كرم .اعرف انو شهﻻء وشهد بنفس القسم بس شهد مرحلة ثانية وشهﻻء أولى كمت كل يوم اوكف هناك بلكي المح شهﻻء وعدة شهر والثاني والثالث وابد مااجت صدفة اشوف بيهة شهﻻء لحد مقررت فد يوم اروح للسنتر بلكي اشوفهة اتصلت بشهد كالت اني بالسنتر رحت كعدنة وجان المح شهﻻء تتمشى ياربي اية جمال ونزاكة وبطنهة تخبل كبرانة صايرة جنهة بطة 😍اباوع وياهة شاب وبنية فرررت من الغضب تظحك وية الولد عادي وتتشاقة كعدت على ميز الولد قدملهة الكرسي باوعت علية معقولة بينهم شي بقو ربع ساعة تقريبا كظوهة ظحك وهي منطلقة وفرحانة دارت وجهة ولمحتني تغير لون وجهة شهد اجاهة اتصال ﻻزم ترجع للمحاضرة رجعت شوية رادت تكوم جان تعثرت ولزمهة الولد من ايدهة 😡😡😡واني مسيطرت بعد هجمت عالولد وكوة شالونة الطﻻب وفرقونة واحد عن الثاني هي وجههة ينطي الوان والبنات اخذوهة صارت صفرة من الخوف واني والشاب الي وياهة اخذونة امن الجامعة واستدعو شهﻻء واخت الولد فهمتهم شهﻻء كالتلهم هذا طليقي ومابيني وبينة اي رابط او عﻻقة دارت وجهة علية وكالت
.رجاءً بعد لتسببلي اي مشاكل
اخذو مني تعهد انو مااوصل لشهﻻء نهائياً وطلعت
.شهد .رجعت للمحاظرة جان اسمع البنات يسولفون بعركة صايرة داخل السنتر ردت اعرف شكو محد كلي لحد مطلعت عرفت انو مهيمن وكرم متعاركين اكيد كرم من غيرتة على شهﻻء الحقيرة سوة هيج هيييين انتة وياهة والله ﻻربيكم رجعت للبيت دخلت للغرفة لكيت كرم كالبهة مدخنة يحرك جكاير باوعتله وكلت
.شهد . بالله شنو معناهة هالفضايح بالجامعة عليمن علمود هالفكر بت الفكر شوية احترم مشاعري
.كرم .انتي بالذات لتحجين وﻻ كلمة دمرتي حياتي بقذارتج ومخططاتج
.شهد .افهمني كرم ﻻن احبك ليش متقتنع
.كرم .هههههههههههههه ظحكتيني واني مااريدج مالي نفس بيج
.شهد .قصدك ماعندك ذرة رجولة
.كرم هنا استفزتني شهد جريتهة من شعرهة وكتلتهة كطعتهة بقت تعيط سحلهة للحمام وقغلتة وطلعت
سحلتهة للحمام وقفلتة وطلعت رجعت باليل كولش لكيتهة نايمة عالسرير شلون طلعت من الحمام مااعرف رحت للحمام لكيت قفلة مكسور يعني كاسرة القفل وطالعة باوعت عليهة وحقد الدنيا كولة بكلبي ظيعتني ونزلتني من عين شهﻻء واهلي خلتني كدامهم خاين ومغتصب شلووون اخليهة تعترف بالي سوتة حيرة تقربت من السرير كلتلهة بصوت عالي
.كرم .شهد هيييييي كومي منا
.شهد. كرم شبيك والله متكسرة خل انام فدوة
.كرم تقربت عليهة وسحبتهة من ايدهة كومي منااااا شهد باوعتلي بنظرة حب وشمرت نفسهة بحظني وكالت
.شهد . كرم نسيتني نسيت شهودة حبيبتك الي باعت الدنيا واشترتك حبيبي كرم والله اريدك
.كرم . دفعتهة واني مستغني عنج مااريدج بعد الي سويتي بية طلعتي من عيني لج شنو قشمر كدامج لو مكرن تكوليلهم اغتصبني وانتي اصﻻ مو بنية ومن زمان فاقدة عذريتج
.شهد .كرم اني كولشي سويتة علمودك اترجاك افهمني
.اها افهمج وانتي يمتة تفهميني بالله اني احب شهﻻء احبهة
.شهد .ماشي لعد تحمل عواقب كﻻمك
.شهد بسيطة اني اعلمهم شنو شهد ضحيت بسسمعتي في سبيل يتزوجني تالي بعدة يحبهة.
