مرحبا ☺️☺️
اسمي شهلاء عمري 18 سنة
طالبة سادس علمي حلم عمري ادخل طبية واصير دكتورة عندي 4اخوان اولاد وللأسف ماعندي اخت
اخواني مؤمل ومرتجى مصطفى وباسم
ماما وبابا عائلة عادية جدا بابا موظف وماما مدرسة حالتنة المادية جيدة جدا بالنسبة لعائلة متوسطة اخواني الكبار مؤمل ومرتجى ومصطفى جانوا عايشين دور الاخوة الكبار ودائما يحكموني بكولشي ماعدا باسم جان اكبر مني ب3سنوات هذا محط اسراري دائما اني ويا اكلنة سوية طلعتنة سوية وسوالفنة سوية رغم عمرة 21 بس كولش واعي ومثقف ومؤمن بحرية البنات مثل حرية الشباب بالضبط جنت كولش شاطرة ومخلية هدف گدامي انو اتفوق
المكان بيتنة
شهلاء
.باسسسم تعال تغدة
ماكو جواب
.بااااااسسسسم تعال تغدة
.مؤمل
.احجي بصوت هادئ احنة مو بسوگ وثاني شي صعدي وصيحي مو منا تلعلين
.باسم
اجيت ولج لولو بس كون ممخلية كشمش عالبرياني
.😂😂اي خليت لأن بابا يحبة
.مؤمل
صوتج عالي
.باسم
.مؤمل اعصابك حبي ترة احنة داخل البيت يعني براحتهة تحجي
مؤمل
خليك انتة بحقوق المرأة والطفل والحيوان واترك التربية للكبار
.باسم
.اعتقد شهلاء عمرهة 18يعني تعدت مرحلة التربية
شهلاء
كافي والله اسفة تعالو تغدو منتظريكم تغدينة وخلصنة كولشي ولازم اروح للدروس الخصوصية
تنظرني صديقتي سرى بس اليوم جاية وياهة بنية معجبتني ابد گالت هاي جيرانة شهد ومن اليوم تبدي ويانة دروس
سلمت علية بطرف خشمهة
اني مواصفاتي بيضة عيوني طبيعيات بنيات بس رموشي كولش طوال ومطيات جاذبية لشكلي وصاحبة شعر كولش طويل وهالشي خلة ماما حجبتني مو وقت بس اني قزومة 😂وبشهادة الكول اني جميلة بس هالشي مخلاني انغر جنت كولش متواضعة واحب الكل
دخلنة المحاظرة
شلونك استاذ
.هلا بأشطر طلابي
تسلم استاذ انتة علمتني امشي ورة طموحي
استاذ سامر ينطيني محاظرات رياضيات كولش احترمة واقدرة وهو كذلك
اشو شهد معجبهة تباوع صفح من طلعنة بقت تضحك كالت
شهد
.شنو مكبلة ويا الاستاذ مالتج
.لا 😳هذا استاذي من الثالث متوسط اني عندة فكولش اقدرة
.غمزت شهد بخبث وكالت الضاهر كام يحبج
.😒اكولج ترة هو بكد بابا
اشو وگفت سيارة بيهة شباب 2گالت شهد
اجة اخوية تحسين يلة اشوفكم باجر
راد يحرك سيارتة جان شمر علية رقم
😱😱😱لج سرى هذا شمرلي رقم
.عزا العزا اخو شهد هذا ابو بنات وكولش مكروه بالمنطقة لتنطي وجه
.لا سرى شتدرين بيه اروح بطريقي وارجع بطريقي
رجعت للبيت بس خليت الرقم عندي
ثاني يوم اجت شهد المكروهة للمحاظرة
گتلهة شهد اريدج بموضوع
. شهد گولي لأخوج حركات المراهقين عيب
.شنو قصدج
.هذا الرقم اخوج شمرة گوليلة مالي علاقة بهالشغلات فرجاءا هالحركة مااريدهة تتكرر ماشي
.شهد غضبت دارت وجههة وراحت وطول المحاظرة متلتفتلي خلصنة وجاي نطلع جان اجة اخوهة وهم ويا هذا الولد گاعد ليگدام بس ابد ميباوع مالة علاقة
هاي شهد حاجت اخوهة وصعدت
اشو شخط السيارة من يمي وگال الا اندمج
سرى سمعت هالكلام كتلهة سرى سمعتي خليج شاهدة خاف هذا يتصرف تصرف مو زين
رجعت للبيت ردت احجي لباسم خفت مااعرف ليش ومر اسبوع وشهد گامت متجي للمحاظرات بس اخوهة كل يوم يجي يعترض طريقي بسيارتة واني اغير طريقي اخر مرة نزل ووكفلي بنص الشارع واني متأخرة كولهم داخلين محاظرة بس اني برة اشو هذا جر ايدي وكال
😡تسوين نفسچ شريفة علية انتن بنات المحاظرات كولجن مو زينات
.كتلة واختك هم لعد
اشو هذا جر موس من جيبك واضربني بجتفي جرح خفيف بس شك قميصي وطلع دم رحت ركض للقاعة وگولت للأستاذ
بيومهة وصلني الأستاذ للبيت وحجة وية بابا
بابا كولش خاف علية بس مؤمل ومرتجى بقو يحجون اما مصطفى كان يدرس برة بمصر فمالة دعوة بمشاكلنة
مؤمل
بعد تتركين المحاظرات
.بس اني اريد معدل عالي مااريد اترك المحاظرات
.مرتجى
اكولج لتردين الكلمة بكلمة دراسة ماكو
بابا كللهم اشو متستحون اني طرطور شنو اختكم تروح لمحاظراتهة والولد اني راح اتدبر امرة
راح بابا لأبو سرى ودلو بيت الولد اتصل بابا بمعارفة ودزولة الشرطة للبيت سحبو تحسين اخو شهد وسووله امر عدم تعرض لشهلاء
.رجع تحسين للبيت وعيونة تجدح حقد
بقة يتابع شهد بس بسيارة ثانية تحلفلهة الا يبجيهة دم على الي سوتة
وبيوم سرى جانت مموجودة غايبة رجعت سالي لوحدهة والجو حار دخلت اسواق تشتري عصير
طلعت والشارع فارغ لاكتهة سيارة بيهة تحسين مشت سريع واعترضهة جان ويا ذاك الولد الهادئ بس تشوفه يحجي على صديقة بس كول هذا هي ممهتمة بس تريد تتخلص منة
نزل تحسين جرجر شهلاء بقت تقاوم سحبهة للسيارة ووگعت كتبهة وفونهة بالگاع قفل عليهة السيارة الولد الي ويا يصيح علي
.لك تحسين مااتفقنة هيج انتة كلت بس احاجيهة واني اعيط واضرب بيهم هذا مشة سرررريع وصديقة مستمر يرزل بي كالة
.تحسين بنية هاي يعني عرض الناس وانتة عندك اخوات فضهة ونزلهة
تحسين
والله ماانزلهة الا اندمهة انزل انتة انزل كرم اذا تريد
.والله الا تنزل بنت الناس
.ماانزلهة
نزل الولد
