للاسف اكو هيج ناس
احنا شيوخ وحياتنه صعبه ودائما يمرون على راسنا اشكال الوان وياما مضايفنه نحلت بيها مشاكل وفضينه بيها بحور من دم وياما نقذنه بيها ركب
بس ماسامع بمكر هيج مرة عجبتني خلتني
احسن انو انا مامتعلم شي من ندنيتي وانا وصلت لهل العمروانا الي كضيت عمري بحل المشاكل
تالي تجي هيج وحدة تلعبني وتقشمرني
والله ياعيب علىً شواربي اذا يجن اثنين نسوان يلعبن عليه
اني اعلمها لهاي ود
وصلت لبيتي واول مادخلت وتلكاني ابويه
...هاابني شتبين وياك
....والله تعبان كلش وضايج اخذ نفسح وارتاح
واحجيلك بالتفاصيل
...يله انا انتظرك
وبعد ماارتاحيت شويه كعدت سولفت لاابويه كلشي
طبعا انا ماحجيت كدام والدتي وخواتي ماردت كلبهن
يلعب يعني يعرفن كم شغله
المهم سولفت لاابويه
.... يايابه شنو هاي الله واكبر عليها وك هاي مو مرة
هاي مصيبه الله واكبر على راسها
...اي يابه اعرف
....اكلك وليدي هاي شراح تسوي وياه هاي الطفله
والبنيه
....الطفله اوديها لاابوها والبنيه تبقه
....لويش تبقيها ابني خليها تروح لحال سبيلها
...لاشيخ اني لازم انتقم منهن هذني رادن يلعبن عليه
ولو موانا من البدايه كنت ممرتاح لهاي رنيم جان شربتها
وجان الله واعلم شويتلي
...بس انت تعرف هاي مالها ذنب
....بويه الله يخليك الي اسوي لتعارضني بي
واقبل بي انا موصغير
.....انا اثق بيك وبكل تصرفاتك يس بسالفته هاي البنيه
ماني عارف وين تريد توصل
....الله كريم شيخ
يله انا اروح شيخ لان تعرف شكد صارلي هامل شغلي
بس قبل مااروح اسوي شغله
...براحتك ابني
كمت من يم والدي ورحت فتحت باب الغرفه لان اني جنت موصيهم ماتنفتح على كد ينطوها اكل
المهم فتحت الباب وصحتها كتلها تعاي
وصحت امي اجتي كالت ها ابني شرايد
ود جانت واكفه
.....ام الشيخ انتي موردتي خدامه اني جبتلج خدامه
وباوعت على ود وضحكت
....لاابني ماردت خدامه عدنه ام حامد تشتغلنا وخواتك
موجودات
...لايمه تعرفين احنا نخاف عليج
ومانريد صحتج تتعب فااني اريدج منا وجاي ماتشيلين
كلاص المي
....يمه غياث شنو السالفه
.....ود راح تشغل هنا وراح تبقه يمنا
....شنو هالكلام عيب يمه هاي ضيفتنه وحتى لواكو
سوء فهم مايصير ابني هيج تحجي
انت شيخ ماتطلع منك العيبه
سمعتها تحجي وبصوت يرجف
.... اني اشتكي عليك والله
....اي من حقج ومن حقي اكشفكم وتعرفين احنا
هنا شيوخ يعني اني كلشي اكدر اسوي
....كتلك ميت مرة اني معليه والله
....يله طلعي من الغرفه ونظفي واذا وصلتي لباب البيت
اخلي الحرس يدفنوج بالمكان الي واكفه بي
بس يلكوج زين
ظلت تباوع عليه واهلي كلهن مستغربين من تصرفي
باوعت على اختي كتلها انطيها شي تلبسه تشتغل بي
وطلعت من البيت وخلصت شغلي ولمن رجعت شفت ود بالمطبخ تغسل اماعين
وكل هذا وهاي الطفله مجليه بهدومه كامت تستغرب من الكل
بس تريد ود رحت كعدت بالهول وصحت بصوت عالي
.....ود
اجتي بسرعه
....نعم
....سويلي عشه بسرعه
...شسويلك
.....مسمعين عشه وعالسريع وشدي شعرج بعد لتفتحي كدام احد عيب متستحين
.....ميخالف
....يله روحي بسرعه
شويه وجابت الاكل وجان الاكل شويه محروك
