بركان أنشقاقي

* الفصل الواحد و العشرون *

بدأت چمانه تفوق ، و عينيها بتفتح و تقفل ، و بدأت تخرف تاني بصوت هادي بس مفهوم ....
چمانه:بيبرس ، بيبرس ، يااا بيبرررررس
مسكت نادين أديها .. في اللحظه دي فاقت چمانه و بصت لها .. اول ما بصت لها اتكلمت نادين بإستغراب ....
نادين:مين بيبرس يا چمانه ؟
چمانه بتعب:انا لوسيندا ، انا مش چمانه
نادين بتفكير:طب مين بيبرس ؟
چمانه:جوزي
نادين بصدمه:اييييه !! انتي متجوزه !?
چمانه:ايوووه
نادين:طب ممكن تفوقي شويه عشان تتكلمي معايا ، انا عايزاكي في حاجات مهمه اووووي
حاولت لوسيندا تفوق ، لأن الفضول كان أقوي من تعبها .. بدأت تسند نفسها عشان تقعد ، و نادين ساعدتها .. قعدت و بدأت تتكلم بتعب ....
لوسيندا:خير يا ست نادين .. ايه الموضوع اللي عايزاني فيه ؟
نادين:انتي بتشتغلي ايه ؟
سكتت لوسيندا و بدأت تسرح شويه ، و بدأت تفتكر كل حاجه نسياها .. و فجأه اتكلمت بإندفاع ....
( روايات بسوم )
لوسيندا:صحفيه .. بشتغل صحفيه
نادين:تمام .. تعرفي حاجه عن الملفات دي ؟
في اللحظه دي خرجت نادين ملفات من شنطتها ، و فتحتها قدام لوسيندا .. بدأت لوسيندا تقلب فيهم ، و كل ما تقلب صفحه تفتكر اكتر .. لحد ما افتكرت كل حاجه .. في اللحظه دي صرخت و قامت من علي السرير ، بس عطلتها فراشه المحلول اللي في اديها ، شدتها جامد و خلعتها ، و اتكلمت ....
لوسيندا:انا لازم امشي من هنا دلوقتي حالاً
استغربت نادين جداً من رد فعلها ، و اتكلمت ....
نادين:في ايه يا بنتي ؟ مالك !!
لوسيندا:انا لازم اخرج من هنا بسرعه
نادين:طب في ايه يا چمانه بس !! عاوزه افهم
لوسيندا:قولت مش زفت چمااانه ، اسمي لوسيندا
نادين:ماشي يا لوسيندا ، انا اسفه .. بس ممكن تهدي عشان انتي تعبانه و كده غلط عليكي
لوسيندا:انا مش تعبانه ولا حاجه ، انا كويسه .. بس لازم امشي حااااااالاااا من هنا بقولك
نادين:طب ممكن تهدي و تقعدي ، اروح بس انده الدكتور ، و هخليه يكتبلك علي خروج و تخرجي حالا
لوسيندا بتفكير:طيب ماشي ، بس بسررررعه
نادين:ماشي حاضر .. اوعي بس تتحركي من هنا عشان خاطري
لوسيندا:طيب ، مش هتحرك
خرجت نادين بسرعه ، و قعدت لوسيندا و دماغها هتتشل من التفكير .. و بعد دقايق كانت رجعت نادين و معاها الدكتور .. كشف الدكتور علي لوسيندا و اتكلم ....
( روايات بسوم )
الدكتور:هي لو عايزه تخرج انا ماعنديش مانع ، بس لازم تاخد بالها من صحتها ، و تنتظم علي العلاج
نادين:طب هي عندها ايه يا دكتور ؟
الدكتور:لا اطمني خالص ، هي ما عندهاش حاجه ، كلها شويه كدمات بس و حاجات بسيطه .. و بعدين الحادثه دي جت عليها بمصلحه ، يعني نعتبر الحادثه دي علاج
نادين:ليه يعني !!
الدكتور:عشان كانت فاقده الذاكره ، و لما حصلت الحادثه اتخبطت في نفس المكان اللي كانت مخبوطه فيه اللي سبب لها فقدان الذاكره ، و مع حسن الحظن الذاكره رجعت لها
نادين:اهااا ، طيب الحمدلله .. يعني دلوقتي بقيت كويسه يا دكتور خلاص ؟
الدكتور:بالنسبا للذاكره اها ، بس بالنسبا للحادثه هي محتاجه تنتظم علي العلاج بس ، و باذن الله هتبقي كويسه خالص .. و تغير علي الجرح البسيط اللي في دماغها كل يوم .. ماشي ؟
نادين:تمام يا دكتور .. حضرتك هتكتب لها علي خروج دلوقتي ؟
الدكتور:اها طبعا مافيش مشكله
نادين:شكراً جداً يا دكتور
الدكتور:الشكر لله يا فندم ، تحت امرك
كتب الدكتور ل لوسيندا علي خروج ، و مشي .. و قامت لوسيندا مع نادين و خرجت معاها .. اخدتها نادين و راحت بيها علي بيتها بسرعه ، بعد ما اتفقوا علي كده .. دخلت لوسنيدا اخدت شاور و نادين جابت لها هدوم نضيفه ، و بعد ما غيرت هدومها حضرت لها اكل و اكلتها و عطيتها العلاج ، و قعدت تتكلم معاها ....
