دعمتة سيارة ومات بدقيقتة وراح حقي وانظلمت بس بابا وعمامي سوو كعدة عشائر ويا اهل كرم وحسبو حالة حال تحسين واجاني بابا ومؤمل وكالو
.اتفقت العشائر ياخذج كرم ﻻن هو مشترك بالخطف
.ماااريد بابا فدوة لتبيعوني
.مؤمل
.تنجبين ومنسمع صوتج خل نداري فضيحتج كدام الناس وغصبا عنج تاخذي لكرم
طلعو من الغرفة وملخت نفسي ياربي اطلع من كارثة ادخل باللخ واجو اهل كرم وجان ابو شخص كولش زين ومحترم واحترم كﻻم العشائر وتقدم بشكل رسمي واتفقو انو يسوون زواج جبير تحظرة الناس حتة محد يجيب اسمي بشي باسم حجالي بس اني كتلة
.شيفيد الذبيحة اذا جان السجين الي يذبحوهة بي مطرز بالذهب هي مذبوحة مذبوحة
حظني باسم وكال
.كلبج اﻻبيض ونقاء سريريتج ربنا مراح يخليهة تروح هدر صبري شهﻻء وخلي ربنا يمشي حياتج بطريقتة وامني ربنا ارحم حتة من ماما علينة
.راح باسم واني ابجي بغرفتي واحظن بكتبي حلم سنين طويلة راح بسبب كلب جبان الله لينطي وليشوفه ريح الجنة وهذا الي حتة مااعرفة شلون راح تكون حياتي ويا
.كرم
اني جنت صديق تحسين تحسين جان خوش ولد بس من جرت الفلوس بأيدة تحول الى وحش يعشق شي اسمة بنات ومن صار الي صار اني مجنت قابل علي بس معبالي خطفهة طول هالفترة عبالي بس خوفهة ورجعهة وهسة حكمت العشائر واني انحكم علية انو اتزوجهة حتة يسقطون الدعوة يعني راح اخسر حبي اني احب شهد اخت تحسين من جنة صغار واعتقد راح تنجن من تعرف وابوية اساسا بعد مستحيل يوافق عليهة ابوية حقاني ويكره الباطل ومدام اجتة حجاية من ورة تحسين مستحيل يقبل بعد راح تحسين وراح ويا حب حياتي واني مجبور بالبنية الي انخطفت والي كرهت حتة اسمهة ﻷن كل الي صار بسببهة طارت شهد من ايدي
.واجو لبسوني حلقة وحددو كولشي وراحو واني مباوعت بوجه كرم ورة اسبوعين كالو العرس كالت ماما اسويلج حنة كتلهة
.ﻻ ماما اذا عندج تابوت جيبي الية وخلصيني من حياتي
.فدوة لكلبج ماما سودة علية والله مو بيدي مااكدر اخالف كﻻم ابوج
.بجيت ﻻن ﻻ عندي اخت اشكيلهة وﻻ صديقة استند عليهة سرى بعد الي صار منعوهة اهلهة مني واني ربي يعلم بمضلوميتي
ومسويت حنة وسوو الزفة بقاعة وقبل ﻻ اطلع من بيتنة اجة بابا للصالة وبيدة تخم ذهب وخﻻ بيدي وكال مهناية بابا مرديت علي درت وجهي راد يطلع صحت ابو مؤمل دار وجهة
.لعد اني مو ابوج
.اعتقد انتة تخليت عن دورك من بعتني
هذا الذهب مااريدة الانسان من يزفوو للكبر ميحتاج ذهب 😔
اخواني واكفين من بعيد مجتبى ومؤمل وصل يمهم بابا وكتلهم
.من اليوم صرتو ماضي انسو عدكم بنية ربي يطلع حقي من كل من ظلمني حسبي الله ونعم الوكيل مرة ظلمني الحقير ت حسين ومرة انتو وكلت ربي ياخذ حقي وطلعت لسيارة الزفة
وتركت احلامي وعمر عشته هناك
و شكد طلعت حلوة بس كرهت نفسي اشوفهم يبيعون ويشترون بية وفرحانين والناس تركص وتاكل واني وجه كرم ممباوعة بي
كرم
عائلتي امي وابوية واخواتي 2 شذى وسما واخ 1 جود اصغر مني
كلهم حظرو الزفاف امي مبينة معاجبهة شي وكارهة العروس هي ﻻن ام شهد صديقة ماما فظاجت علمود شهد ورايدتهة ﻻن بين ابوية وابو شهد هم شغل بينهم
وخلص الزفاف واخذونة للفندق سويت حاجزين ومجهزي للعرسان
