صحت على اهلي وكتلهم دربالكم تفتحون الباب والطفله اعتنو بيها
لحد منشوف صرفه لهاي المشكله
اجه ابويه كلي تعال غياث داريدك
....جيت
طلعنه برة للبستان وكعدنا على الكراسي
.....غياث شو السالفه شو كلش كبرت وانا خايف لاتصيرنه طلابه و مشكله وبعدها يطلع علينا كلام
....اعرف بويه لاتشيل هم اني راح احلها
....شراح تسوي
....انا راح اروح اشوف هاي وين صفه بيها الدهر
وين راحت وراروح على اخو محمد زوجها المات احس هذا
يعرف كلشيً
ويعرف وينها
...واذا طلعت يمه
....والله ياشيخ بالعافيه عليه خلي تعيش
العيشته للناس هاي داحس تاليتها تموت موته شنيعه
....اني اكول عوف السالفه من الاصل يابني وخلي
يروحون وهذا هم درس
....لامااكدر لازم اعرف كل الحقيقه واعذب هاي بت خالتها
.....والله ياابني اذا تجي للحق بت خالتها مالها دخل
اظاهر هي مقشمرتها وهاي مبينه فقيرة
...لاشيخ لتخاف مو فقيرة هذيج هم كلنا فقيرة طلعت
كومه وراها مصايب
.....وتالي وياك ياغياث انا خايف عليك
....لابويه لتخاف عليه
.......شراح تسوي هسه
...راح اروح لبغداد وادور على اخو محمد واعرف منه كلشي ان شاءالله باجر اروح وبلكي هاي الروحه اعرف الي اريدة حتى على اساسها اعرف شلون اصرف
...وهاي البنيه الشابه والطفله
....البنيه راح اخذها ويايه والطفله راح تبقى هنا
...ليش تاخذ البنيه وياك
....احسن وحتى اذا فهمت الي اريدة ارجعها لبيتهم
واخلص من مصيبه وتبقى بس هاي الطفله
....ان شاءالله ابني بس اكلك اخذ وياك كم زلمه
.....اي ان شاءالله اني هم كلت هيج
وبالليل اذكرت انو تلفون هاي البنيه بلااستقبال من صار
الكلام بينه واخذته منها شمرته على القنفه
ورحت دخلت للاستقبال ووكعدت وشفته واخذته
وفتحته وظليت ادور بي وبديت افتش بلاارقاامً
شفت رقم مكتوب على رنيم دكيت مغلق
دخلت على الرسائل كانت رسائل كلها من صديقاتها
التلفون جان مابي شي ابد
ودخلت على الصور جان اكو صور ويا رنيم بعيد ميلاد
بس اظاهر موجديدة الصورة
وبين الصور طلعتلي صورة ود الصورة كانت قريبه على
وجهه صراحه ظليت صافن على الصورة لان جانت
كلش حلوة ومن كثر مامركز بالصورة منتبهت انو اختي جانت
دتصيحني وبعدين انتبهت وكانت ددكلي
على الطفله دتبجي تريد امها عد طفيت التلفون
وخليته يمي ورحت طلعت للهول جانت الطفله ميته من
البجي حاولنه نسكتها ماكو فائدة بعدين اذكرت
انو هي تعرف ود فخلي هي سكتها رحت عليها وفتحت الباب وكتلها هاج هاي الطفله دتبجي
سكتيها وصدك شويه حاولت وياها وبعدين سكتت
ونامت وخلتها يمها
.....كالتلي،،،،
.....ممكن احجي وياك
....لاموممكن وباجر حضري نفسج نروح لبغداد
....راح ترجعني لااهلي
.....لا
...لعد شنو
...هي بعدها واكفه تنتظرني اجاوبها واني وجريت الباب قفلتها
......وثاني يوم الصبح توجهت لبغداد
بس بعد تفكير مااخذت ود ويايه ا
والله ورحت لبغداد وهي روحه ويومين ويله وصلت لااخو
محمد اول مشافني خاف بس فهمته انو اني اجاي اعرف عنه شغلات على رنيم
.....كلي..
