بركان أنشقاقي

* الفصل الخامس عشر *

الساعه 4 العصر ....
في بيت مادلين .. چمانه بتنضف البيت ، و مادلين قاعده في الاستراحه بتشرب قهوتها .. و فجأه باب الفيله اتفتح ، و دخل ثروت علي جوا بسرعه و هو بيزعق .....
ثروت:ازاااي المكتب يتسرق ، ازاااي !! انا سايب حيوانات في البيت .. انتوا بهايم قاعدين مش حاسين بحاجه .. كنتوا فين لما ده حصصصل !!!???
وسط زعقيه و صوته العالي ، قامت مادلين وقفت قدامه و هو ماشي ، وقفته و اتكلمت .....
مادلين:انت بتتكلم كده ليه ؟! احنا هنقعد حرص علي مكتب سيادتك ولا ايه !!
ثروت:اومال انتوا قاعدين بتعملوا ايه في البيت !? يا چماااااااااااانه
مادلين بعصبيه:ما تناديش علي چمانه ، كلامك معايا انا
ثروت:عايز اسألها مين دخل البيت
مادلين:انا سألتها ، و مافيش حد دخل البيت خالص ، اللي سرق دخل و احنا نايمين كلنا
ثروت بعصبيه:ماشي يا مادلين ، انا داخل المكتب اشوف ايه اللي اتسرق
مادلين:روح يا ثروت
مشي ثروت بسرعه ، دخل علي المكتب و بدأ يدور في ادراج المكتب و الخزنه ، و دور في كل مكان في المكتب .. و بعد ما خلص قعد علي كرسي المكتب بإستسلام ....
دخلت مادلين وقفت قدامه و اتكلمت ....
مادلين:ايه اللي اتسرق يا ثروت ؟
ثروت بحزن:كل الملفات و المستندات اللي كانت في المكتب و كل الفلوس و الدهب
مادلين:مش مهم الفلوس و الدهب .. في حاجه مهمه في الملفات اللي اتسرقت ؟؟
ثروت:كله مهم ، بس مش اهم من ملف واحد ، الملف الوحيد اللي هيكسرني
مادلين بقلق:ملف ايه يا ثروت !!
ثروت بكسره:ملف نضال
مادلين بصدمه:ايييه !!!!!
( روايات بسوم )
___________________________________
بليل .. في بيت عمار .....
وصل بسام البيت .. و بعد ما دخل و غير هدومه ، حضرت روميساء الاكل و صحت عمار عشان يتعشوا ، و قعدوا كلهم يتعشوا مع بعض .. و بعد ما خلصوا عملت روميساء الشاي و شربوه مع بعض و هما بيتكلموا ، و بعد كده دخلت روميساء تنام ، و قعد بسام مع عمار يتكلموا .....
بسام:طمني بقي يا حج عمار .. ايه اللي حصل ، سألت في العنوان اللي اديتهولك ؟
عمار:ايوه طبعا يا ابني سألت
بسام:طب و ايه الاخبار ؟
عمار:الحق يتقال ، اتقال عنك احلي كلام ، انت و والدتك الناس قالوا عليكم كل خير ، و قالوا انك صحفي فعلاً و بتشتغل في القاهره
بسام بوجع:والدتي !
عمار:اها ، اللي عرفته انك وحيد و والدك متوفي ، و انت عايش مع والدتك بس
بص بسام في الارض بحزن ، و سكت .. و عمار كمل كلامه .....
( روايات بسوم )
عمار:انا مبسوط اوي اني سمعت الكلام الحلو ده عنك .. انا نظرتي دايماً في محلها ، و انا من يوم ما شوفتك و انا بقول الجواب باين من عنوانه
بسام:ربنا يخليك يا حج عمار
عمار:و يخليك يا بيبرس يا ابني
بسام:بيبرس ؟
عمار:ده اسمك الحقيقي ، و لازم اندهك بيه
ابتسم بسام و ماردش .. و عمار كمل ....
عمار:مالك يا ابني ؟ في ايه !!
