شهﻻء
.ماأعرف شجاني ومنين جاي استمد هالقوة مااريد اظعف اريدة يمل مني ويطلكني يارب احفظني بحفظك وخليني اصبر على كولشي دخلت لكيت خالة ام كرم بالمطبخ وتحجي ويا شذى كالتلهة شنسوي غدة كتلهة
.خالة اني اساعدج او تركي الطبخ ارتاحي اني اطبخ .اشو ابتسمت بوجهي وهاي اول مرة وكالت
.شهﻻء تعرفين تتطبخين
.اي خالة ماما علمتني
.شتعرفين مثﻻ
اي اكلة تحبيهة خالة كولي واسويهة
.زين تحدي تسويلنة سبيناخ وتمن
.تتدللين من عيوني خالة
.فتحت الثﻻجة وطلعت المواد وهي صافنة علية ورة شوية بين ماﻻكل يجهز سويت كاستر بجوز الهند ورحتلهة لباب غرفتهة ودكيت الباب
.منو تفضل
.اني خالة
.دخلي تعجبت بيدي صينية
.خالة هذا كاستر جوز الهند كولش طيب تحبين تاكلين او ورة الغدة
.والله شهيتيني شو جيبي بالله خل اجرب طبخج
.ضاكتة وكالت والله عاشت ايدج اني بناتي الجاي ميعرفن يسوونة
طلعت وحسيت براحة ﻻن ظحكت خالة وياي بس شذى بعدهة شوية اعصاب
وصار الغدة واجة عمو وكرم صبيتلهم الغدة وجهزت الميز ورحت لخالة وصاحت الكل وكالت
.صعدي لكرم خل يجي
.دخلت للغرفة جان يحجي ويا شهد مكلت شي بس كلت غدة
.نزل جوة اني كملتلهم كولشي وجاي اصعد جان صاح عمو
.شهﻻء تعاي بابا تتغدين ويانا بعد حالج حال البنات
.كعدت بخجل وصار كرم بصفي وكال
.شنو هاﻻبداع ماما اليوم اكلتي المفضلة والطعم يجنن غير كل مرة
.نطت سما من يمهة وكالت
.هذا طبخ شهﻻء اشو كرم كال الحمد لله شبعت اني انقهرت بس سكتت ورتبنا المطبخ اني وشذى بس نهائياً متحجي وياي وصعدت للغرفة اسمع كرم يكل لشهد
.اليوم المدام طابخة مااكلت تعمدت دخلت من شافني سكت وفشل
.فرشت فراشي بالكاع وخليت الهيدفون باذني وغفيت وعيت على صوت سما تكعدني كالت
.ماما تكول ترحين ويانة للسوك كتلهة
.ﻻ سماوي مكايلة لكرم وكلش تعبانة
.راحو وبقيت بوحدي حرت شسوي لبست برمودة قصيرة ولميت شعري ونزلت جوة نظفت البيت بديتول وغسلت الكراج صار البيت يلمع ورجعت لغرفتي انجطلت عالجرباية وبقيت ابجي بهدوء احس ارتاحيت
.ام كرم رجعنا للبيت وجان يلمع وريحتة نظافة مااعرف انقهرت على شهﻻء فجبتلهة غراض بناتية وكم قطعة مﻻبس نوم وعطور صعدت الهة واسمع صوت بجي خااااافت مااعرف شجاني تخيلت لو وحدة من بناتي صاير بيهة هالشي يمكن اموت دكيت الباب طلعت عيونهة منفوخة كتلهة العروسة شبيهة ظايجة
.ﻻ خالة جنت نايمة
دتعاي بغرفة سما شوفي شجبتلج
.شهﻻء
تفاجأت بخالة من صعدت قبل 4 ايام جانت كولش اعصاب ومتتحاجة الحمد لله الي سخر كلبهة الية
رحت وراهة لغرفة سما ودخلت كالت تعاي تفرجي وشوفي جايبتلي شغﻻت تجنن وكولهة ماركة كالت هذا ذوق شذى وهسة ترحين تقيسين المﻻبس
.ظحكت كتلهة خالة
.خليهن باليل
.ماكو قيسيهن حتة تنطيني رأيج
.رحت لغرفتي واني مأمنة كرم برة ويرجع باليل طلعتهن كولهن مﻻبس نوم يجنن
اخذت واحد اسود وبي قياطين بظهرة لبستة وفتحت شعري جان كولش قصير وكلوش وكولة دانتيل والظهر مفتوح وقيطان كولش حلو بس المن البسة ظحكت كلت البسة لنفسي افتريت بي واظحك وافتر
.كرم رجعت للبيت اخذ فلوس ﻻن عازم شهد عالعشة ومااريد اقصر وياهة بشي دفعت باب الغرفة واشوف مﻻك يفتر ويظحك عبارة عن الهة جمال رجليهة تلمع وية قميص النوم والادين سحررر الشعر خيال منتبهتلي افترت ووكفت شافتني ركضت للكنتور تقربت من يمهة مجاي اكدر امنع نفسي دادور شي تلبسة وظهرهة علية كولة مبين من ورة القميص مديت ايدي انتبهت رادت تركض سحبت القيطان انغتح بيدي وكع الفستان كولة احتارت شتسوي تقربت منهة حظنتهة حيل كامت كوة تتنفس انتبهت على نفسي تركتهة وطلعت
.شهﻻء دخل كرم واني بهالبس تقرب مني وفتح القميص ووكع حظني مااعرف شجاني تمنيت يبقة حاظني وميروح حسيت بأماااان فضيع واحس لهسة صوت انفاسة باذني
