دخلوهة للسويت ودخلوني وراحو بقينة سوية
رحت ملكيتهة بالغرفة يمكن داخلة الحمام مر نص ساعة وطلعت بنية قصيرة نسبيا وشعرهة كولش طويل بياض بحمار والعيون تجنن ومربربة مباوعت بوجهي اصﻻ ﻻبسة دشداشة سمائي قصيرة اخذت لحاف ومخدة وتمددت بالكاع اني فار دمي اشو ممخليتلي اعتبار كمت بعصبية سحبت اللحاف وكتلهة
.لج شنو هوة كدامج متشوفيني
.وهي منزلة راسهة ردت
.والمطلوب هسة شنو
.لج كووووومي داحجي وياج اني زوجج يعني الي اريدة تنفذي
.اعتقد نعرف طبيعة هذا الزواج احنة مو عرسان مثل بقية العرسان فرجاءا تصرف وياي على هاﻻساس
.والله وطلع لسانج طويل جريتهة من شعرهة وكتلتهة بس الغريب ماحجت وﻻ كلمة وﻻ حتة بجت تركتهة ودخلت للحمام طلعت لكيتهة نايمة ومغطية راسهة
صعدت عالسرير وحتة عشا متعشيت
غفيت وبنص الليل اسمع صوت خافت كعدت اباوع شكو اشوف لحافهة يتحرك
.جانت شهﻻء تبجي بحركة بس تكتم بصوتهة خاف اسمعهة تركتهة ورجعت نمت كعدت الصبح ملكيتهة بفراشهة دكيت باب الحمام كالت دقيقة
.طلعت ﻻبسة دشداشة وردية قصيرة وضافرة شعرهة صدوك تهووووس حلوة بشكل وماكو وجه مقارنة بينهة وبين شهد ﻻن شهد جدا عادية بس اني احبهة
.فاتت من يمي بدون اي كﻻم
دقايق سبحت وطلعت اندكت الباب وفتحتهة جابو الريوك
كعدت تريكت كتلهة تتريكين كالت ميشرفني
.وكفت شنو الي ميشرفج مدام
.الكعدة وياك
.وليش بالله
.اعتقد انتة تعرف ليش فخلينة واقعيين زواجنة مو حقيقي شهر شهرين شوكت متمل طلكني واذا معندك الرجولة الكافية انو تطلكني اني انتحر واخلص
مااعرف شجاني من كالت معندك الرجولة الكافية اتهسترت سحبتهة للحمام ملخت مﻻبسهة كطعتهة بس رغم كول الي صار ﻻزالت متبجي ردتهة تطلع صوت ماكو بجي مبجت لمت نفسهة باوعت علية نظرة خلتني اهتز من داخلي طلعت وراهة ردت احجي وياهة
.التفتت علية وكالت
.احلم انو بيوم تبجيني مالك مني غير الواجبات الي فرضهة ربنا اكلك شربك لبسك اي شي ثاني ماالك يمي وكﻻم على كد حاجتك فقط وربنا الي يعرف الضالم والمظلوم
.قلبت كياني بهالكلمتين جابت مﻻبس ودخلت غيرت مﻻبسهة وكعدت ببلكون الفندق لليل وهم كولشي مااكلت تعمدت خليت اﻻكل عالميز ردت اشوفهة تظعف وتاكل بس ابد ممدت ايدهة وصار الليل نمت وهم صحيت على صوت البجي الخافت تبجي جوة اللحاف ثالث يوم خلص حجزنة جهزت جنطتهة وجنطتي بدون اي كﻻم ورجعنة للبيت استقبلتنة امي وسلمت عليهة من ورة خشمهة هي وشذى بس سما جانت تظحك وفرحانة من صدك اخذتهة سما للغرفة ردت ادخل وجان من فتحة الباب اسمع سما تحجي وياهة وتكول
.شوفي شهﻻء بهالبيت راح تواجهين هواي صعوبات بدايتا من كرم نهايتا بشذى ذولة اشرار البيت وظحكت سما واول مرة اشوف شهﻻء تبتسم ورجعت سما كملت
.بس اني وبابا وردات 😂😂احم ماامدحلج نفسي وغرفتي بصفكم شوكت متظوجين تعاي يمي راح نسويهة غرفة العمليات المشتركة ضد اﻻشرار بس اكولج شي والله كرم كولش حباب ومثلج تفاجأ بالي صار فعذري فترة ويتعود عليج 😂😂😂لغيت هواية مو ردت عليهة شهﻻء بظحكة
.بصراحة اي وظحكن اثنينهن
.اكولج شهﻻء انتي بيا صف
هنا تغير وجه شهﻻء وغوركت عينهة وكالت بصوت مخنوك وبعبرة
.جنت سادس علمي ونزلت دموعهة حظنتهة سما وبقت تبجي ردت اغير الجو دكيت الباب ودخلت
مسحت دموعهة وسما كالت
.يﻻ عرسان اترككم ترتاحون
شهﻻء
.سما كولش حبابة بس شذى حسيتهة عصبية وامهة مغرورة
دخل كرم واني ابجي ومسحت دموعي
جاب جنطنة وكال
.ياجهة من الكنتور تردين
.عادي اي وحدة
اخذت مﻻبسي رتبتهن ومﻻبسة كذلك بين منزل ورجع لكة الغرفة مرتبة والمﻻبس كولشي بمكانة كال متتغدين
.ﻻ شكرا
.متبطلين مكابرة ترة هذا اكل وماعلي زعل اكلي وياي او تحبين ويا سما
.بالفعل جابت سما الغدة وتغدت وياي وهو بوحدة
للعصر صعدت امة وكالت ممكن تنزلين اجونة ناس ورتبي نفسج
لبست قفطان ازرق ومكياج فضي كولش ترتبت ودخلت وجان اشوف شهد ووياهة مرية يمكن امهة اول مشافتني شهد سلمت علية واخذتني على جهة وكالت
.كرم الية واذا سمعت بيج نايمة يما اتصرف تصرف ميعجبج
.اني هم تحديتهة وكتلهة
.زوجي وحرة بي والي تكدرين علي سوي وابتسمت كعدت خمس دقائق ورجعت يم سما