من خلت الاكل كدامي وراحت
....تعاي
....نعم
....هاي شنو الاكل محروك
....لا
....يعني داجذب اني
....لابس كاعد تتحجج
....شكلتي
...ماكلت شي
.....سويلي غيرة
باوعت عليه بكرهه واخذت الاكل من كدامي
وشويه وجابتلي اكل ومن جابته كتلها شيلي مااريد
رادت تبجي واني ضحكت وعفتها وصعدت فوك واستمرت هاي الوضعيه كم يوم وكلما اريد اودي هاي الطفله انقهر عليها لان اشوفه تعلقت كلش بـ ود وابقيها بس الي استغربت منه اكثر
هي ود كامت تشتغل وكسبت حب اهلي وحتى والدي
كام كل شويه يكلي دربالك تحجي وياها
وهاي ضيفتنه
وللحقيقه اني عيوني كامت تراقب ود برغم شكد احاول اضوجها
واحجي عليها بس هي كامت داهرني
شو كلما احجي وياها تضحك
كلت بكلبي هاي سوالف امي
كلت خلي اصيحها اضوجها شويه
....ود. ود ست ود
.... ها جيت
....ها شنو كولي نعم
....يله نعم
اريدج تنظيف المضيف
...ميخالف
....شنو فلمج شبيج
....اني
....اي انتي شو داشوفج كاعدة ومكيفه على الوضع
لازم متريدين تروحين لااهلج
....انت مومتقبل فااني كعدت وسكتت
....ها يعني متروحين
.... ليش راح تخليني اروح
...لا
....بعد شكو
......وانتي ليش مكيفه
.....لا عادي لامكيفه ولاضايجه
....روحي كملي شغلج
وكامت
تضحك عبالك دتريد تحرك دمي كلت استغفرالله ربي
ضجت كمت رحت على امي كتلها
......يمه انتي حاجيه وياهاي ومعلمتها هيج سوي هاي ود
.....شنو ابني شبيها ود شسوتلك شو فقيرة وكاعدة تشتغل
..... اي فقيرة اكلج كاعدة وتضحك عبالك دضوجني
....هههههه يايمه شسويلك تبجي البنيه ساكته
فوك ماخالها هنا ودكللها انتي خدامه
....اي تستاهل
.....يمه شيخ شو احس كلبك مايل ل ود
....اي هاي هي هدورة هاي عليه لاماكو هيج شي
بس اريدج تحذريها من هاي تصرفاتها ولتضحك من تشوفني وتستفزني بالله ترة احبسها
....ابني اذا هيج مضوجتك عوفها تروح لبيتهم
وخلص الموضوع
.....لا
....لعد اللي يريد الغوه يصبر على مره
بكيفك بعد
طلعت من المطبخ واني ادردم واصيح
وهي واكفه تباوع وفاتحه عيونها صحت بيها كتلها شبيج
واكفه فوتي لغرفتج ومااريد اشوفج
وهي بسرعه دخلت للغرفه وسدت الباب
صراحه بدت اعصابي كلش تتعب اراقبها
اخاف تطلع برة البستان اخاف احد من الحرس يشوفها
يمكن كمت احس هيج لان عايش بفراغ عاطفي او لان صارلي فترة وضعي مخربط بس بيها شي دائما يذكرني بـ صبا
البنيه الي جنت احبها وبوقتها والدي ماقبل ازوجها
وهي زوجت وصار عدها اطفال
يمكن شفت شي بــ ود مقارب لــ صبا
مااعرف شنو او يجوز اني داحس بهذا الشي
كمت هوايه اركز عليها
وقررت انو لازم تروح كافي اني فعل خير سويت
وبعدها التمت براسي مصايب
وحجيت ويااهلي وكتلهم انو راح اودي الطفله لاابوها هاي مسوؤليه و ود هم تروح لااهلها حتى اخلص من هاي السالفه بس موقف ود فاجئني
شفتها واكفه كتلها حضري روحج داوديج باجر لااهلج
.....سمعتها دكول لاامي
...خاله اني حبيتكم والله و كلبي مينطيني افاركم
.....باوعت على وجهه الصغير الحلو وعيونها الي
بيها شي مختلف شي ماشفته بعين زوجتي سعاد
ولاشفته بعين رنيم الي مليانه مكر
مااعرف شنو تعني نظراتها
.....كتلها ...
