بركان أنشقاقي

* الفصل العشرون *

تاني يوم الصبح .. في المستشفي اللي فيها چمانه .....
بدأت تفوق چمانه من الغيبوبه ، و المحاليل في اديها ، و جهاز التنفس علي وشها .. و هي بتفوق بدأت تتكلم بصوت مكتوب و تنادي علي حد ، بس صوتها كان مفهوم إلي حد ما ....
چمانه:بيبرس .. بيبرس ، انت فين يا بيبرس
مادلين و نضال كانوا قاعدين جنبها .. قامت مادلين وقفت ، و شالت جهاز التنفس من علي وشها ، و بصت لها بنظره حنان ، و اتكلمت ....
مادلين:مالك يا چمانه ؟ الف سلامه عليكي .. قوليلي عايزه ايه و انا اعملهولك
بصت لها چمانه بتفكير ثواني و اتكلمت ....
چمانه:انا مش چمانه ، انا ما اسميش چمانه
بصوا مادلين و نضال لبعض ، و اتكلمت مادلين ....
مادلين:اومال اسمك ايه ؟
چمانه:لوسيندا
( روايات بسوم )
___________________________________
في التجمع الخامس .. عند بيت مادلين ....
وصل عم صبري عند البيت و فتح الباب ، و قبل ما يدخل نده عليه شاب من بعيد .. وقف عم صبري و بصله ، و الشاب قرب و وقف معاه ، و اتكلم ....
- مش انت بردو عم صبري ، اللي بتشتغل في الفيله دي
صبري:ايوه يا ابني انا ، اي خدمه ؟
- انا كنت هنا امبارح اما حصلت الحادثه للبنت دي ، و كنت حابب اطمن عليها
صبري:اها اها ، چمانه .. يا عيني دي بنت غلبانه اوي ، انا روحت معاها المستشفي امبارح ، و سيبتها النهارده و جيت ، عشان اصحاب البيت راحولها
- هي بنتهم !!
صبري:لا بتشتغل عندهم .. بس هما ناس كويسين بردو ، راحولها و قعدوا معاها عشان هي بنت غلبانه و مالهاش حد
- اهاا ، ربنا يقومها بالسلامه يارب .. هي في مستشفي ايه صحيح ؟
صبري:مستشفي ******* ربنا يخرجها منها علي خير و يقومها بالسلامه ، ادعيلها يا ابني
- يارب يا حج ، باذن الله هتقوم بالسلامه .. كويس اني اتطمنت عليها ، كان شكلها صعب اوي امبارح بصراحه
صبري:اها و الله .. الا قولي يا ابني ، انت مين ؟
ارتبك الشاب جداً ، و اتكلم ....
- انا ، انا احمد ، بس مش هنا .. مش ساكن هنا ، انا باجي هنا اقضي مشاوير بس ، فشوفت اللي حصل امبارح ، و لما شوفتك صدفه قولت اسألك يعني
صبري:اها .. فيك الخير يا ابني ، شكراً علي سؤالك
- العفو يا حج .. أستاذنك انا بقي
صبري:اذنك معاك يا ابني .. اتفضل
مشي الشاب ده بعيد ، و دخل عم صبري البيت ....
( روايات بسوم )
___________________________________
عند نادين في البيت .....
صحيت من النوم علي صوت رنه موبايلها ، قامت قعدت و ردت ....
نادين بنوم:الو
تيسير:صباح الخير يا ست نادين
نادين:صباح النور يا تيسير .. ايه في حاجه جديده ولا ايه ؟
تيسير:ايوه في جديد ، بس فوقي عشان تركزي معايا
نادين:ايه قول
تيسير:..... و حكالها كل اللي حصل في حواره مع عم صبري
نادين:يعني مادلين و نضال دلوقتي عند چمانه في المستشفي ؟
تيسير:ايوه .. و چمانه موجوده في مستشفي ******
نادين:تمام .. انا عايزه اروح لها ضروري بقي
تيسير:هتروحيلها و هما عندها ؟!!
نادين:لا ، لما يمشوا هروح لها .. بص بقي ركز في كلامي كويس
تيسير:تمام ، قولي
نادين:هتقف في مكان مداري ، عشان كده عم صبري حفظ شكلك .. و تراقب الفيله كويس اوووووي ، عينيك ما تغفلش ثانيه
تيسير:تمام ، حصل .. و بعدين ؟
نادين:و اول ما تلمح مادلين و نضال داخلين الفيله ، تكلمني علي طول عشان اروح ل چمانه المستشفي .. فاهم ؟
تيسير:فاهم طبعا
نادين:و لو لقيت حد فيهم خارج تاني تكلمني بردو ، عشان امشي احسن يكون جاي علي المستشفي
تيسير:اكيد يا نادين هانم ، تمام
نادين:عارف لو عملت حاجه غلط يا تيسير ؟
تيسير:ما تقلقيش .. مش هغلط خالص
نادين:لما نشوف .. يالا شوف شغلك
تيسير:اوك ، مع السلامه
نادين:سلام
قفلت نادين مع تيسير ، و كملت نوم ....