بسام بحزن:صعبانه عليا امي .. اكيد قاعده لوحدها ، عاوز اعرف شكلها و اسمها ، عاوز اعرف عامله ايه
عمار:وحد الله يا ابني .. و سيبها علي الله ، و ان شاء الله هترجع لها تاني و هتفتكر ، و هتبقي جنبها علي طول بأذن الله
بسام:يارب يا حج
عمار:احلي كلمه قولتها
ابتسم بسام ، و حاول ما يبانش ضعيف ، و غير الموضوع .....
بسام:المهم بقي يا حج ، نتكلم في الموضوع اللي كنت عايزك فيه
عمار:ايوه ياريت
بسام:انا في الاول كنت متردد اكلمك في الموضوع ده ، لاني ولا عارف نفسي ولا هويتي ولا اي حاجه ولا فاكر حتي انا مين ولا عارف اسمي .. بس دلوقتي انا تقريباً عرفت كل حاجه عن نفسي حتي لو ما افتكرتش بس عرفت ، و انت يا حج عرفت قبلي يُعتبر
عمار:ايوه يا ابني ، و بعدين ؟
بسام:انا عارف ان الفتره اللي قعدتها عندكوا كانت صغيره اوي ، بس الموضوع ده خارج ارادتي و مالهوش علاقه بالوقت
عمار:اتكلم يا ابني علي طول
بسام:بص يا حج ، نتكلم دغري علي طول
عمار:ياااريت
بسام بخجل و خوف:انا عايز اتجوز روميساء بنتك
عمار:.....
( روايات بسوم )
___________________________________
في نفس الوقت .....
ايسل قاعده في الشقه اللي في القاهره .. و بتتكلم في الموبايل ......
ايسل:انت مش طبيعي
فارس:لا انا طبيعي ، و مكلمك اصالحك و اقولك انا اسف
ايسل:اسف ازاي !! انت عارف دي المره الكام تزعلني و تجرحني و تكسفي و تكسرني و ترجع تصالحني
سكتت شويه و هي بتعيط ، و كملت بدموع ....
ايسل:تصالحني ! تصدق انك عمرك ما صالحتني ، انت بتكلمني بس و انا اللي بصالح نفسي .. انت اول مره تقول اسف اصلا
فارس:هتغير .. انا عارف اني تعبتك ، و انك بقيتي كده و اتغيرتي معايا بسببي ، بس و الله هتغير
ايسل:مش مصدقاك يا فارس
فارس:اديني فرصه تانيه
ايسل:سيبني يومين يا فارس اهدا ، و بعدين نتكلم و نتفاهم
فارس:يومين كتير عليا
ايسل:عمرهم ما كانوا كتير عليك
فارس:بس المره دي لا ، انا تعبان من غيرك
ايسل:فارس ، انا عارفه انك مش في وعيك دلوقتي .. ده كلام و الله
فارس:لا و الله لا
ايسل:طب سيبني يومين اهدا ، عشان اقدر اسامحك و نرجع زي زمان
فارس بكسره:نفسي ، نفسي نرجع زي زمان
ايسل:هنرجع ، بس سيبني دلوقتي ارجوووك
فارس:ماشي ، هسيبك و هكلمك بكرا
ايسل:بعد بكرا يا فارس لو سمحت
فارس بحزن:حاضر يا ايسل ، اللي انتي عايزاه
ايسل:ماشي يا فارس .. يالا سلام
فارس:طب اي ...
قاطعته ايسل بقفل السكه .. و بعد ما قفلت ، حدفت الموبايل جنبها و انهارت من العياط ....
( روايات بسوم )
___________________________________
الفجر .. في بيت مادلين .....
چمانه نايمه في اوضتها .. و مادلين نايمه ، و نضال نايم في اوضته .. و ثروت قاعد في المكتب ، و بيتكلم في الموبايل عن سرقه المكتب .. و بعد ما خلص قفل الموبايل ، و قام من علي المكتب قلع الروب بتاعه ، و خرج من المكتب و قفل الباب بحرص .. و مشي بهدوء لحد ما وصل علي اوضه چمانه ، فتح الباب و دخل ، و بعد ما قفل الباب بدأ يقرب منها و هي نايمه .. و فجأه !!!
.........................
#بسمه_ممدوح