....شنو هذا فلم جديد
....لاموفلم جديد بس اني هنا حبيت خاله والبنات
وتعودت عليهم وتعودت على نينا
....يعني متريدين تروحين
...اكيد انت مقرر انو اني اروح
ومنكدر نظل عدكم اكيد
...استغربت من كلام هاي البنيه
بس سمعت
ابويه كللها اذا متريدين تروحين احنا بيتنا مفتوح
الج واني عتبرتج مثل بناتي صحيح انتي غلطتي
بس البشر مامعصوم من الغلط وكلنا نغلط
....اشكرك شيخ انتو ناس ماكو مثلكم
بس لازم تخلصون من مشاكلنا ونعرف احنا وجعنه راسكم هوايه
وترخصت منا وكالت ادخل لغرفتي
اهلي نقهرو والدي كاانما كان مراضي عن تصرفي
وكام دخل لغرفته وحسيته ضايج رحت ورا ودخلت للغرفه كتله
....شبيك شيخ ليش ضجت
....اي صحيح اني هاي البنيه حبيتها وارتاحتلها
وصارلها كم يوم ماشفنه غلطه من عدها
....يابه نسيت شلون اتفقو عليه
...لامانسيت بس اظاهر انت ماكمت تعرف تتحكم
بعواطفك
....شعليها عواطفي
...عبالك مامنتبهين عليك شلون تباوعلها ابني اني
هم اريدها تروح لان كعدتها ماتصير عدنا غلط وعيب
....شنو العيب احنا اعتبرناها خدامه ودتخدمنا
عيب واحد يجيبله خدامه
....كلش زين تعرف هي مو خدامه
وهي بقت لان انت جبرتها وهي حاولت تتأقلم ويا الوضع
.....شنو الي تريدة شيخ
....شوف الي تريدة انت ويريحك وسوي انا كبرت وماعاد بيه الحيل الا اناقش ولا واخذ وانطي وتعرف بيه مريض
بس انا كان بودي اشوف عندك طفل قبل مااموت
وانا اكول ود خوش بنيه وفقيرة وانت تكدر تغيرها وتعلمها
....لابويه عمرك طويل بس مال ازوجها لاهاي مستحيل
....ابني اسمع كلامي
....لاتواخذتي يس اني مااريد اعيد نفس السالفه مال
سعاد
....بكيفك الي تقررة سوي انا مااجبرك بعد
بست ابويه من راسه وطلعت من غرفته وجتني
اختي الصغيرة كالتلي لتودي ود احنا نحبها بقيها
يمنا كتلها ان شاءالله وهزيت راسي الها وبتسمت
كلت لنفسي هاي شنو ساحرتهم شو الكل يريدوها
وشفتها طلعت دخلت للمطبخ دسوي جاي
كتلها
......انتي خوش ماكله عقل اهلي
مندارت ظلت ساكته
.....موداحجي وياج
....اني باجر راح اروح منا شنو الي تربدة بعد
....والله عينج كويه فوك الي سويتي انتي وشريكتج
بت خالتج هم الج عين وتحجين
....اني كل الي سويته خابرتك واعتذرت الف مرة
وندمت شنو الي تريدة اكثر كلي
.....سكتت وشفت الدموع دتلمع بعيونها
.....تعرفين اني كلشي اكدر اسويلج بس احنامااناذي بشر
ولانعتدي على عرض مرة واذا حبينا فنزوج الي نحبها
هيج عدنا يعشك الشيخ ما يلعب بنات الناس
اعراض الناس ماتنشره وتنباع
سمعتي بس حنا مانتقشمر احنا ارجال وعيب من
تجي الحرمه تلعب بينه وانا بااستطاعتي اذيج
واخذج فصليه اكيد سامعه عنها واكدر اضربج
واعذبج وانتو تستاهلون على الي سويتو بس
انا مااضرب مرة مولان حنا هنا مانضرب النسوان بس انا
مااحب اسويها
....اني اسفه وراح اكولها للمرة الالف اني غلطت بس
سامحني والله موقصدي اذيك او بس
اتصورتك انت الي تريد تاذي رنيم
...اذيها هاي عكربه سمها كتال اذيها
.....شوفي راح تبقين هنا لفترة وذلك لان اهلي
رادو تبقين واني بعدة كلبي مابرد راح تبقين بس فترة وبعدها الله كريم
...اي اتفقنا لعد اني اظل هنا
يتبع ......
#الكاتبه #روجمان
