.....شكالتلج
....هي رنيم خابرتني وكالتلي اريد خدمه. منج
وكالت هذا رقم خابري وكوليله انو احب اتعرف عليك
واني احبك وكالتلي اسمك
.....منين خابرتج
....من اختك هي ماخذة منها التلفون وهي حافظه رقمي
وكالتلي اسوي هيج اني ماقبلت والله بس هي كانت هوايه
ساعدني ومن احتاج شي تكون ويايه وخاله هم كانت مثل امي وهي كالتلي انو الشيخ غياث ديريد ياذيها
وقنعتني انو انت دتريد منها شي واني ماكدرت ارفض
وخابرتك
....زين انتي مكلتي الها انو امها ميته
...لا لان هي كالتلي على الي صار وياها
بشكل مختصر فاانقهرت اكللها لان كلت خاف يصير بيها
شي
....ومن خابرتني كالت مااريد امي تعرف اني مخابرتج
وجانت مستعجله وكالتلي لتخابرين عليه ابد من اكدر اخابرج وبعد ماخابرتني ولاخابرتها لحد مااجتي لبغداد واخذتني من بيت ابويه وجابتني وياها للبيت وثاني يوم اجينه هنا
....شنو غايتكم من هذا الشي
...صدكني اني مالي دخل اني كنت مترددة كلش
بس ماكدرت اكللها لا وهي كالتلي راح تسافر وتاخذني وياها واني اريد اخلص من زوجته ابويه لان
مدمرتني لهذا السبب قبلت اسوي الي تريدة
...اي حيل بيكم طلعتو شله مال .....
....اترجاك والله مالي دخل
ماجنت ادري شنو الموضوع
...شنو هي جانت تريدني احبج
....اي جانت تريد ادوخك مابيني وبينها
.....ليش
...ماادري
....شوفي احجي كل الي تعرفي لا والله العظيم هسه اطلع احفرلج كبر هنا بالبستان وابرد كلبي
شلون ماتستحن كاعدات تلعبن بيه بس صوجي لان
كنت عبالي اوادم وخوش ناس وسويت وياكم بااصلي
تالي طلعتن
...رجاءا لتكمل
وكامت تبجي
...اني مااعرف شنو بينك وبين رنيم ومافهمت السالفه الامن
اجيت هنا يمكم
....اي شفهمتي
....الي عرفته انو رنيم تريد تخليك تحبها وتزوجها
حتى تحميها او تحاول تخفي بيك شي او عن طريقك شي ورادت دوخك مابيني وبينها لان
حست بيك مامصدك بكلامها ومامرتاحلها
....احجيلي كل الي تعرفي عن رنيم وخلي بالج انتي راح تبقين هنا وراح اطلع السويتو بيه كله بيج
ولحد متجي رنيم وراح اعلمها
بس شوفي احجي كلشي لاادمرج
...اني مالي ذنب اني اريد اروح
...صدك والله وين فدوة تروحين ليش دخول الحمام مثل خروجه بعد اني اشوفكم شسوي تلعبون بيه مسويني لعبه
بيدكم انا الشيخ غياث يجن نسوان هيجي يسون بي
بسيطه هاي تالي الطيبه الزايدة
....اني معليه بشي اني بس خابرتك
مرتين والله مو برضاتي
...اي جبرتج خطيه مبينه فقيرة انتي كلش
سكتي وهذا الحجي مشي على غيري
...احجي شنو سالفته رنيم
...ماادري
...لتكذبين شتريد تسوي شنو تشتغل بعصابه تقتل تبوك
شنو موضوعها احجي بالله ماارحمكم
...مااعرف شي غير الي كلته
...جذابه
...والله مداجذب
...وينها
....كالت داروح اسوي جواز لبنتي ومااعرف غير هذا
الكلام
......كذابه انتو طابخيها سوة
....اني شنو دخلي
.....الج يد بالموصوع مالج يد انتي صرتي بيدي بعد
واني راح اعرف شغلي وياكم
وخلي اشوف ست رنيم شكد ناويه تنهزم وضم نفسها وبتها يمي وانتي يمي
....اني اريد اروح لااهلي
...موجنتي تريدين تنهزمين من مرت ابوج هسه تريدين ترجعين اني اعلمج والله لااحبسج واخلي الفيران يكمزون على راسج وبعدين من متجي رنيم تعرفين شسويلج
عندي سرداب جوة البيت بي انواع الحشرات والعكارب والحيايه وعندي ورة البيت قفص جبير مال جلاب من هاي مال حراسه اخليج يمهم وعيشي وتونسي عود وهذا نقطه بحر من الي راح اسوي لان اني جازفت بحياتي ودخلتها لبيتي وتالي مسويتني لعبه وتلعب ويايه وتلعب عليه وبعد الله واعلم من المضموم اكيد اعظم واني اريد اوصله حتى اعرف شلون احاسبكم واخلص الناس من هيج نماذج الاادفنكم انتو عايشين
طبعا جنت داريد اخوفها لان شكلها كلش خوافه وهي جانت تباوع عليه ودموعها مثل المي ينزلن وتصيح ودكول اني معليه
....شيخ غياث اسفه والله اني غلطت بس اني معليه بسوالف رنيم
...اي غلطتي واني اريد اعرف شنو سوالف رنيم
اول شي اريد اعرف منو الي خطف رنيم
وسوة هيج بيها صدك اخو زوجها
....لا
....لعد منو
....مااعرف بس اني متاكدة مو اخو
...ليش مو اخو
....لان هو خوش ولد وفقير وماعندة القدرة يسوي هيج
..منو قتل ابوها واخوها محمد زوجها
..... لا مومحمد
...لعد هي كالت محمد
...اي صحيح والكل كامو يكلون محمد بس اني متاكدة
مو محمد صحيح محمد ابو نسوان وعندة سوالف مكسرة بس ميقتل
لان هو واحد جبان وجنت متاكدة من انو رنبم تعرف بي انو محمد ماله دخل بس من كنت احجي وياها تتحجج
وتسد الموضوع
....بعد احجي
....بعد مااعرف شي صدكني هي صارت موتت
زوج خالتي وابن خالتي وبعدها محمد نقتل وصارت هوايه مشاكل بين ابن عم رنيم
ورنيم ومرة صارت مشكله ويااهل محمد
واني بهاي الفترة رحت لبيت والدي
واذا تريد تعرف شي اعرف من رنيم اني مالي دخل
بشي ولاااعرف بعد شي غير هذا الي كلته
يعني كلام ست رنيم كله كذب
زين شنو غايتها ويايه اكيد هيج وحدة بهالعقل وبهالااسلوب المقنع متسوي خطوة اذا محاسبتها
الف مرة ولوعايفها تموت احسن
،،،
عالعموم راح تبقين هنا ولحد ماتجي رنيم
وحسابج بعدين
وجريتها من يدها ودخلتها للغرفه الي كانت اتنام بيها رنيم
واخذت المفتاح وقفلت الباب من برة
وظليت واكف وصفنت على الي مريت بي
وصحت على اهلي كتلهم ممنوع تفتحولها الباب وخليت
وطلعت
يتبع ...
#الكاتبه #روجمان
