفت بي أشياء هوايه ولكن اللي اكتشفته دمر كل الروابط اللي كانت بيني وبين محمد
محمد خلال هاي فترة كام يتورج على أهلي كام يدخل يمهم و يحاول يتقربلهم مع العلم قبل كان حتى ما يفوت الهم كان عنده فد غاية بديت احس تغير بتصرفاته وياي دائما كنت أشعر اكو شيء بنظرات عينه أو جان عندة خطه جان اكو فد موضوع ديفتر براس محمد بس ما كنت أعتقد انو راح يوصل هالمرحلة اللي صار انه والدي كان يشتغل ويا عمي
عمي عايش بعمان فكان بينا وبين والدي شغل وعمي بين فترة وفترة يحول لوالدي مبلغ مالي ومرة من المرات إنو عمي حول فلوس وكان والدي لازم يستلم هذا المبلغ فطلبت من محمد انو يروح وياهم باعتبار ضابط ولكن هو ما قبل وبنفس اليوم الصبح كنت أنا بيت أهلي ومحمد ويايه فوالدي وأخويه جانو ديروحون يجيبون الفلوس ومحمد كان كاعد واول ماطلعو ابويه واخويه محمد طلع برة
خابر بالتلفون ورجع كلي هو راح يطلع وبعد ما يقارب الساعتين اتصلنا على والدي وأخويه ولكن تلفوناتهم مغلقه اتصلت على محمد تلفونه هم مغلق الخوف والقلق اكلنا خفنه انو صار شي وظلينا تقريبا ما يقارب تلث ساعات احنا ما نعرف شي وما ندري شنسوي عد كمنا ركبنا تكسي أني وامي ورحنه للمصرف وعرفنه انو والدي واخويه استلموا الفلوس ومكان أكو شي ولا واحد اتصل بينا البيت واحنا منعرف شنسوي مثل الي روحه دتطلع ودنحس انو مدنكدر ناخذ نفس وبعد ثمن ساعات اجانه محمد للبيت وكال اتصلو عليه وكالولي انو والدج واخوج قاتليهم وسارقين الفلوس وهم حاليا بالطب العدلي والدتي بنفس الوقت تخربطت وظللت بالمستشفى فترة طويلة وأنا نهاريت بس محمد كان بارد كان ممهتم وما أنسى هذا الموقف ونظراته الباردة الي مابيها احساس استمرت فترت الفاتحة وكل هاي الأمورواني جنت بغير دنيا مااعرف كنت احزن على اخويه على ابويه كانت فاجعة وبعد أربع اشهر على وفات والدي وأخويه محمد تغير بشكل تام وبطريقه مختلفه ومن اول المظاهر الي ظهرت عليه هو انو اشترى سيارة والسيارة كان سعرها غالي ولماحاولت استفسر منه كال انه هو طلب الفلوس من أحد أصدقائه وكال أنو راح يسدد الفلوس على دفعات مقتنعت بالكلام بس كنت بعدني منهارة ومتأثرة بالفاجعه الي صارت
بديت أشك بكل تصرفات محمد وكل تغير صار بحياته بدة يبتعد عني بديت احس بلوحده وهو موجود بديت انهار بديت اتألم ومرة مرتين ضربني وبدة يتكلم ويايه كلام مو حلو ولكن الأمر اللي كشف محمد على حقيقته انو مرة من المرات اجاني اتصال من رقم غريب أول شي ماقبلت أجاوب ولكن اجاني مسج مكتوب بي أعرف زوجج موجود
بس رجاءا ردي ضروري
الاتصال كان من بنيه اول ماكلت الو
كالتلي زوجج هو المسؤول عن مقتل أبوج واخوج هو اللي قتلهم هو علم أصدقائه حتى يقتلوهم ديري بالج منه ولاتحاولين تبينين انو انتي كشفتي نقذي حياتج أني حبيت اوصل الج هذه الرسالة ودليل السيارة اللي اشتراها زوجج والبيت الي اشتراها وانتي ما تدرين
وانتي اذا تحبين تاكدي بنفسج اني حبيت ابلغج وأريح ضميري
يتبع........
#الكاتبه #روجمان
