......لاهيج مجرد فضول
...ها فضول
......اي فضول
....زين لعد هسه اكلي وارتاحي ومااريدج تشيلين
هم شي
...ابتسمت وكالت ياالله
.....اشو كلتي ياالله شنو شبيج
....صار هوايه محد كايلي لشيلين هم وصار هوايه محاسه انو اكو احد انسند عليه وانو اكو شخص ممكن يدافع عني
...اذا وياج الحق فاانا راح اوكف وياج
وانا كتلح احنا نعتبرج دخيله يمنا ولاتخافين انا ورجالي
وعشيرتي لخاطر الخيرين ولد الاوادم كلشي نسوي
لعد بويه ليش يسمونه شيوخ حنا
....اي والله انتو اهل الزود والمرجله والي شفته منكم
حسسني انو الدنيا بعدها بخير
...طبعا يابنت الناس الدنيا ماتكاطعت وبعدها بخير
واحنا العراقين النشامه واهل الغيرة لاتخافين
حنا وياج
.،،،،ظلت تباوع عليه وعلى وجهه مرسومه ابتسامه
طبعا هي هسه بدت شويه ملامحها تبين لان بدت
الكدمات والزراك الي بوجهه يروح ويخف
وصراحه انا هاي نظرات البنيه ربكتني وخلت
كلبي يطكطك خلي اطلع من الغرفه افضل
.....اخذتي راحتج
وطلعت من الغرفه واني اخو المسطور
ورجعت افكربموضوعها وانا وعدتها اجيبلها بتها فلازم اوفي
بوعدي وان اشاءالله طلعتي باجر انا والرجال نجيب البنيه ونجي وبعدين اشوف صرفه
وسمعت بويه يصيحني كتله جايك بويه
اول ماوصلت شفت ابوي كاعد بسته من راسه وكعدت
بصفه
....كلي هاوليدي شراح اسوي
......والله يابه كتلها اجيبلج بتج وبعد وعدتها وان شاءالله
اجيبلها بتها باجر
....غياث ابني انا مامطمن هالكد مومن البنيه
انا احس اهل زوجها ماراح يعوفوها بحالها
وهاي ماعدها احد وانا حسيت هاي البنه كلش مظلومه
بدنياتها
....اي صحيح كلامك يابه بس حنا ماطالع بيدنا
شي راح نجيب البنيه الصغيرة وراح اتاكد من كلامها
وبعدين نشوف شيصر ويانه
.....ان شاءالله ميصير الا كل خير انت باجر طالع للشمال
...اي ان شاءالله بحيل الله
....شيخنا اني هسه راح اطلع عندي كم شغله
...روح الله وياك
،،،،،،
طلعت افتر شويه بالبستان بعدين ركبت سيارتي
ورحت على محلاتي وخلصت كم شغله
ورجعت للبيت واول ماوصلت للبيت وسديت السيارة
وجان يدك تلفوني ورقم غريب جاوبت وكلت الو
وسمعت صوت بنيه ياالله موصوت عبالك موسيقى
.....الو
...الو شيخ غياث
....اي نعم تفضلي
....ممكن اتعرف عليك
....لابلله
...اي والله شكو بيها
....اكلج انتي منين تعرفيني وشرايدة
.....صراحه
....اي كولي بصراحه
....اني احبك
وكالتها بكل مياعه ودلع ومبينه من بنات المدينه
بس الحق ينكال من كالت احبك كلت لنفسي يابوي
دخيل الله
.....وينك شو مجاوب
...شجاوبج مدكوليلي خاف عبالج اني من جماعته السبايكي
وتجين تلعبين عليه
..... لان اني شحببني بيك غير وقارك وشخصيتك
وعقلك الجبير شسوي باابو السبايكي واني
عندي ابو العكال فدوة لكلبه
....شوفي اكلج لو تكولين انتي منو ومنين تعرفيني لو اسد
التلفون ولو تتعلكين مااجاوبج بعد
...لااعرف كلبك جبير
....سمعي لدوخيني احجي منو انتي
.... اكلك بس موهسه من صير علاقتنه اقوى
...لاوالله
...اي والله ليش ماصدك
....شوفي بعد لاتخابريني
....ليش