( روايات بسوم )
نادين:ممكن بقي افهم كل حاجه ، عشان اقدر اساعدك ؟
لوسيندا:ممكن انتي الاول تفهميني كل حاجه ، عشان افهم اللي حصل و اقدر افهمك
نادين:كل حاجه زي ايه ؟
لوسيندا:حصل ايه ؟ و خلتيني اشتغل عند مادلين و ثروت ليه ؟! و جيبتي الملفات دي منين !!! كل حاااااجه
نادين:هحكيلك علي كل حاجه .. بس توعديني ان انتي كمان تفهميني ، عشان انا محتاجه افهم
لوسيندا:و الله هفهمك ، بس افهم انا الاول .. و بعدين احنا النهارده كام في الشهر !!
سكتت نادين ثواني ، و بعدين اتكلمت ....
نادين:النهارده 19
لوسيندا بإندفاع: يعني ما فيش وقت يا ست نادين ، الجلسه أخر الشهر .. و مش باقي إلا أيام
نادين:عارفه .. و ما تخافيش انا هساعدك
لوسيندا:ماشي ، بس ممكن تفهميني بقي ؟
نادين:هفهمك ، بصي يا بنتي .. انا كنت بشتغل مع ثروت و مادلين ، او زي ما تقولي كده بقضيلهم اي حاجه بيحتاجوها ، شغاله ، بواب ، طباخ .. ناس كده يعني و حاجات من دي
لوسيندا:تمام و بعدين ؟
نادين:في يوم عرفت من مادلين ان ثروت اتخانق مع البنت اللي كانت بتشتغل عندهم مكانك و مشاها ، و هي طلبت مني اشوف لها بنت تانيه .. و انا و الله كنت هجيب لها بنت من تاني يوم ، بس في نفس اليوم بالليل قبل ما انام لقيت موبايلي بيرن
لوسيندا:كان مين ؟
نادين:ثروت
( روايات بسوم )
**************فلاش باك*************
قامت نادين من السرير تجيب الموبايل ، و ردت ....
نادين:الو
ثروت:ايوه يا نادين
نادين:ايه يا ثروت بيه ، خير يا باشا .. في حاجه ولا ايه ؟
ثروت:لو المكالمه دي مادلين عرفت بيها ، هخلي ايامك سوده و مش هعديهالك علي خير
نادين:تحت امرك يا ثروت بيه ، مادلين هانم مش هتعرف اي حاجه عن المكالمه دي
ثروت:تمام .. مادلين طلبت منك تشوفي لها شغاله جديده مش كده ؟
نادين:ايوه يا باشا ، حصل فعلاً
ثروت:تمام .. ما تشوفيلهاش شغاله و تأخري نفسك
نادين بإستغراب:نعم يا ثروت بيه ؟
ثروت:فاهمه ولا مش فاهمه !!
نادين:فاهمه طبعاً ، بس ليه !!
ثروت:هبقي اكلمك اقولك علي كل حاجه و افهمك تعملي ايه
نادين:حاضر يا ثروت بيه
ثروت:اهم حاجه كل ما مادلين تسألك علي الشغاله ، تقوليلها انك مش لاقيه و بتشوفيلها ، و انا هكلمك علي طول كام يوم بس ، مش هتأخر عليكي
نادين:تمام يا ثروت بيه ، تحت أمرك
ثروت:تمام .. خليكي حاطه اللي قولتهولك في دماغك ها
نادين:حاضر يا بيه
ثروت:ماشي ، يالا سلام
نادين:سلام
( روايات بسوم )
************************************
لوسيندا بإستغراب:طب و بعدين ؟ حصل ايه !!
نادين:قعد تقريبا حوالي أربع أيام ما كلمنيش .. و في اليوم الخامس كلمني
لوسيندا:و كان عايز ايه ؟!
نادين:كان بيقولي عليكي
لوسيندا:أيوووووه ، دي بقي اهم حاجه .. كان بيقولك ايه ؟!! و احكي بالتفصيل الممل
نادين:...
( روايات بسوم )
**************فلاش باك*************
ثروت:سمعاني ؟
نادين:ايوه يا ثروت بيه ، معاك
ثروت:طب ركزي معايا بقي كويس اوي
نادين:تحت أمرك يا باشا
ثروت:كمان يومين بالظبط ، هتصل بيكي .. هتنزلي علي طول تروحي علي الجيزه ، و هيكون الوقت متأخر
نادين بإستغراب:ليه يا بيه !!?
