ولبس مﻻبسة وراح للدوام كلبي طاير فرح ونفسي ابقة بحظنة للأبد بس بداخلي خوف ﻻن يشوف شهد كل يوم
.شهد اتصلت بكرم 9 مرات وميرد علية وباليل كذلك اتصلت فيديو ومجاوب ضل بالي خاف الشرشوحة تاخذة مني
.شهد .هلو كرم بعد وكت شنو ب9 جاي .عندي شغل وتأخرت
.حقك نايم بالعسل خاف المدام مخلتك تكعد
.معليج بشهﻻء
.اها شهﻻء لحد البارحة جنت تسميهة ورطة
.المهم هسة شهد وراية محاظرات خل ادخل
.داحجي وياك جاوبني
.شصار بينك وبينهة
.أعتقد عيب تحجين بالهشكل وانتي بنية
.ﻻ مو عيب انتة حﻻلي الي واذا بقيت ويا شهﻻء صدك راح اسوي شغﻻت متعجبك
.كمتي تخربطين بعدين نتفاهم يﻻ بااااي
راح كرم دخل المحاظرات وتركني لوحدي خسرت كرم بسبب هالشرشوحة بسيطة اني اربيهة
كرم .شهد حست بتغير واستغربت ﻻن تغيرت عليهة بين يوم وليلة بس اني هذا تغييري من اول شهر اجت بي شهﻻء كولشي بيهة عكس شهد تصرفاتهة اخﻻقهة حجابهة جمالهة ثقافتهة كولشي يختلف بس ردت أتأكد من مشاعري واكول لشهد ننهي كول شي شهﻻء بعد مراح كرم نزلت للبيت سويت كولشي يحبة وجهزتلهم الغدة اجو البنات وخالة وعمو بس كرم تأخر اتصل وميرد اتصل وميرد بقة بالي يجيب ويودي خفت ﻻ شهد تلعب بدماغة كملو غدة وصعدت لغرفتي اتصلت مرة لوخ وماكو استسلمت ونمت ب3 حسيت بأيد دافية تلعب بشعري
.كرم رجعت
.ﻻ بعدني 😂هذا الشبح مالتي
.ههههههههههه شبيك والله ظل بالي يمك ليش تأخرت
.لج محاظرات متراكمة وبقيت استنسخ وارتب المحاظرات اني وزمﻻئي
.وشهد
.اممممم شهد طلعت قبلنة لتخافين
.ها ﻻ على شنو اخاف
.خاف تخطفني منج
كعدت وجريتة وبستة وكتلة
.مدام كلبي يدك واتنفس الهوى مراح ياخذك مني بس الموت
.اسم الله عليج وعلى حياتنا كومي كافي خل نتغدة وتغدينا والعصر عزمني برة وكالعادة حساب وكتاب عاللبس والمكياج المهم دخلنا مطعم بالمول وجاي نسولف ونظحك وجان تجي شهد توكف عالميز وتصفك وتكول
.براااااڤو ست شهﻻء براااااڤو والله وعرفتي تاخذين حب سنين ب6 اشهر
وكفتلهة بتحدي وكلت
.والمطلوب شنو اتخلى عنة مثﻻ
.ﻻ ممطلوب شي انتي اصﻻ تنفذين وبببببس بدون كﻻم
.ههه ظحكتيني ولو سمحتي داتخربين طلعتنة ممكن ترحين
.كرم. وكفت شهد عالميز تفاجئت بيهة جاية بقت تحجي وخليت شهﻻء تجاوبهة مااريد احجي وياهة خاف تكبر المشكلة بس بدت شهد تتمادى وشهﻻء ماسكة اعصابهة
.ههههههههههههه لج انتي ورطة يسميج لج ثووولة اهلج رادو يدفنون عارج فزوجوج لكرم
.كرم .من حجت هيج شهد اني مكدرت اسكت فكتلهة
.شهد ممكن ترحين وكافي تجريح وانفضحنة منا الناس
.اهاااا خايف عليهة كووول انك تحبهة ونسيتني كووول
.شهد كااافي روحي
.ماااروح كول كرم اعترف لو جبان متكدر
من كالت هيج استفزتني لزمت ايد شهﻻء وبستهة وكتلهة لكيت اميرة احﻻمي ومن هاللحظة اعتبرينة منتهين باوعت علية بغضب وخسرت كلمتين وبس كالت
.راح تندمون
شهﻻء .رجعنة للبيت بس كلبي خايف من كﻻم شهد هذي اهلهة واصلين وابوهة عندة عﻻقة بعمو والكل جانو متفقين على زواجهم قبل لتصير مشكلتي ويا تحسين اخو شهد
بس الي خرب عليهم مشكلة اخوهة وياي وصار الي صار بس هي تحجي بنتر وتحدي وهالشي هو الي مخوفني
