كمت تمشيت واني خايف ردت فعلها
شفت باب الغرفه مفتوحه وهي لابسه عبايه وخاله شال على راسها وكاعدة على الجربايه
..... ست رنيم
....تفضل
.....هاي وين تروحين
.....اروح لااهلي كافي اني اخذت واجبي وانتو ناس الله يشهد ماقصرتو واني خجلانه منكم وماااعرف شلون اردلكم الي سويتو ويايه لان بهذا الوكت الاخ مايوكف الاخو هالوكفه الي وكفتوها الي
....شوفي اول شي متروحين
ثاني شي اني اريد اكلج شي واعرفج انتي انسانه مؤمنه
تؤمنين بالقضاء والقدر
وهذا امر الله
كامت وكفت
....شكو كلي الله يخليك ترة كلبي مامتحمل
سكتت والحجي مايرضى يطلع من حلكي
....امج اسمها شنو
.....اسمها زينب
.....زينب عبد الكريم مو
...اي
......ماادري شكلج
...كول الله يخليك شكو امي بيها شي
.....البقيه بحياتج والدتج متوفيه قبل كم يوم
.....شنو
.....اسف على هالخبر ماادري شكلج
باوعت عليها وجهه اصفر وكام تتمايل ودتوكع وكمشتها وصحت امي وخواتي وجني ركض
خليناها على الجربايه وجبينه مي على وجهه
وفتحت عينها ودايخه وتباوع بوجوهنه وكامت تعيط وتبجي
خابرت الدكتور اجه فحصها كلي شنو الموضوع
سولفت للدكتور كلي شلون دكللها هيج هي وضعها موهلكد
.....دكتور دتريد تروح دور على امها
وضطريت احجي
....خلي ننطيها إبرة مهدئ
خلي تنام احسن
....ان شاءالله تخلص هاي السالفه على خير
بعد هذا الخير رنيم ظلت كاعدة وتبجي ومتقبل تحجي
ويااحد ومتقبل تاكل ورادت تروح ماخليناها
لان ماعدها احد
والدي كال هاي البنيه وضعها يكسر الخاطر خليها تبقى يمنه واحنا نحاول نساعدها شكد مانكدر
واليوم الظهر ودولها الاكل ماقبلت تاكل انقهرت عليها
اخذت الصينيه مال اكل ورحت ودكيت الباب ودخلت
شفتها كاعدة وصافنه ،،،كتلها...
.....رنيم
اول مسمعت صوتي اندارت بسرعه
.....نعم شيخ
....ليش متاكلين تريدين تموتين
....ياريت اموت واخلص
....اسم الله عليج عمرج طويل
...وانتبهت على نفسي وسكتت....
.....رنيم كومي اكلي لخاطرنا احنا قلقين عليج
....اني اريد بتي الله يخليك اني خايفه عليها
....وينها بنتج
....بالشمال يم وحدة كرايبنه وديتها قبل فترة خفت عليها
اريد اروحلها
......مدكدرين وانتي بهذا وضعج اني راح اجيبلج بتجً
ومن تتحسنين اخذيها وروحي
....انت ليش هالكد دساعدني
......اكلي هسه مو راح اجيبلج بتج
....بس
.....بس شنو
...مكلتلي ليش اساعدني انت موكلتلي خايف منج
.....خلي اكون صريح وياج اكو شي بداخلي مصدك
كل كلمه كلتية
واكو جزء بداخلي ممصدكج مااعرف شعور متناقض
وثاني شي احنا دنحسج دخيله يمنه يعني احنا
ندافع عنج الا اخر نفس بينا
وعندي فضول اعرف كل قصتج واتاكد من الي كلتي
لان اني كنت ممكن اتعرض للقتل بسببج وممكن
انسجن لو كنتي ميته لان كان اني اتهمت بيج
....اني اسفه واعرف انت ممصدك بيه بس والله العظيم هذا الي صار وداعت بتي
وروح امي واخويه وابويه هذا الي صار ويايه
وماكذبت بكلمه وحدة
....زين هسه اريدج تاكلين وتستردين صحتج
واني اجيبلح بنتج لحد عندج
....اني اشكرك مداعرف شلون اعبر عن امتناني
.....ماسويت غير الواجب
...صدك شيخ اريد اسئل سؤال ولو فضول من عندي
....اي تفضلي
....انت مزوج لان اني صار كم يوم عدكم وماعرفت اي شي عنكم
.....اي مزوج
....ها الله يسعدك
....بس طلكتها بالتلاثه وابتسمت
رفعت حاجبها وابتسمت ابتسامه خفيفه
.....الله يسعدك انت تستاهل كل خير ان شاءالله تلكي بت الحلال الي سعدك
.....بس ليش دسئلين
يتبع .....
#الكاتبه #روجمان
