بركان أنشقاقي

* الفصل الثاني عشر *

نزل نضال و مادلين عشان يفطروا ، و كان ثروت في المكتب ....
قعد نضال ، و مادلين اتكلمت .....
مادلين:هروح المكتب انادي ثروت يا حبيبي .. ثواني مش هتأخر عليك
نضال:ماشي يا ماما
مشيت مادلين ، و راحت علي المكتب .. و قبل ما تفتح الباب ، سمعت حاجه صدمتها ، وقفت مكانها و ماتحركتش ، و سمعت كل اللي اتقال في المكالمه اللي مع ثروت .....
( روايات بسوم )
ثروت:انا جيبتها هنا و بقيت تحت عيني .. ايوه بقيت شغاله عندي لحد ما نشوف اخرتها .. تفضحنا ! ههههههههه ولا تقدر ، اومال انا حاطتها تحت عيني ليه .. اممممممم لالا ما تقلقش ، ما انت عارف اللي فيها يا دكتووور ، فاقده الذاكره ايوه .. هههههههه ماشي تمام ، لا يا باشا حط في بطنك بطيخه صيفي .. خلاص تمام ، انا ساعه و همشي يعني هكون عندك في اسكندريه بعد اربع ساعات كده .. تمام ، لا هو اسبوع في المستشفي و راجع تاني .. ماشي يا دكتور ، سلام
برا المكتب ، واقفه مادلين في صدمه .. و فجأه اتكلمت بخوف .....
مادلين:چمانه !!!
فاقت مادلين بعد ثواني من صدمتها ، و خبطت علي الباب و فتحته ، و دخلت المكتب و هي بتتكلم و بتحاول تبان طبيعيه .....
مادلين:حبيبي الفطار جاهز ، يالا عشان نفطر سوا
ثروت ببردو:ماشي يا حبيبتي ، روحي و انا جاي وراكي
مادلين:اوك ، بس ما تتأخرش
ثروت:لا علي طول اهو
مادلين:اوك
خرجت مادلين من المكتب و سابت الباب مفتوح و مشيت .. راحت قعدت جنب نضال علي السفره ، و بدأوا يفطروا و هما بيتكلموا .. و بعد دقايق جيه ثروت ، و قعد يفطر معاهم .....
( روايات بسوم )
___________________________________
في المستشفي ، في اسكندريه .....
قاعد الدكتور عدنان مدير المستشفي ، و معاه اتنين دكاتره ، و بيتكلموا .....
عدنان:ثروت قدامه اربع ساعات و يكون هنا
طلال:قالك حاجه يا دكتور علي الموضوع ده ؟
عدنان:اها طمني
فادي:يعني قال لحضرتك ايه يا دكتور ، طمنا
عدنان:هو انت اللي عملتها ولا ايه ?
فادي:لا و الله .. طلال هو اللي عملها ، هو اللي دكتور مخ و اعصاب مش انا
طلال:طب ما ثروت كمان دكتور مخ و اعصاب
فادي:بس انت اللي عملتها
طلال:عملتها ولا ما عملتهاش .. مش كلنا شُركه ولا ايه !
فادي:ما قولتش حاجه .. بس انا برد علي الدكتور ، و هو بردو عارف اني مش انا اللي عملتها
طلال:هتفرق يعني !
فادي:لا إله الا الله
طلال:ايه انت هتتوب عليا
عدنان بزعيق:خلاااااص في ايييه ، هتتخانقوا قدامي ولا ايه .. احنا بدأناها من اولها مع بعض ، و هننهيها مع بعض .. و لو علي مين عمل و مين ماعملش .. فكلنا عملنا .. و انت اولنا يا فادي
فادي بأندفاع:اناااا !!
عدنان:انت الدكتور النفسي الوحيد اللي فينا
فادي:بس انت اللي بتمول كل حاجه ، و انت الراس الكبيره
عدنان:بس كلنا مشتركين بردو ، فحاسبوا علي كلامكوا بقي .. عشان انتوا عارفين ، بكلمه مني هخرج منها و انتوا اللي هتشيلوا الليله
سكتوا فادي و طلال ، و ماحدش فيهم قدر يرد ، و عدنان كمل كلام ....