....اني بياحال
وسديت التلفون
ودخلت جوة وحجيت ويا رنيم وكتبتلي عنوان
المكان الموجودة بي بتها
وثاني يوم توكلت ورحت للشمال وبقيت ليله وثاني يوم رحت على المكان الي كلتلي عليه رنيم
جان بيت طابق ارضي وصغير
دكيت الجرس وطلعلي رجال يعني عمرة وسطه
يطلع
....تفضل منو
مديت يدي وصافحته وكتله انا شيخ غياث واجايكم من طرف
ست رنيم اجاي اخذ بتها الها
...كلي وشلون اثق اني بكلامك
....اي حقك هسه اتصل عليها وهي تتكلم وياكم
ورفعت تلفوني ودكيت على رقم اختي الصغيرة وكتلها انطي
التلفون لرنيم واخذته رنيم واني انطيت التلفون للرجال
وظل يحجي وياها وبعدين كلي تفضل
دخلت جوة جان البيت حلو ومرتب بس ماكو اثر للبنيه
....لعد وين الطفله
...ماموجودة راحت للسوك ويازوجتي هسه يجون
...زين ننتظر
وبعدها بشويه اجتي مرة وخاله بنيه بعربانه مال اطفال
راح زوجها تكلم وياها واجتي نزلت البنيه من العربانه كعدتها على الكرسي واجتي ظلت تسئلني على رنين واهلها
وسولفتلها على كلشي صار وبعدها كامت حضرت البنيه وكلتلي شلون اتعامل وياها وشربتها دوة
كالت هذا منوم حتى لتبجي بالطريق
واخذت البنيه وصعدتها بالسيارة وانطلقنهً بطريقنه البنيه
كان شكلها حلو وطبيعي وجانت هادئه مامبين عليها شي
وكلت الله ليستر لاتسويلي هوسه بالطريق بس فعلا
تقريبا ساعه ونامت الطفله وظلت هوايه نايمه ومن كعدت
جانت جوعانه انطيتها اكل وديتها للحمام
وجنت بس اريد اوصل لان المرة كلتلي اذا تخاف او تستغرب من شخص ظل تعيط وتبجي ومتسكت
بعد ولكن الحمدلله مشت سلامات وصلنه للبيت
واول مانزلت البنيه جانت رنيم واكفه وركضت على الطفله وظلت تبجي وتبوس بيها وتحضن بيها وجتي عليه
كالتلي
.....فدوة لعمرك اني شسويلك قليل
...لاماسويت شي
بس يمكن الطفله تعبانه غسليلها وخليها ترتاح
واني هم جنت تعبان من الطريق وغسلت وتغديت
وصعدت لغرفتي وسمعت صوت الباب مال غرفتي تندك اصورت وحدة من خواتي فطلعت بالفانيله والبجامه
وواول مافتحت الباب شفت رنيم واكفه
....هاخوما بيج شي
....لامابيه بس ردت اشكرك واكلك شي واحد
....كولي
،....اني لازم بعد اروح بس اريد منك اخر خدمه
...شنو تريدين
....اريد اروح لبيتي واريد ادز احد ويايه
....تدللين
....شيخ غياث وتقريت رنيم مني وخلت يدها على يدي
واني جسمي نفض عبالك كهرباء ومشت بيه لابيه اجر يدي
ولابيه اكمشها
كالتلي
....انت هديه اجتني من السما مااعرف شلون اجازيك
كمت مااعرف احجي
...لالا هذا واجبي
....ممكن اكلك بس غياث بدون شيخ او اكلك غيوثي
....يابويه
وشفتها تضحك
....لامال غيوثي واكفه ممكن دكولين غياث
بس غيوثي زحمه
....لعد اكلك غيوثي من اني وياك وحدنا
...ها
...قصدي من ماكو احد
....اي زين
......ضحكت وكالت انت نسيتني هوايه شغلات
ومن احسك قريب احس نفسي ماعندي هموم
....انا يسعدني انج هيج تحسين علااقل نهون عليج شويه
وعالعموم باجر حضري نفسج نروح انا وياج لبغداد
لبيتكم وبنتك تبقى يم اهلي
....تسلملي شيخ غيوثي
روح ارتاح
يتبع .....
#الكاتبه #روجمان