.....ليش اندكيت بهيج وحدة شلك بهيج شغله
.....اني اجيت اعرف كلشي عنها
...ليش
...وحجيتله كل الي صار
.....ظل صافن
.....كال هاي عكربه ومحد يعرفها بكدي
....اني هم ممرتاحلها كلش وهسه هي اختفت وعافت الطفله واني ماعرف شنو الموضوع
....باع عيني شيخ راح اكلك
هاي اني اعرفها كلش زين هاي مصيبه هاي اطلكت من زوجها لان وزواجها جان دكتور وخوش ولد
هو ابن عمها من زوجته الاولى يعني عمها مزوج اثنين وهذا من اول زوجه وزوجها الولد
وماظل وياها فترة وطلكت
وبعدها تعرفت على اخويه محمد وصارت بينهم علاقه وحبها وزوجو ماقبلت تكعد ويانا بالبيت وكامت تعلم محمد انو علااساس اني اتحرش بيها وبعدها كعدو
يم بيت اهلها وفترة بدت تصير مشاكل كلش جبيرة بينهم
وبهاي الفترة محمد راد يطلكهاوهي تحججت انو هسه خلي تمر فترة ونطلك لان والدي مريض خاف يروح بيها وبهاي الفترة محمد اعرف على وحدة وهي عرفت بي بس جانت دكله ليش تعرفت على وحدة او تحاسبه كانت باردة
ومحمد كام يحسها بي شي موطبيعي دورات جان
يسولفلي انو هو يحسها مريضه او مخبله وبعدها صار حادث ابوها واخوها كامت تحاول توجه الانظار لمحمد
ومن مات الاب والاخ والام كانت مريضه صارت الامور
كلها بيد رنيم والفلوس ايضا فااخذت فلوس وانطتها لمحمد وكلتله اشتري سيارة غير هاي سيارتك
ومن احد يسئلك كول اداينت من صديقي وفعلا هذا الي صار وبعدها بفترة محمد نقتل وعلااساس الي قتلو ولد عمها اوبلاحرى ابن عمها الاصغير ولكن ابن عمها كان بيت اخته بعذا الوقت بالذات واكو دلائل تثبت هذا الشي
ولمن عرفو بيت عمها بلي صار وانو هي تتهم ابن عمها
كامت تصير مشاكل كلش بينهم
....وانت مضربتها
....اي ضربتها مرة بوقتها عرفت شغلات عنها وجنت اعرف محمد شلون جان ممرتاح منها اخر فترة وشلون عرفت
بعلاقته وسكتت وشلون كامت تهددنها انو اذا تشتكون اني عندي دلائل عليكم
وجانت دكلي اكول انت شريكه بمقتل ابويه واخويه
الي سويته انو خلت كل الامور تثبت على محمد ورادت
تنتقم منه لان تعرف على وحدة او لان راد يطلكها
وخلت احد يقتله بس هي ذكيه خلت الكل مثل لعبه بيدها
وكامت تحركهم
.
....منو الي خطفها
...اكيد نفسه الي قتل محمد يجوز تخاربت وياة
او متفقو او همين رادت تخلص منه اوتهمه بشي
فخطفها وراد يقتلها
.....الله واكبر شنو هالمرة غضب هاي شلون تفكير
عدها مصيبه معقوله اكو مرة هيج تفكر
.....اي اكو رنيم
.....زين سؤال ود بت خالتها شنو فلمها
.....هاي وحدة فقيرة محمد جان يكلي عليها حتى
علااساس انو اني بفترة من الفترات ردت اتقدملها بس
ماااعرف من بدينا نكشف رنيم وسوالفها لغيت الفكرة
.....يعني هي مالها دخل بلعبات رنيم..
.....لاماااعتقد بس رنيم تحاول دائما تااثر عليها
كان محمد دائما يسولفلي واني وياها جنه اصدقاء واخوة الله يرحمه
....زين ليش سكتت عن حقكم
.....اول شي جان تشتكي علينه انو احنا متهجمين عليها
اكثر من مرة
وماكو شي يثبت انو هي الها يد بمقتل محمد
لان هي تلعب بذكاء
.....زين هي هسه ماكو مختفيه وبتها يمي
....مااعرف شكلك بس اذا مارجعت اخذ الطفله وديها
لاابوها هو يربيها
....عالعموم اشكرك جدا بس اني من دخلت هاي لحياتنه
كلبتها
...اي اكيد هاي مرض موانسانه شكد تبين فقيرة ومسكينه بس هي ذب سم
اشكرت من الولد وطلعت بس اكتشفت انو شكد اكو بالحياة ناس مزيفين وجوهم ادل على البراءة بس بداخلهم
شر مجنت اتصور انو اكو امراة بهذا الذكاء
وعدها القدرة انو تسوي هيج لمن ربطت كلام الولد وكلامها
جان اكو بكلامها حلقات فارغه هسه عرفت ليش لان
جانت تكذب ولمن كالتلي ود على العبه الي لعبتها عليه
عرفت الي تريدة تريد تنهزم من الي ياذوها واكيد من راح يحبها شيخ ويزوجها مراح يكدر احد يتعرضلها فرصه كانت انو الشيخ نقذها من الموت وقصتها ادل على انو هي مسكينه
انما الي بقه محيرني ود ليش دخلتها بهاي العبه معقوله
رادت تورطها وبس
يتبع .....
#الكاتبه #روجمان