عدنان:سكتوا يعني !! ياريت تتعدلوا بقي .. عشان باللي بيحصل ده ، المركب هتغرق بيكوا انتوا
طلال بخوف:خلاص يا دكتور
عدنان:ايوه كده .. و انت يا دكتور فادي ؟
فادي:احنا معاك يا دكتور ، و ما نقدرش نتكلم
عدنان:حلو كده .. كل واحد بقي يشوف شغله ، لحد ما ثروت يوصل
فادي:اوك يا دكتور
طلال:بعد اذنك
عدنان:اتفضلوا
مشيوا فادي و طلال ، و كل واحد راح علي عيادته .. و عدنان و لع سيجارته ، و اتصل بالمحامي ....
( روايات بسوم )
___________________________________
عند مادلين .....
بعد ما خلصوا فطار .. قام ثروت وقف و اتكلم .....
ثروت:انا في المكتب .. قولي لچمانه تجيبلي قهوتي علي المكتب ، و بسرعه عشان مش عايز اتأخر
مادلين:ماشي يا حبيبي ، ثواني و هخليها تجيبهالك
ثروت:اوك ، بعد اذنكم
مادلين و نضال:اتفضل
( روايات بسوم )
مشي ثروت ، راح علي المكتب .. و بعد خمس دقايق باب المكتب خبط ، و رد ثروت من جوه ....
ثروت:ادخل
فتحت چمانه الباب و دخلت حطيت القهوه علي المكتب و اتكلمت ....
چمانه:القهوه يا دكتور .. تؤمرني باي حاجه تانيه ؟
ثروت:اها .. اقفلي بس الباب ده
چمانه:اقفل الباب ليه !?
ثروت:نفذي اللي بقوله من غير نقاش
وقفت چمانه لثواني خايفه ، و بعدين قفلت الباب بقلق ، و وقفت قدامه و اتكلمت ....
چمانه:نعم يا ثروت بيه ؟
ثروت بخبث:تعالي هاتيلي الشنطه اللي تحت المكتب دي
چمانه بخوف:شنطه ايه دي !!
ثروت:شنطه هاخد فيها اوراق مهمه للشغل .. و بعدين انا قولتلك تنفذي اللي بقوله من غير نقاش
چمانه:حاضر
مشيت چمانه ، و كل خطوه بتمشيها بتأخر التانيه من الخوف .. لحد ما وصلت عند المكتب ، و قبل ما تجيب الشنطه .. كان حاول ثروت يتطاول عليها .. اتنفضت چمانه ، و بكل الخوف و الرعب اللي جواها نزلت بالقلم علي وش ثروت.. و جريت علي الباب فتحته و خرجت ، دخلت علي اوضتها بسرعه و قفلت الباب و هي بتعيط .....
لاحظت مادلين كل اللي حصل ، من اول ما خرجت چمانه من المكتب لحد ما دخلت اوضتها .. اول ما قفلت چمانه باب الاوضه ، جريت مادلين علي المكتب ، و هي بتتكلم بعصبيه ....
مادلين:في اييه يا ثروت ؟ ايه اللي كان بيحصل في المكتب هنا !!
قام ثروت وقف و اتكلم بكل بجاحه ....
ثروت:ايه اللي حصل ؟
مادلين:مش عارف ؟ چمانه طالعه من المكتب بتعيط ليه !!
ثروت:و انا هعرف منين
مادلين بنفاذ صبر:كفااايه بقي .. كفايه كدب و قذاره و قله ادب .. هتفضل طول عمرك كده !! مش هتبطل قرف بقي
في اللحظه دي ، ضربها ثروت بالقلم بكل قوته .. و اتكلم ....
ثروت:انتي تخلي بالك علي كلامك و تحترمي نفسك ، مش معني اني ساكتلك يبقي اسمحلك تغلطي
بصتله مادلين بأنتقام ، و اديها علي وشها ، و خرجت بسرعه من المكتب و طلعت علي اوضتها ....
بعد ربع ساعه .. طلع ثروت علي الاوضه .. اول ما دخل بص علي مادلين بإستحقار ، و اخد شنطته و مشي علي طول .....