( روايات بسوم )
___________________________________
بعد ساعتين ....
مشيوا نضال و مادلين من عند لوسيندا في المستشفي ، بعد ما دفعوا لها كل المصاريف اللي هتحتاجها المستشفي .. و راحوا علي المشرحه ، خلصوا شويه أجراءات ، و الدكاتره بلغوهم ان النتيجه هتظهر تاني يوم .. خلصوا كل حاجه ، و مشيوا .. اول ما وصلوا الفيله ، و شافهم تيسير اتصل بنادين فوراً ....
تيسير:ايوه يا مدام نادين
نادين:ايه يا تيسير ، حصل ايه ؟
تيسير:مادلين و نضال وصلوا البيت
نادين:متأكد ؟
تيسير:ايوه طبعا ، لسه داخلين قدامي حالاً
نادين:طيب تمام ، انا هقوم البس بسرعه و اروح ل چمانه المستشفي .. بس خد بالك كويس ، احسن حد فيهم يخرج ولا حاجه
تيسير:ما تقلقيش يا نادين هانم .. انا مفتح عيني كويس
نادين:تمام .. هقفل انا بقي عشان ما اتأخرش ، يالا سلام
تيسير:مع السلامه
قفل تيسير ، و وقف مكانه و عينيه علي الفيله كويس .. و قامت نادين تلبس ....
( روايات بسوم )
___________________________________
في بيت عمار .....
صحيت روميساء من النوم ، عدلت شعرها .. و نامت علي ايد بسام و هو نايم ، و حاولت تصحيه برقه و هي بتنادي عليه بصوت هادي جداً ....
روميساء:بسام ، حبيبي .. قوم يا سمسم ، يالا بقي قوم
فتح بسام عنيه ، و بص ل روميساء بحب ، و اتكلم بنوم ....
بسام:في ايه يا بت علي الصبح
روميساء:قوم اقعد معايا عشان وحشتني
بسام:بتصحيني من نومي عشان وحشتك !! يا مجنونه
روميساء بدلع:اخص عليك يا بسام
بسام بضحك:ايه يا بت بسام دي .. مش قولنا اسمي بيبرس بقي
روميساء:تؤتؤتؤ بيبرس دي لكل الناس إلا انا ، انا عرفتك بسام و هفضل طول عمري اقولك بسام
بسام بفرحه:لا و النبي !
روميساء:اها و النبي .. قوم بقي يالا و بطل غلاسه
بسام:اقوم ليه
روميساء:كده ، اقعد معايا ، و بعدين انا هقوم احضر الفطار عشان نفطر مع بابا .. و عايزه اقعد معاك شويه قبل ما اقوم احضر الفطار
بسام بدلع:اممممم يعني عايزاني اقوم ضروري يعني
روميساء:ايوه
بسام:هقوم بس بشرط
روميساء:ايه هو بقي
بسام:تجيبي بوسه
روميساء:يا رخم يا بساااام .. نام بقي خلاص
بسام:لاااا مش هنام خلاص ، و هتجيبي البوسه
روميساء:بطل غلاسه بقي
قام بسام من مكانه ، و بصلها بتحدي ، و اتكلم بضحك ....
بسام:طب و ربنا لوااااخدهااا
روميساء:.....
( روايات بسوم )
___________________________________
بعد نص ساعه .....
عند لوسيندا في المستشفي .. وصلت نادين ، و سألت علي اوضه لوسيندا ، و بعد ما طلعت ، دخلت الاوضه و قفلت الباب .. و قعدت جنبها و هي نايمه ، و حاولت تصحيها ....
( روايات بسوم )
نادين:چمانه ، يا چمانه .. قومي عيزاكي في موضوع مهم
بدأت چمانه تفوق ، و عينيها بتفتح و تقفل ، و بدأت تخرف تاني بصوت هادي بس مفهوم ....
چمانه:بيبرس ، بيبرس ، يااا بيبرررررس
مسكت نادين أديها .. في اللحظه دي فاقت چمانه و بصت لها .. اول ما بصت لها اتكلمت نادين بإستغراب ....
نادين:مين بيبرس يا چمانه ؟
چمانه بتعب:انا لوسيندا ، انا مش چمانه
نادين بتفكير:طب مين بيبرس ؟
چمانه:جوزي
نادين بصدمه:.....!!
.........................
#بسمه_ممدوح