ومر اول اسبوع شهﻻء متاكل بس عالمغذيات ومتحجي ويا احد بس صافنة وتبجي بدون صوت كرم يتردد عليهم يكعد يمهم شوية ويرجع حتة يشوفهة
.شهﻻء. فقدت قدرتي عالنطق احس صوتي ميريد يطلع جانت سلوتي البجي بدون صوت شكد خططت وحلمت شلون اربي وحتة سميتة اباوع تجهيزاتة وصور سونراتة يزيد بية اﻻلم اني ليش هيج معقولة ربنا ميحبني وهيج يصير بية ﻻ استغفر الله حاشى لله كول شوية الزم مﻻبسة ابوسهة وارجعهة وخلص الشهر وتعافت عمليتي واني ماكو كﻻم كرم يروح ويرجع يحاول يخفف عني بس اني احس روحي راحت ويا ابني احس فد شي انسلب من روحي وبعد ميرجع بقيت ايام تجيني بس انام وايام صافنة بغراضة الى ان يوم نمت وكعدت فتحت الكنتور ماكو مﻻبس ابني وﻻ صور السونار وﻻ اي من ذكرى حملي بقيت مثل المجنونة ادور كلبت البيت اجت ماما كالت شنو الي تردي محجيت بقت تلح شنو شتردين انطيتهن مﻻبس ابنج وصورة ذبيتهن كافي راح تتخبلين بقيت حسرة بكلبي اريد اعيط بدت دموعي تجري وماما تحجي وتكول انسي كافي هو مات انتي عيشي وهنا عطت بصوت عالي هز البيت هز الكل صعدو للغرفة على اثرة بقيت ابجي واصرخ بصوت لحد محظنتني ماما وبقت تبجي وياي وكالت
.لو باقية معايطة جان تخبلتي ماما شهﻻء شفتي الظنا شلون غالي واني جاي اشوفج تذبلين كدامي ردت اعصبج حتة تفرغين قهرج
بجيت بحظنهة لحد مرتاحيت شلت راسي كتلهة ماما اخذيني لكربﻻء
.ام شهﻻء . فدوة لعمرج ياماما هسة نتحظر واخذج
تحظرنة ورحنة واول موكعت عيني عالمراقد المقدسة بجيت فرغت حزني حسيت همة الي راح يفهموني زرت وارتاحيت وحسيت براحة نفسية عجيبة كأنما الطاقة السلبية والقهر كولة تﻻشى بتنا ورجعنا ثاني يوم تحسنت نفسيتي وبديت ارجع لحياتي بس مداومت لحد مفد يوم اجت نهى ومهيمن رحبو اهلي بيهم وكالو لبابا انو اﻻساتذة مقدرين وظعهة وانو تكدر عادي ترجع والمحاظرات كولهة ينسخوهة الهة وبالفعل رجعت داومت
اول ايام جانت صعبة جنت اشوف الشفقة والتعاطف بعيون زمﻻئي ويزيد قهري بقيت ﻻبسة اسود بهاﻻيام اجة كرم وبلغ اهلي انو طﻻقنة باطل بس اني رفضتة وكتلة نرجع نطلق يم الشيخ وطﻻق المحكمة نافذ ومن يومهة بعد كرم مااجانة اني ذبيت نفسي عالدراسة وجانت شهد تداوم ونظرة شماتة فظيعة بعيونهة جانت فرحانة بأذيتي رغم اني ممسويتلهة شي كامت تفوت من يمي لو تطخني بجتفهة او تخزرني او تحجي ويا صديقاتهة وتأشر علية وتظحك ومرة كاعدين وفاتت هي وزميلتهة جان تكوللهة راح نسوي نونو اني وحبيبي كرم وخلي الناس تطك وتموت انقهرت ردت اكوم جان مهيمن لزم ايدي وكال كعدي بهاﻻثناء دخل كرم وشاف الموقف دخل متعصب يريد ياكلني عبالي راح يسوي فد مشكلة اشو هذا راح لشهد ولزمهة من ايدهة وطلع ويشاورهة ويضحك اني صح تركتة بس انقهرت حيل غثني تصرفة طلعت برة واجة مهيمن كال تعالو مدام خلصنة محاظرات خل نطلع نشم هوة برة كلنالة اني ونهى وين يعني كال باي حديقة او مطعم طلعنة بس محسبت حساب يلحكني كرم واحنة نمشي بالسيارة شفت سيارتة تمشي بصفنة ويمشي بسرعة جنونية درت وجهي منة وبقيت احجي ويا نهى ومهيمن ونظحك ونتشاقة كعدنة بحديقة وشفت كرم نزل من السيارة وكعد كبالنة تعمدت اكوم واكعد بصف مهيمن وطلعت دفتر وكتلة اكتبلي اسمي بخطك الحلو كام يظحك وكتبلي اخذت الدفتر حظنتة وبعدين خليتة بالجنطة كام مهيمن يشتريلنة غدة ويرجع اجة كرم وعيونة تطفر شرر كال امشي كومي وياي
.نهى. اخ كرم عيب هالتصرف احنة ويانة رجال
.كرم .رجال عليج مو على زوجتي
شهﻻء .اني مو زوجتك واجنة تطلكنة
.كرم. ﻻ بعدج على ذمتي لو نسيتي
.ﻻ منسيت كفيت ووفيت وياي وروح ويا زوجتك كون اسرة مثل مكالت زوجتك
.كرم .منو كال
.نهى . ولو تدخل مني بس زوجتك شهد من تفوت من شهﻻء تبسمرهة انو ابنهة مات وانو انتة وشهد راح تسوون طفل
.كرم .من كالت نهى هالكﻻم شهﻻء طفرت دمعة من عينهة وركضت للشارع وكفت تكسي وراحت رحت بسيارتي وراهة بس مكدرت ادخل بيت اهلهة زحمة رحت للبيت وانتظرت شهد تجي وراح اعرف اتعامل وياهة