( روايات بسوم )
___________________________________
خلص اليوم ، و الساعه 5 الفجر .. عند نادين في البيت .....
قاعده نادين و بتتكلم في الموبايل .....
نادين:الو
تيسير:ايوه يا ست نادين ، ازيك
نادين:بخير كويسه .. المهم عملت ايه في اللي قولتلك عليه ؟
تيسير:حصل يا هانم ، و بالحرف الواحد زي ما حضرتك أمرتي بالظبط
نادين:انت متأكد ؟
تيسير:ايوه طبعا ، متأكد جداً
نادين:عارف لو لقيت اي ديول للموضوع ده ، او لو عرفت ان اي حد شم خبر بيه ، هعمل فيك ايه ؟
تيسير:عارف طبعا حضرتك ، عارف 
نادين:تمام .. احسن حاجه انك تكون عارف ، عشان توفر عليا كتير
تيسير:انا تحت أمر حضرتك يا هانم ، و مش عايزك تقلقي مني خالص
ضحكت نادين بسخريه ، و اتكلم .....
نادين:تؤتؤتؤ انا ما بقلقش ، انا بخلص علي طول .. يعني قبل ما افكر اقلق هخلص علي اللي ممكن اقلق منه
سكت تيسير شويه و اتكلم بقلق .....
تيسير:طبعا يا هانم ، انا عارف طبعاً .. و انا تحت أمرك في اي حاجه
نادين:تمام .. يالا روح شوف شغلك
تيسير:اوك يا هانم
نادين:بقولك
تيسير:اؤمري
نادين:هتجيبلي الحاجه امتي ؟
تيسير:بكره الظهر
نادين:تمام .. بس خلي بالك عليها
تيسير:اكيد يا ست نادين ، في عنيا
نادين:ماشي .. هستناك الصبح
تيسير:تمام
نادين:يالا سلام
تيسير:مع السلامه
قفلت نادين .. و قعدت تفكر شويه ، و بعد دقايق فاقت من شرودها .. و قامت مسكت الملف اللي معاها ، و فتحته تاني و قعدت تقرأ فيه ، لحد ما زهقت ، و نامت .....
( روايات بسوم )
___________________________________
تاني يوم الصبح .....
الساعه 8 في بيت عمار .. صحي بسام من النوم ، و قبل ما يقوم يلبس ، خرجت روميساء من اوضتها .. اول ما شافت بسام صاحي ، بصتله و اتكلمت بنوم .....
روميساء:صباح الخير يا بسام
بصلها بسام بإبتسامه ، و رد بفرحه .....
( روايات بسوم )
بسام:صباح الورد و الفل و الياسمين
اتكسفت روميساء جداً ، و ردت بخجل و هي بتحاول تغير الموضوع ....
روميساء:احم ، انت نازل الشغل امتي
بسام:شويه كده و هقوم البس و انزل
روميساء:اها .. طب انت بتنزل بهدوم الشغل مش كده ؟
بسام:اها اكيد
روميساء:طب هات هدومك بقي التانيه عشان اغسلهالك
بسام:لالا تغسلي ايه ، مالهوش لزوم
روميساء:هو ايه اللي مالهوش لزوم .. ليه يعني ؟!
بسام:مش عايز اتعبك
روميساء:ولا تعب ولا حاجه ، انا كده ولا كده هغسل دلوقتي .. عشان مش رايحه الكليه النهارده بقي
بسام:امممم هو انتي لما مش بتروحي الكليه بتغسلي
روميساء:هههههههههه للأسف
بسام:ماشي .. مش هزعلك ، بس ماتاخديش علي كده
روميساء:ما اخدش علي ايه ؟
بسام بحنيه:علي التعب .. مش عايزك تاخدي علي التعب ، انتي بس تأشري و كل حاجه تحصل و انتي قاعده مكانك
روميساء بكسوف:احم ، لا والله
بسام:و اقسم بالله
روميساء:ههههههههههه طب هات هدومك بقي
بسام بضحك:عنياااا
قام بسام و اخد هدومه .. و قبل ما يديهم لروميساء ، وقع البنطلون منه في الارض .. و فجأه !! ....
........................
#بسمه_ممدوح