شهﻻء.هﻻيام دخلت بالسابع احس بنفسي هواي تغيرت ونفسيتي تحسنت وحابة نغسي وحابة احساس اﻻمومة واحساس وجود حياة داخل جسمي ربي يعوظني خير ويطلع النونو سالم معافى يارب
نهى .شهﻻﻻﻻء وين سرحتي
.شهﻻء .هههههههههه لج جاي اتخيل نفسي ولدت النونو😂
.😂😂بعد لج تلحكين بعد شهرين
.شهد .السبب الوحيد الي يربط كرم بشهﻻء هو الطفل وهالسبب راح يختفي على ايدي بيوم رحت للقاعة سألت على شهﻻء كالو بالمحاظرة وسألت على نهى واخووهة كالو نهى غايبة بس اخوهة موجود ماشي هسة استفاد مدام صديقتهة المكروهة مو وياهة اتصلت للعمادة لحسام صديق فاروق كتله اتصل على قسم اكو بنية اسمهة شهﻻء خل يدعونهة للعمادة باوعت طلعت نزلت اول خممس درجات ورحت وراهة على كيف ودفعتهة اتدحرجت لنهاية الدرج وسكتت فقدت وعيهة والقسم فارغ كةلهة بالقاعات ورة شوية طلعو وانخبص القسم لكوهة غركانة بالدم شايلهة مهيمن للمستشفى
شهﻻء .دزو علية العمادة استغربت شيردون مني نزلت وجان القسم فارغ كولهة بالقاعات اول درجات نزلت ومااحس اﻻ دفعة اجتني وكعت للاخير وماحسيت على نفسي اﻻ ومهيمن يركض بية افتح عيني واسدهة ما ااكدر اقاوم جاي احس نفسي فقدت طاقتي ومحسيت على نفسي اﻻ على سدية عمليات وطلعوني برة اون من اﻻلم لكيت ماما وبابا واخواني حجيت بصوت ناصي
.ماما ابني وين راح كالت لتخافين بالحظانة دخت ونمت
.كرم .اتصلو علية اهل شهﻻء كالو تعال للمستشفى شهﻻء واكعة من درج القسم وبالعمليات حالتهة خطرة رحت انتظرنة ساعة ونص يلة طلعلنه الدكتور كال وين ابو الطفل كتلة اني جان طلع كارتونة صغيرة وكال البقية بحياتك الطفل ماقاوم ومات
.هنا حسيت خسرت الدنيا كولهة وكعت بالكاع وحاظن الكارتونة بيدي هاي هية هاي نهاية حلمي راح ابني وزوجتي مو عندي انتهيت جنت قبلهة بيوم يم شيخ وسالتة انو طلقت زوجتي ومجنت أعرف بيهة حامل كال الطﻻق باطل يعني بعدهة على ذمتك وجنت فرحان كلت تولد شهﻻء وارجعهة الية هسة تهدمت حياتي حتة مااجتني الجرأة وفتحت الكارتونة كوموني اخوان شهﻻء وباسم اخذ الطفل تمم اﻻجراءت ودفنا رجعنة للمستشفى لكينة شهﻻء طالعة من العملية وبغرفة خاصة امهة يمهة تبجي كالت فاقت سألت عالطفل ونامت بعد
.كرم .وشكتيلة خالة
.كتلهة بالحظانة بعدة شلون بيه من توعة شراح اكللهة شلون راح اوصللهة الخبر
.ولليل وعت شهﻻء تباوع علينة واحد واحد كالت
.جيبولي ابني اريدة
.ابو شهﻻء. بابا حبيبتي ارتاحي وبعدين تشوفي
.شهﻻء .ﻻ هسة جيبو انتو ليش متجيبو الية
.باسم .حبيبتي ارتاحي واني بيدي اجيبة الج لتخافين
.شهﻻء .انتو شبيكم هيج تباوعولي وماما ليش عيونهة حمرة وكرم شعندة جاي
.باسم .بابا خل نطلع حتة ترتاح اعصابهة
.شهﻻء . ﻻ تعالو ليش تتهربون ابني مات مو مات وكامت شهﻻء تعيط ملخت نفسهة وعمليتهة نزفت اجوهة الدكاترة عالجوهة وظربوهة مهدئات نامت بس وهي نايمة تبجي وساعة تظحك وساعة تحجي ويا نفسهة كأنما تناغي طفل جانت حالتهة تبجي الصخر مااستحملت تركت الغرفة ورحت للبيت بحظن امي بجيت واشتكيت وكتلهة والله تحطمت حياتي وداعة ابني الي ملحكت اشوفة شهد مجايسهة تبلت علية وحجيتلهة كولشي بقت تقرة على راسي لحد مغفيت
.شهد .ههههههههه حلللل مات ابنهم بعد ماكو شي يربطة بذيج الحقيرة بعد يبقة الية بس
