عدالة الرب

البارت الاول

القصة ستحكى عن لسان صاحبتها ...
مرحبا جميعا اني رهف عمري حاليا 26 سنة
نرجع ليوره قبل 5سنوات لان منا تبدأ قصتي اني طالبة معهد حاسبات مرحلة اولى طولي 172 وزني 66 بيضه وعيوني عسليات وحلوة ومرتبة الكل يسموني مليكانة كلبي طيب لدرجة كبيرة بس من الخارج مبين للناس مغرورة وانعزالية ومعقدة بدت السنة عادي قسمونه على الشعب وسولنه حفلة تعارف طبعا مارحت ماحبيت اتعرف على احد ماجان عندي خلك سوالف المراهقين الي بالجامعات تصير فحبيت اكون خارج قوس منهم وفاتت الايام ومشغولين عادي محاضرات ودروس ولحد هسه ماعندي لا اصدقاء ولاشي
وفد يوم واني كاعدة جوا الشجرة الي مقابيل القسم مالتنا اجه عليه شاب اعرفه من المحاضرات الي ويانا شعبيته كلش هواية وصاير الكل بالكل بس ولا مرة حاجية وياه اني اسمه سيف
سيف: مرحبا صباح الخير
رهف: صباح النور تفضل اخويه
☺: شلونج ان شاءالله تمام
😇 : الله يسلمك بس بانزعاج
☺: اسف اخاف ازعجتح .... بس حبيت اتعرف عليج ...ممم بصراحة عندي فضول ليش هلكد انعزالية انتي
😇.. باستغراب ليش ؟؟؟ زاعجتك بشي
☺.. لا لا ابد بلعكس ... بس ماجيتي لحفلة التعارف وما اشوفج تحجين ويه احد صار عندي فضول موتني حته احجي وياج
رهف (فاتو شباب من يمنا من قسمنا وديسمعون  حجي ليش لا الله ربك سيف حتى هاي حرام عليك انطينا من حظك شوية ويحاجونا الحلوات.. كبل وكفت على حيلي وصرت حمرا من العصبية
كمت ومشيت بعصبية
سيف: الله يخليج انتظري اسف والله مو قصدي اضوجج هذوله ميستحون من غيرتهم هيج كالو الناقصين  اني راح اعلمهم شون يحجون بعد رديت عليه بعصبية : اي روح كبرلي المشكلة مو هيج تريد انت حتى تصير عنتر مال كلية اصلا محد سمحلك ادافع عني رجاءا خليني اروح
درت ومشيت بسرعة
سيف ( مرحبا اني سيف اني من غير محافظة وكاعد هنا بقسم داخلي طولي 177 مواصفاتي عادية حنطاوي عيوني خضرا بس شعبي ومحبوب بشكل اجتماعي حيل من اول ماداومت بلجامعة واني جذبتني بنت كلش حلوة بس الفضول موتني اتعرف عليها مااسمع صوتها بس بلمحاضرة من الاستاذ ياخذ حضورنه ويكول رهف دكول نعم بس يوم عن يوم يزيد اعجابي بيها وحاولت احجي وياها بس صار الموقف مال الشباب الناقصين حسيتها كرهتني ماعرف شسوي حته تثق بيه )
رهف( مرت ايام واني مكضيتها امتحانات ودروس بس انتبه على سيف مراقبني طول الوقت بصراحة عجبني شكله ومبين خوش ولد بس اني حالفة ما اسوي علاقات او صداقات بالجامعة وكالعادة من خلصت المحاضرة رحت كعدت جوا الشجرة مالتي اجو بنات من شعبتي وسلمو عليه
👩-- هلو رهوووفة شونج عيني
😇-  مرحبا الحمدالله تسلمين
👩--- اكولج حبينا نعرفج على نفسنا اني هديل وهذني صديقاتي جنان و روئ وكلثوم
😇---- اهلا بيكم اني رهف اتشرفت
👩----- اكولج شنو سالفتج مسوية نفسج ثكيلة حتى تحصلين معجبين
وكلهم بضحكة خبيثة ههههههههههه
😇--- شنوو ؟؟ مافهمت قصدج العفو بس عدكم مشكلة وياية
👩--- لاعيني نتشاقة وياج شبيج زعلتي وهههه اكولج ليش ماتصيرين بالشلة مالتنا نشوفج وحدج خطية اخاف ماعندج صديقات
😇--- شكرا حياتي بس ماحابة اكون شلة وهالسوالف ماتعجبني اعذروني لازم اطلع اجه السايق مع السلامة اتشرفت بيكم
👩--- الله وياج عيني