شهﻻء . بعد المكالمة ويا شهد نزلت للحمام شوية واندكت الباب اجة كرم وعيونة تجدح ناااار بقة يحقق وياي واني ذايبة بي جسمة عركان واعصاب ومتوتر ﻻن اني بين ادي هيج بدة كلبي يدك بسرعة بس اكابر يكلي كولي مشتهيتك واني اكولة ﻻ واني اكذب كل ذرة بكياني تنادي بأسمة صار شهر على زواجنة واليوم بالحمام صدوك حسيت هذا زوجي وحبيبي بس احسة يريد ياكولني يبوس بشراهة وقسوة وحاظني بقوتة وعظﻻتة حسيت اختنكت واني عندي ربو اصﻻ فوكعت كعدت الصبح اني بحظنة ملفوفة وهو محتظني بقوتة تحركت حس علية وهو مغمض عينة سحبني ودار وجهي علي بغفوتة باسني بلهفة جر شفايفي لحد مردت اعيط تأؤهت فتح عينة وتركني باوع كال
.شلونج هسة
بخجل رديت
.احسن الحمد لله
.بعد اذا تسبحين سبحي هنا بحمامنة خاف توكعين واني مو يمج ولتخلين البخار يملي الحمام
.ماشي بخجل سحبت نفسي واخذت المنشفة لفيت نفسي ولبست مﻻبسي
نزلت سويت ريوك وكعدت شذى جانت تقرة للامتحان التنافسي للماجستير ظحكت وكالت
.بس انتي تكعديني للقراية
.مو احب المدرسة
.لعد مترجعين
.ظاع حلمي وانكسر واهسي
.شهﻻء ترة بعدج طفلة حاولي تقنعين كرم
.اصﻻ معارضة الفكرة علي واخجل اطلب منة هالشي
نزل كرم وبعيونة فرحة مو طبيعية وكال .يبنات شنو رأيجن اطلعجن اليوم
اني استغربت اول مرة يطلب نطلع بس شذى كالت
.تسلم حبيبي بس عندي قراية وسما وماما راح يرحن لخالة اخوذ شهﻻء ونسهة خطية
.اني كلت هسة يرفض كال
.ليش ﻻ وغمزلي 😉
صار العصر وكالي شهﻻء جهزي نفسج
لبست سترة وردي وبنطرون ابيض وشال وردي ومكياج خفيف بناتي ونزلت شافني كرم واجة بصفي
.اكولج البنطرون ضيك ومبين المسائل روحي غيري
.ها مو هو وية السترة كاعد
.ﻻ يتغير وبدون نقاش يلة
صعدت فرحانة بغيرتة لبست تنورة قصيرة بينسل وية السترة ونزلت جرني من ايدي وصعدني للغرفة وكفني كبال المراية وكال يعني مقتنعه بهاللبس
.اي شبي مو حلو 😢
.حلو زيادة عن اللزوم ورجليج يلمعن وية التنورة وراح يصيرن منظر طبيعي للرايح والجاي غيريهن
.اوك لبست فستان زيتوني وشال مشمشي وطوخت المكياج شوية
.باوع وكال اممممممم ممكن نمشي المﻻبس بس خففي المكياج خففتة وطلعنة نزلنة بالمنصور فرني الموﻻت والحدايق ويحجيلي عن شغلة ويا ابو وعن حياتة وشلون عاجبة يسافر للخارج وكول شوية خازرلة واحد خاف يباوع علية
كعدنة بمطعم ومتونسين ونظحك بس دك تلفونة وجهة تغير
.ها حبيبتي شهودة
.من كال هيج اني نزلت راسي سحبت جنطتي وطلعت كدامة
.خزرني وبقة يحجي بالتلفون
كرم
.كاعد نطلب العشا اني وشهﻻء ودك التلفون
.كرم هسة ترجع
.شكو شهد
.اني يمكم وانتة طالع وية المدام مو
.لتفهمين غلط مجرد عشا مو اكثر
.اوك هسة تجي
.اول مدك تلفوني وعرفت شهﻻء انو شهد عالتلفون انسحبت وطلعت خزرتهة مبقت طلعت يم السيارة دورت مفاد وهي معدهة تلفون طلعت للبيت بس مشتعل نااااار من الغضب😡اتصلت بسما
.سما شهﻻء وصلت للبيت
.ﻻ بعدهة
غلقت التلفون كلت اكيد راحت ﻻهلهة
المهم وصلت البيت دخلت مااشوف طريقي شهد بالهول تحجي وياي
مجاوبت احد سألت
.شهﻻء رجعت
.سما .اي رجعت قبل دقايق
صعدت للغرفة ومااعرف شلون اظربهة كمية الغظب الي بية كان ممكن تموت جوة ايدي
.لج شنووووو كدامج مكرن تطلعين وحدج بهاليل للبيت
اجيبهة هيج اوديهة هيج كطعتهة وهي متطلع صووت نرفزتني كتلهة
.شنو حظرتج انجرحت كرامتج ﻻن حاجيت شهد بس البارحة عادي بدون مﻻبس بحظني
بس حجيت هالكلمة كوة كامت من جوة ايدي ومﻻبسهة متخربطة فستانهة انشك وشالهة انفتح مخسرت بس كلمة وكالت
.اشششششش انتهة كولشي
جريتهة حيل
.وهو شنو الي بدة حتة ينتهي
.باوعت عينهة اول مرة تبجي كدامي كالت
.صح ماكو شي بدة حتة ينتهي
بس بالكوة تحجي مشت على كيف هلكت من الظرب بس شمرت الحجاب وسحبت نفسهة لغرفة سما من فتحت الباب شافت شهد تبتسم
