عدالة الرب

البارت الثالث

رهف ( اجيت للامتحان دورت على سيف ماكو من طلعت شفت وسام صديقه سئلته على سيف شو هذا بااوع عليه بنظرات استحقار )
-- شتريدين من سيف مو كافي الي سويتي بيه سيف بليل جان بلطوارئ بسببج عن اذنج
رهف( جمدت بمكاني هذا شيكول شمسوية السيف اتخبلت بقيت حايرة بس اريد يجي باجر واشوف سيف واستفسر منه وصدك صار باجر ورحت للجامعة لمحته من بعيد مشيت باتجاهه بس اشو اول ماشافني دار وجهه ومشى عني حيل ضجت وماعرفت شسوي مو من طبعي اركض ورا بعد فترة هم شفته واكف وية الشلة مالته شكد اكرهم فتت سلمت عليهم البنات سلمن من وره خشمهن بس هو اصلا ماسلم كبل كال يله هدولة خلي نروح للكافتريا اليوم عازمكم على حسابي كلش انقهرت ابتعدت عالسريع ورحت يم شجرتي تلقائيا دموعي نزلت ماعرف ليش اشو اجه واحد كعد يمي مسحت دموعي ودرت عليه شفته فد ولد بشعبتنا هو هم من غير محافظة بس ماعندي كلام وياه اسمه لؤي يمكن مابقه بنت ماسوه وياها علاقة بهاي السنة
😇-- تفضل اخوية خير
👦-- مرحبا ممكن اعرف ليش تبجين بس لا مامجاوبه بالامتحان 
😇-- اعتقد شي مايخصك عن اذنك
لؤي(( خرررب هاي شكد معقدة ولج اوكعج اوكعج وين تروحين مني ))
رهف( ردت اروح للبيت بس فكرت لازم اواجه سيف قابل اني شمسوية الفضول موتني رحت افتر على طريق الخروج بلكي من يطلع من الكافتريا اشوفه واحجي ويا انتظرت فد ساعة وجان تمطر بقيت جوا الشجرة واكفة لمحته من بعيد يمشي ويه هديل الحية وديقتربون من شافني ما شال عينه ابد بس هديل ضاجت )
سيف( من يوم الي عرفت حقيقة رهف حيل ضجت منها طول فترة الامتحانات ماسلمت عليها ابد بس اخر يوم امتحان النا من دارجع من الكافتريا شفتها واكفة جوا الشجرة والجو يخبل ودتمطر ردت اروح ااحضنها واحميها من المطر بس مارحت الا ان صااحتلي)
😇-؛- سيف سيف ... ممكن دقيقة من وكتك
☺--- اتفضلي ست رهف
😇- بس بلا زحمة رايدتك  على انفراد
هديل--- احجي اني مو غريبة مو صح سيوفي
رهف- ممممم اوكي غير وقت اخذو راحتكم
سيف( من رادت تروح كلت هذا اخر يوم شون اشوفها بعد كبل كلت لهديل انو تعوفنه وحدنه بس هديل بلكوة راحت)
😇 ؛-- سيف ممكن اعرف شكو الفضول موتني وسام يكولي بسببج صديقي راد يروح مني وانت ماتسلم عليه بس اريد اعرف شصار
☺-- ماكو شي لاتشغلين بالج
-- بس لازم اعرف ارجوك احجي
-- انتي ليش واكفة جوا المطر
؛- كنت انتظرك
---- الا بهيج وقت يومية ماكو مطر الا اليوم اخاف تتمرضين لان تبللتي
--- مو اليوم اخر يوم وبعد ماراح اشوفك فحبيت احجي وياك ارجوك احجي شكو الفضول قتلني
--- ممم ماعرف اني ضجت ع الحجي الي كلتي عني
سيف( بديت احجيلها السالفة بس شفتها خطية انصدمت كبل اقسمت انو هي ماكالت هيج حجي وماشوف غير دمعتها نزلت جانت كلش حلوة طالعة وانوب الجو ممطر وفوكاها دموع ماتحملت ابد
سيف-- لالالالا اترجاج لاتنزلين ولادمعة اترجااااج اني اسف مصدكج بس لا تبجين والي كالي هذا الحجي لازم يتعاقب اسف رهف
😇-- اوكي بس انت شون تصدك هيج شغلات عمري مااحجي على احد بظهره اني اسفة لان مضوجتك كل هالفترة الحمداللة انحل سوء التفاهم
رهف( بقينا نص ساعة نحجي وبعدين تمشينه لحد الباب وطلب مني رقم تلفوني بس كتله ماعندي فون ووعدني ان السنة الجاية راح ينتقم من كل الي جذبو عليه وراح يموتهم من الغيرة وتوادعنا ورحنا وخلصت السنة ) ....

سيف( بقيت فترة العطلة كلها افكر برهف وشون راح اخطبها السنة الجاية حتى جماعة هديل يموتون غيرة بس بعد فترة بقو هديل وجنان يتصلون بيه ويعرفون اخباري وفد يوم واجهت هديل وكتلها ليش جذبتي عليه وهي ولا ارتبكت وكالت--- ههههههه هاي شجذبت عليك ست رهف اكيد يوم المطر صدك وداعتك كالت بس طبعا استحت او اتندمت روح اسئل البنات واتاكد وبعدين انت شمجلب بهاي رهف شو كلثوم خوش بنت وميتة عليك اني اشوف تنطي مجال ال كلثوم تستاهلك اكثر ..... وبقت هديل تلح على موضوع كلثوم ويوم عن يوم تكرهني ب رهف وتحجي عنها شغلات مو حلوة واني بقيت حاير ماعرف اصدك منو متت لحد ما بدت السنة الجديدة
رهف ( بدت السنة الجديدة واني بس اتمنى اشوف هديل واحجي وياها وصدك شفتها رحت عليها
😇 مرحبا هديل مرحبا جنان
👩؛-- مراحب عيني شلونج محلوة
😇-- ممكن اعرف انتو العام ليش هيج حاجين عليه وكتلهم عالموضوع
👩 -- شوفي حبي الفات مات واحنه ولد اليوم اعذرينا كلثوم جانت تحب سيف وهيج كالت فه سامحينا احنه نعرف انتي ماتحبي فه كلثوم خطية تموت عليه والحمدالله هسه صار الها طول فترة العطلة هم مسوين علاقة وراح تشوفين بعينج هاي السنة يموتون على بعض
جنان -- اي والله شكد لايكين لبعض خو هو راح يموت عليها احسنلج تبتعدين عن سيف
😇--- الله يهنيهم ان شاءالله اعذروني لازم اروح
رهف ( بس سمعت الي كالو هديل وجنان اتخبلت كلت هو هذا وعدك الي مو كلت راح تنتقم وتاخذ حقي وطلع انت صاير روميو سيف حيييل كرهته ضجت منه ومن كل الشباب صرت معقدة بعد اكثر من اشوفه اغير طريقي ومن يسلم ما ارد عليه ).