ثروت:سيبيني اكمل كلامي للأخر و هتلاقي أجابه لأسألتك دي
نادين:ماشي يا باشا .. اتفضل
ثروت:هتروحي في العنوان اللي هديهولك بالظبط .. هتلاقيي هناك بنت مغمي عليها .. هتفوقيها ، و تعملي نفسك انك كنتي معديه عادي و لقتيها مرميه و صعبت عليكي .. فهتاخديها علي بيتك ، تمام كده ؟
نادين:تمام يا باشا ، كمل
ثروت:هتسأليها علي اسمها ، اهلها ، شغلها ، سنها ، ايه اللي عمل فيها كده .. هتلاقيها مش فاكره اي حاجه .. يعني هتبقي مستلماها ابييييض
نادين:يعني ايه !!
ثروت:يعني فاقده الذاكره
نادين:طب و بعدين يا باشا ، ليه كل ده !! و اعمل معاها ايه ؟
ثروت:ما انا لسه هقولك اهو
نادين:قول يا بيه
ثروت:هتقوليلها انك هتساعديها و هتقفي جنبها ، هتديها هدوم من عندك ، و تاخدي هدومها و تشيليهم ، فاهمه ؟ تشيليهم بحجه انهم مبهدلين ، عشان انا عايزهم ضروري
نادين بتعجب:تمام يا باشا .. حاجه كمان ؟
ثروت:طبعاااا ، هو انا لسه قولت حاجه ، ماتركزي معايا بقي و تبطلي غباء
نادين:اسفه يا بيه ، اتفضل
ثروت:هتقوليلها انك تعرفي واحده هانم محتاجه شغاله ، و انها ست كويسه و طيبه و تشكري فيها شويه .. و تقوليلها انك عايزه تساعديها و هتشغليها عند الست دي لغايه ما يبان لها صاحب
نادين:و اوديها لمادلين هانم صح ؟
ثروت:كويس كده بدأتي تفهمي .. بس في حاجه مهمه
نادين:ايه هي ؟
ثروت:مادلين ماينفعش تعرف اي حاجه .. عشان كده انتي هتعملي حوار مع البنت دي ، و تقوليلها انك هتقوليه لمادلين عشان ترضي تشغلها عندها
نادين:و ايه هو الحوار بقي ؟
ثروت:قوليلها تقول انها بنت غلبانه من اسكندريه ، ابوها و امها متوفين و كانت عايشه مع خالتها ، و انتي صاحبه خالتها ، و خالتها ماتت و هي ماكنش ليها حد غيرها هناك ، فأنتي خلتيها تيجي علي القاهره عشان تشغليها .. و طبعا الكلام ده انتي بردو هتقوليه لمادلين ، و علي اساس بقي انك جبتيها من اسكندريه عشان من نايحه تخدمي مادلين و من نايحه تانيه تساعديها عشان هي بنت غلبانه و مالهاش حد غيرك و الكلام ده .. فاهمه كلامي كويس ؟
نادين:فاهمه يا ثروت بيه طبعا ، و كله هيتنفذ بالحرف الواحد ما تقلقش .. بس ممكن اعرف ليه كل ده !!
اتعصب ثروت جداً و انفجر بعصبيته فيها ....
ثروت:و انتي مااالك انتي ، انتي بتدخلي في اللي مالكيش فيه ليييه .. ما تتنيلي تشوفي ام شغلك و انتي ساكته ، ولا هو لازم ازعق و اغلط فيكي
سكتت نادين ، و اتكلمت بعد ما ثروت سكت ب ثواني ....
نادين:انا اسفه يا ثروت بيه ، ماكنش قصدي
ثروت بعصبيه:ياريت اسألتك اللي مالهاش لازمه دي ما تتكرش تاني .. و تشوفي شغلك و بس
نادين:حاضر يا ثروت بيه
ثروت:اقعدي بقي احفظي اللي قولتهولك ، و انا وقت ما احب انك تنفذي هتصل بيكي
نادين:حاضر يا باشا ، تحت امرك .. مع السلامه
ثروت:سلام
( روايات بسوم )
************************************
لوسيندا بحزن:طب و بعدين ؟
نادين:ولا قبلين ، اتفق معايا علي مبلغ هيديهولي مقابل اني اعمل الحاجات دي
لوسيندا:امممممم
نادين:و طبعا عملت كل ده و اكيد انتي عارفه و فاكره
لوسيندا:ايوه فاكره .. بس هدووومي ، انتي ادتيه هدومي ، و هو جابهوملي علي اوضتي هناك في شنطه .. يا دي المصيبه
نادين:مالك بس ؟!!
لوسيندا:الهدوم دي كان فيها حاجات مهمه اوووووي .. لو وقعت في ايده تبقي مصيبه ، و ابقي انا روحت في داهيه
( روايات بسوم )
بصت لها نادين بتفكير .. و سابتها بتتكلم ، و قامت من قدامها و دخلت اوضتها ، و بعد ثواني طلعت .. اول ما طلعت بصت لها لوسيندا بغيظ و اتكلمت ....
لوسيندا:انتي بتسبيني و تمشي و انا بكلمك ليه !!
قربت منها نادين ، و ضحكت .. و فجأه ...!!!!
.........................
#بسمه_ممدوح