محجت شي بس اسمع عيطة سما ردت اطلع لزمتني شهد وكالت
.خل تولي سوت نفسهة تخربطت كذابة
.شهد اني ﻻزم اطلكهة البنية جاي تتعذب جوة ايدي والله حرام
.اممممم تتعذب والبوس والنوم والشاور شنو هذا بالله
.شهد اذا بيهة مجال روحي للبيت الوظع كولش متوتر ومالي خلك نفسي ونزلت شهد ورحت ركض لغرفة سما دخلت وماما موجودة وكالت
.برة مااريد اشوفك
.ماما بس فهميني
.اش وﻻ كلمة وهاي تصرفاتك اوصلهة ﻻبوك يلة برة
.رجعت لغرفتي وبقيت افكار تجيبني وتوديني شنو الي صار على شهﻻء وليش سما عاطت
.صحت سما سما
.دكت الباب وكالت
.نعم كول
.شبيج متتحاجين
. والله كرم اول مرة تنزل من عيني مع اﻻسف عليك علمود ترضي شهد تظرب بنت الناس كافي الي صار من تحت راس تحسين وحطم حياة البنية ادور تصير انتة والزمن عليهة
.شبيهة ليش عطتي من اجتج
.ﻻن حظرتك من ساحلهة داخل الدبوس بركبتهة وكوة تحجي سحبنا وهسة ارتفعت حرارتهة ماما راح تاخذهة للمستشفى
.اوديهم اني
.ﻻ ميحتاج ماما وشذى ياخذوهة
وسمعت ماما والبنات يمشون بيهة وخابرو بابا من الباب اخذهم ومرت ساعة اتصلت بسما كالت
.الدكتور يكول هالبنية محظوظة فرق شعراية بين الدبوس والشريان ظربهة ابرة كزاز وجايين بالطريق
رجعو للبيت انتظرتهم برة دخلت شذى وماما يمشون بشهﻻء على كيف ووراهم بابا وسما
خزرني بابا وكال
كرم وراية للصالة وام كرم صعدي شهﻻء فوك ترتاح
.دخلت الصالة
.كول بابا
وكف وظربني راشدي 👋👋وكال
.صبرت عليك هووووووووواية وسكتت كلت كرم عاقل وفاهم بس انتة الظاهر عاجبك جوة ايدك زوجة تخدمك وبكلبك عشيقة داخلة طالعة عليك وتسويلك الي تحبة اسمع شهد بعد حلم بعيد عليك وانعل ابو الشراكة على الصداقة الي مااجاني منهة بس المشاكل
.بابا افهم اني وشهد نحب بعض من احنة صغار
.اها وارتباطك بشهد معنى بعد ﻻ اعرفك وﻻ تعرفني
طلعت من بابا متألم من كﻻمة بس بالي يم شهﻻء وصدك نويت اطلكهة بعدهة طفلة وعذراء عاﻻقل تكدر ترتبط مرة ثانية صعدت لغرفتي ملكيت شهﻻء طلعت مخليهة بغرفة سما وفات يوم كامل واني مشايفهة كعدت الصبح ب5 نزلت جوة وﻻكتني شهﻻء بمﻻبس الصﻻة جانت تصلي سالتهة
.شلون صرتي هسة
بس مجاوبت صعدت لغرفة سما وسدت الباب وراهة
رجعت لغرفتي مستحقر نفسي من الي سويتة بيهة وتذكرت كلمتهة كولشي انتهة وبقيت عقلي يجيب ويودي معقولة حبتني بس اني احس بشهوة تجاهة لو هذا حب وبدوامة تفكيري نمت ل12 يلة كعدت
.شهﻻء
بعد الي سواا كرم بية كدام شهد تبخرت كل فكرة مشاعر تجاهة كرهتة وكرهت نفسي وكرهت ظعفي شلون خليتة يلمسني بس اكيد حاسبني وحدة ماعدهة اهل حقة ﻻن صدوك ماعندي اهل باعوني بسهولة خوفا على سمعتهم بس باسم مشتاقتلة هووواية واتمنة اسمع صوتة وماما هم كولش مشتاقتلهة ومشتاقة لحظنهة الدافي وعدة يومين واشوف كرم بس مااحجي ويا نهائياً وماناوية اصﻻ احجي ويا ورحت الصبح لخالة وكتلهة
.خالة اطلب منج طلب اذا سمحتي
.كولي خالة تتدللين
.خالة بس فونج اخابر ماما والله مشتاقتلهة راح يصير شهرين مسامعة صوتهة
.بس هذيي تتدللين
واتصلت بماما وبس نبجي وكتلهة مشتاقتلج كالت
.ابوج مريض من تزوجتي لهسة
.ماما خل ينساني بابا هو ومؤمل ومرتجى والله ماانسة الي سوو بية منا لمن اموت
.حبيبتي ماما لتحقدين عليهم هذولة عزوتج بالدنيا
.ههه عزوتي باعوني ماما اني مالي غير باسم وانتي
واخذت خالة الفون وحجت وية ماما وعزمتهة يمنة للعشا هي وباسم ماعرفت شلون اشكرهة من كد فرحتي
وبالفعل اجت ماما هي وباسم وبقو يدردشون ويا عمو وخالة وتعرفو البنات على ماما وباسم وباسم هو وشذى بقو يسولفون عن الدراسة وحقوق الإنسان وهاﻻشياء وجان يدخل كرم سلم على ماما وباسم وكعد كدامهم كأنو بريء ياربي شكد كرهتة عالي سواا بية
